ແຂວງວຽງຈັນ ຕ້ອງການທຶນເພື່ອພັດທະນາ 2 ພັນຕື້ກວ່າກີບ

ທ່ານ ເຕັ່ງເມັ່ງ ຢ່າງລືໄຊ ຫົວໜ້າພະແນກແຜນການແລະການລົງທຶນແຂວງວຽງຈັນ ໄດ້ຂຶ້ນປະກອບຄຳເຫັນກ່ຽວກັບວຽກງານການລົງທຶນຢູ່ແຂວງວຽງຈັນ ຕໍ່ກັບກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງວຽງຈັນຊຸດທີ II ໃນວັນທີ 31 ກໍລະກົດຜ່ານມາວ່າ: ປີ 2024 ນີ້ ແຂວງວຽງຈັນ ມີຄວາມຕ້ອງການທຶນເພື່ອພັດທະນາທັງຫມົດ 2,366.16 ຕື້ກີບ ກວມເອົາ 21.15% ຂອງ GDP.

ສ່ວນການຈັດຕັ້ງປະຕິບັດ ໃນ 6 ເດືອນຜ່ານມາ ປະຕິບັດໄດ້ 1,911.95 ຕື້ກີບ ເທົ່າກັບ 80.80% ຂອງແຜນການ ແລະ ກວມເອົາ 17.09% ຂອງ GDP ( 11,189 ຕື້ກີບ ) ໃນນີ້ແຜນການຄຸ້ມຄອງຂອງລັດປະຈຳປີ 2024 ຂອງແຂວງວຽງຈັນ ມີທັງໝົດ 273 ໂຄງການ,ມູນຄ່າການລົງທຶນ 7.980,85 ຕື້ກີບ,ສູນກາງຄຸ້ມຄອງ 98 ໂຄງການ,ມູນຄ່າ 7,386.71 ຕື້ກີບ ແລະ ແຂວງຄຸ້ມຄອງ 175 ໂຄງການ,ມູນຄ່າ593.64ຕື້ກີບ,ມູນຄ່າປະຕິບັດວຽກສຳເລັດ 4,320.06 ຕື້ກີບ,ຊຳລະຜ່ານມາ 1,913.71 ຕື້ກີບ ແລະ ງົບປະມານລົງທຶນໃນປີ 2024 ນີ້ໄດ້ຮັບທັງໝົດ 190.20 ຕື້ກີບ,ສ່ວນທີ່ສູນກາງຄຸ້ມຄອງ 168.99 ຕື້ກີບ ແລະ ທີ່ແຂວງຄຸ້ມຄອງ 21.21 ຕື້ກີບ,ນອກຈາກນີ້ແຂວງກໍ່ໄດ້ອະນຸມັດເງິນເກີນແຜນປີ 2023 ແລະ ນຳໃຊ້ໃນປີ 2024 ເພີ່ມຕື່ມ 80.33 ຕື້ກີບ,ເພື່ອຊຳລະໂຄງການໜີ້ສິນ. ໂຄງການສືບຕໍ່ແລະພັດທະນາພື້ນຖານໂຄງລ່າງໃໝ່ທີ່ຈຳເປັນຈຳນວນໜຶ່ງ,ຕາມມະຕິຂອງຄະນະປະຈຳສະພາປະຊາຊົນແຂວງວຽງຈັນ,ລວມທັງ2ບ້ວງທົ່ວແຂວງມີການລົງທຶນທັງໝົດ 270.53 ຕື້ກີບ.ໃນ 6 ເດືອນຕົ້ນປີໄດ້ກວດຜ່ານໜັງສືສະເໜີອະນຸມັດງົບປະມານແລ້ວ 147 ໂຄງການ,ມູນຄ່າ 142.42 ຕື້ກີບ,ເທົ່າກັບ 52.64% ຂອງງົບປະມານລົງທຶນໃນປີ,ໃນນີ້ 123 ໂຄງການ,ມູນຄ່າ 133.75 ຕື້ກີບ ແລະ ເງິນເກີນແຜນ 24 ໂຄງການ,ມູນຄ່າ 8.67 ຕື້ກີບ,ແຕ່ການເບີກຈ່າຍຜ່ານຄັງເງິນແຂວງຮອດທ້າຍເດືອນມີນາ 2024 ໄດ້ພຽງແຕ່ 88.71 ຕື້ກີບ,ເທົ່າກັບ 32.79% ຂອງງົບປະມານລົງທຶນໃນປີ.ການລົງທຶນຂອງເອກະຊົນພາຍໃນ ແລະ ຕ່າງປະເທດ ໃນໄລຍະ6ເດືອນຕົ້ນປີ 2024 ສາມາດອະນຸມັດການລົງທຶນໄດ້ 1.733,65 ຕື້ກີບ,ເທົ່າກັບ 78.30% ຂອງແຜນການ(ແຜນ2.214ຕື້ກີບ)ເປັນກິດຈະການເຊົ່າສຳປະທານ 21 ໂຄງການ ມູນຄ່າ 900.35 ຕື້ກີບແລະ ກິດຈະການທົ່ວໄປ 108 ກິດຈະກຳນມູນຄ່າ 833.30 ຕື້ກີບ, ແລະ ຮັບໃຊ້ການຜະລິດຕາມນະໂຍບາຍສົ່ງເສີມການລົງທຶນຈຳນວນ 15 ໂຄງການ,ມູນຄ່າ 38.66 ລ້ານໂດລາ,ໄດ້ເອົາໃຈໃສ່ຄຸ້ມຄອງໂຄງການຊ່ວຍເຫຼືອທາງການເພື່ອພັດທະນາໃຫ້ໄດ້ຈັດຕັ້ງປະຕິບັດຕາມແຜນການທີ່ວາງໄວ້ເພື່ອປະກອບສ່ວນໃນການພັດທະນາເສດຖະ ກິດ-ສັງຄົມ ໃຫ້ຫຼາຍຂຶ້ນໃນ 6 ເດືອນຕົ້ນປີ 2024 ໄດ້ຮັບການຊ່ວຍເຫຼືອແລ້ວ 35.88 ຕື້ກີບ ເທົ່າກັບ56.56% ຂອງແຜນການ (ແຜນ63.44ຕື້ກີບ),ອັນທີ່ພົ້ນເດັ່ນແຜນການພັດທະນາທ້ອງຖິ່ນລາວ/338ຈະໃຫ້ທຶນຊ່ວຍເຫຼືອຮອດປີ 2027 ທັງໝົດ 65.18 ຕື້ກີບເພື່ອພັດທະນາພື້ນຖ່ານໂຄງລ່າງ,ສ້າງກອງທຶນພັດທະນາບ້ານ ແລະ ສ້າງຄວາມເຂັ້ມແຂງດ້ານວິຊາການໃຫ້ພາກສ່ວນທີ່ກ່ຽວຂ້ອງ ແລະ ເມືອງເປົ້າໝາຍຄື: ເມືອງຫີນເຫີບ,ເມືອງກາສີ,ເມືອງເຟືອງ,ເມືອງແມດ,ເມືອງໝື່ນ ແລະ ເມືອງຊະນະຄາມ ເພື່ອຄຸ້ມຄອງ,ຕິດຕາມ,ເພື່ອຈັດຕັ້ງປະຕິບັດໜ້າວຽກຕ່າງໆຂອງໂຄງການ.

ທ່ານກ່າວອີກວ່າ:ໃນການຈັດຕັ້ງປະຕິບັດແຜນການລົງທຶນປີ 2024 ແມ່ນຍັງມີສິ່ງທ້າທາຍຫຼາຍຢ່າງທີ່ພວກເຮົາຈະຕ້ອງໄດ້ສູ້ຊົນຈັດຕັ້ງປະຕິບັດດ້ວຍຈິດໃຈບຸກທະລຸດ້ວຍຄວາມຮັບຜິດຊອບສູງ,ດັ່ງນັ້ນຈຶ່ງສະເໜີບັນດາທ່ານສະມາຊິກສະພາແຫ່ງຊາດແລະປະຊາຊົນແຂວງວຽງຈັນຊ່ວຍຊຸກຍູ້-ຕິດຕາມປະຕິບັດແຜນການລົງທຶນປີ 2024 ນີ້ຢ່າງໄກ້ຊິດເພື່ອໃຫ້ແຜນສຳເລັດຕາມແຜນການແລະບັນລຸຕາມລະດັບຄາດໝາຍທີ່ວາງໄວ້.

แชร์