ບໍລິສັດ ພູເບ້ຍ ມາຍນິງ ເປີດແວບໄຊສາມພາສາ ເພື່ອສະແດງຄວາມສໍາເລັດ ແລະ ຄວາມມຸ່ງໝັ້ນໃນລາວ

ບໍລິສັດ ພູເບ້ຍ ມາຍນິງ, ບໍລິສັດໃນເຄືອຂອງບໍລິສັດ ແພນອອສ໌, ແມ່ນພູມໃຈ ປະກາດການເປີດແວບໄຊສະເພາະອັນໃໝ່ www.PhuBiaMining.com. ແວບໄຊດັ່ງກ່າວ ມີພາສາລາວ, ອັງກິດ ແລະ ຈີນ ເປັນພື້ນທີ່ມີຂໍ້ມູນຄົບຖ້ວນສໍາລັບຜູ້ມີສ່ວນກ່ຽວຂ້ອງທັງໝົດ, ລວມເຖີງປະຊາຊົນທົ່ວໄປ. ຈຸດສຸມຂອງແວບໄຊ ແມ່ນເພື່ອຄົນລາວ ໃຫ້ສາມາດຄົ້ນຫາຂໍ້ມູນກ່ຽວກັບບໍລິສັດ ແລະ ການດໍາເນີນງານຂອງບໍລິສັດ ແລະ ໂອກາດຕ່າງໃນການເຕີບໂຕຢູ່ລາວ.

ແວບໄຊອັນໃໝ່ ປະກອບມີ: ຂໍ້ມູນກ່ຽວກັບບໍລິສັດ ເຊິ່ງຜູ້ເຂົ້າຊົມ ສາມາດຊອກຂໍ້ມູນທີ່ຄົບຖ້ວນກ່ຽວກັບບໍລິສັດ ພູເບ້ຍ ມາຍນິງ, ເຂດດໍາເນີນງານຂອງບໍລິສັດ, ແລະ ການປະກອບສ່ວນຂອງບໍລິສັດຕໍ່ເສດຖະກິດທ້ອງຖິ່ນ. ບົດເລື່ອງຜົນສໍາເລັດ: ຂໍ້ມູນເດັ່ນກ່ຽວກັບຜົນສໍາເລັດຂອງບໍລິສັດ ແລະ ຜົນກະທົບດ້ານດີໃນລາວ, ແວບໄຊ ສະແດງບົດເລື່ອງຜົນສໍາເລັດ, ການຮ່ວມມືນໍາຊຸມຊົນ, ແລະ ການຈັດຕັ້ງປະຕິບັດແບບຍືນຍົງ. ຄວາມມຸ່ງໝັ້ນໃນໄລຍະຍາວ: ບໍລິສັດ ພູເບ້ຍ ມາຍນິງ ຢັ້ງຢືນຄືນຄວາມມຸ່ງໝັ້ນຂອງບໍລິສັດ ເພື່ອເຮັດທຸລະກິດໃນລາວ ໃນອີກຫຼາຍປີຂ້າງໜ້າ. ແວບໄຊ ເນັ້ນໃສ່ຄວາມຕັ້ງໃຈຂອງບໍລິສັດ ເພື່ອການເຕີບໂຕແບບຍືນຍົງ ແລະ ການປະຕິບັດການຂຸດຄົ້ນທີ່ມີຄວາມຮັບຜິດຊອບ. ຜົນປະໂຫຍດດ້ານເສດຖະກິດ: ສ້າງວຽກຕ່າງໆ, ສະໜັບສະໜູນຜູ້ສະໜອງທ້ອງຖິ່ນ, ແລະ ການປະກອບສ່ວນຕໍ່ການພັດທະນາໂຄງລ່າງພື້ນຖານ, ບໍລິສັດ ພູເບ້ຍ ມາຍນິງ ມີບົດບາດສໍາຄັນໃນເສດຖະກິດຂອງລາວ. ແວບໄຊດັ່ງກ່າວ ມີຂໍ້ມູນຜົນປະໂຫຍດດ້ານເສດຖະກິດເຫຼົ່ານີ້. ການມີສ່ວນຮ່ວມຂອງຊຸມຊົນ: ບໍລິສັດ ໃຫ້ຊຸມຊົນທ້ອງຖິ່ນມີສ່ວນຮ່ວມຢ່າງຕັ້ງໜ້າ, ສົ່ງເສີມການສຶກສາ, ສາທາລະນະສຸກ, ແລະ ສະຫວັດດີພາບດ້ານສັງຄົມ. ແວບໄຊດັ່ງກ່າວ ມີຂໍ້ມູນເດັ່ນກ່ຽວກັບແຜນລີເລີ່ມ ແລະ ການຮ່ວມມືນໍາຊຸມຊົນ. ວຽກງານພົ້ນເດັ່ນດ້ານສິ່ງແວດລ້ອມ: ບໍລິສັດ ພູເບ້ຍ ມາຍນິງ ຮັບຮູ້ເຖີງຄວາມຮັບຜິດຊອບຂອງບໍລິສັດ ເພື່ອປົກປ້ອງສິ່ງແວດລ້ອມ. ແວບໄຊ ມີຂໍ້ມູນລະອຽດກ່ຽວກັບຄວາມພະຍາຍາມຂອງບໍລິສັດ ເພື່ອຫຼຸດຜ່ອນຂອບເຂດຜົນກະທົບດ້ານນິເວດ ແລະ ສົ່ງເສີມຄວາມຫຼາກຫຼາຍທາງດ້ານຊີວະນານາພັນ ແລະ ພຶກສາສາດ.

ແວບໄຊດັ່ງກ່າວ ຍັງຂະຫຍາຍຄວາມມຸ່ງໝັ້ນຂອງບໍລິສັດ ຕໍ່ຄຸນນະທໍາຫຼັກຂອງຕົນ.

ຈຸດສຸມ: ຈຸດສຸມອັນເຂັ້ມແຂງຂອງພວກເຮົາ ຂັບເຄື່ອນຄວາມສໍາເລັດຂອງພວກເຮົາ. ແວບໄຊດັ່ງກ່າວ ສະແດງທິດທາງທີ່ມີຍຸດທະສາດ, ຄວາມເປັນເລີດໃນການດໍາເນີນງານ, ແລະ ຄວາມຕັ້ງໃຈຂອງພວກເຮົາ ເພື່ອສ້າງຄຸນຄ່າໃຫ້ຜູ້ມີສ່ວນກ່ຽວຂ້ອງ. ບໍລິສັດ ພູເບ້ຍ ມາຍນິງ ແມ່ນພູມໃຈຕໍ່ຜົນດ້ານຄວາມປອດໄພ, ຄວາມຊື່ສັດ ແລະ ຄວາມມຸ່ງໝັ້ນຂອງບໍລິສັດ ຢູ່ລາວ.

ການປະຕິບັດ: ໃນຖານະເປັນບໍລິສັດຂຸດຄົ້ນນໍາໜ້າໃນລາວ, ພວກເຮົາ ເຊື່ອໃນການປະຕິບັດທີ່ມີຈຸດປະສົງ. ແວບໄຊດັ່ງກ່າວ ສະແດງເຖີງຜົນສໍາເລັດ, ການປະຕິບັດແບບຍືນຍົງ, ແລະ ການປະກອບສ່ວນຂອງພວກເຮົາຕໍ່ເສດຖະກິດທ້ອງຖິ່ນ. ພວກເຮົາ ໝົດທຸກຄົນ ແມ່ນຜູ້ນໍາພາ ທີ່ເປັນແບບຢ່າງ, ສ້າງມາດຕະຖານສູງສຸດສໍາລັບ ການຂຸດຄົ້ນທີ່ມີຄວາມຮັບຜິດຊອບໃນລາວ. ຜ່ານການປະຕິບັດເຫຼົ່ານີ້, ການມີສ່ວນຮ່ວມຂອງຊຸມຊົນ, ແລະ ການພັດທະນາແບບຍືນຍົງ, ພວກເຮົາ ສ້າງຜົນກະທົບດ້ານດີ. ແວບໄຊດັ່ງກ່າວ ສະແດງເຖີງຜແຜນລີເລີ່ມ ແລະ ຜົນງານຂອງພວກເຮົາ.

ນະວັດຕະກໍາ: ບໍລິສັດ ພູເບ້ຍ ມາຍນິງ ຊຸກຍູ້ນະວັດຕະກໍາ. ພວກເຮົາ ຊອກຄົ້ນວິທີໃໝ່ໆ ຢ່າງຕໍ່ເນື່ອງ ເພື່ອປັບປຸງ ແລະ ຂັບເຄື່ອນຄວາມກ້າວໜ້າໃນຂະແໜງຂຸດຄົ້ນ ເຊິ່ງສະແດງໃຫ້ເຫັນໃນແວບໄຊອັນໃໝ່ຂອງພວກເຮົາ.

ເຕັກໂນໂລຊີ: ເຕັກໂນໂລຊີ ສ້າງຄວາມເຂັ້ມແຂງໃຫ້ພວກເຮົາ. ແວບໄຊຂອງພວກເຮົາ ສະແດງໃຫ້ເຫັນວິທີ ພວກເຮົາ ຍົກລະດັບເຕັກໂນໂລຊີສໍາລັບຄວາມປອດໄພ, ປະສິດທິຜົນ, ແລະ ພະຍາຍາມສ້າງ ຜົນການປະຕິບັດທີ່ປັບປຸງດີຂຶ້ນ ຢ່າງສະໝໍ່າສະເໝີ. ນີ້ ແມ່ນສິ່ງຢັ້ງຢືນ ໃນອີກບາດກ້າວຕໍ່ໄປໃນເສັ້ນທາງການຫັນມາຍຸກດີຈີຕອນຂອງພວກເຮົາ.

ການວາງຄົນເປັນທີ່ຕັ້ງ: ຢູ່ບໍລິສັດ ພູເບ້ຍ ມາຍນິງ, ພວກເຮົາ ເອົາໃຈໃສ່ ພະນັກງານ. ບໍ່ວ່າຈະເປັນພະນັກງານຂອງພວກເຮົາ, ບັນດາຊຸມຊົນທ້ອງຖິ່ນ ຫຼື ຄູ່ຮ່ວມງານ, ພວກເຮົາ ເຂົ້າເຖີງທຸກການພົວພັນດ້ວຍຄວາມເຫັນອົກເຫັນໃຈ ແລະ ຄວາມເຄົາລົບນັບຖື. ພວກເຮົາ ເອົາໃຈໃສ່ສິ່ງແວດລ້ອມ, ຄວາມຍືນຍົງໃນປະຈຸບັນ ແລະ ຕໍ່ໜ້າ. ແວບໄຊຂອງພວກເຮົາ ສະແດງເຖີງແຜນລິເລີ່ມການມີສ່ວນຮ່ວມຂອງຊຸມຊົນພວກເຮົາ, ການປະຕິບັດດ້ານສຸຂະພາບ ແລະ ຄວາມປອດໄພ, ແລະ ຄວາມພະຍາຍາມໃນວຽກງານພົ້ນເດັ່ນດ້ານສິ່ງແວດລ້ອມ.

ທ່ານ ດາລິງ ເຊັງ, ຜູ້ອໍານວຍການ ແລະ ປະທານບໍລິຫານບໍລິສັດ ແພນອອສ໌, ກ່າວກ່ຽວກັບຜົນປະໂຫຍດຕ່າງໆຂອງການມີແວບໄຊເປັນພາສາລາວ ສໍາລັບປະຊາຊົນ.

“ແວບໄຊໃໝ່ຂອງພວກເຮົາ ສະທ້ອນຄວາມມຸ່ງໝັ້ນຂອງພວກເຮົາຕໍ່ຄວາມໂປ່ງໃສ, ການພັດທະນາແບບຍືນຍົງ, ແລະ ການຮັດແໜ້ນທີ່ເຂັ້ມແຂງຂອງພວກເຮົາ ໃນລາວ, ມັນ ຍັງເປັນຖານຂໍ້ມູນທີ່ສາມາດເຂົ້າເຖີງ ສໍາລັບປະຊາຊົນລາວ ຜູ້ທີ່ເປັນເຈົ້າຂອງພາສາ, ເພື່ອເຂົ້າໃຈຫຼາຍກວ່າເກົ່າກ່ຽວກັບທຸລະກິດ, ຄວາມມຸ່ງໝັ້ນຂອງພວກເຮົາຕໍ່ບັນດາຊຸມຊົນທ້ອງຖິ່ນ ແລະ ສິ່ງແວດລ້ອມ.”

ທ່ານ ເຊັງ ກ່າວຕື່ມວ່າ: “ພວກເຮົາ ເຊີນທຸກຄົນ ໃຫ້ເຂົ້າແວບໄຊອັນໃໝ່ຂອງພວກເຮົາ ເພາະມີການສະທ້ອນເຖີງຄຸນນະທໍາຂອງພວກເຮົາ ແລະ ຄໍາສັນຍາຂອງພວກເຮົາ ເພື່ອສືບຕໍ່ສ້າງການປ່ຽນແປງທີ່ດີໃນລາວ.”

ທ່ານ ຈັນເພັງ ກ່າວຕື່ມວ່າ : “ຄວາມມຸ່ງໝັ້ນຂອງພວກເຮົາເພື່ອຄວາມເປັນເລີດ ຂັບເຄື່ອນຜົນງານຂອງພວກເຮົາ. ຜ່ານການສ້າງວຽກ, ການເຕີບໂຕເສດຖະກິດ, ແລະ ການພັດທະນາຊຸມຊົນ,  ພວກເຮົາ ປະກອບສ່ວນຕໍ່ຄວາມວັດທະນະຖາວອນຂອງລາວ ຢ່າງມະຫາສານ. ແວບໄຊ ເປີດກວ້າງຜົນກະທົບທີ່ດີຂອງພວກເຮົາ ແລະ ສະເຫຼີມສະຫຼອງຜົນສໍາເລັດຂອງພວກເຮົາ.”

ເຂົ້າເບິ່ງ ແວບໄຊໃໝ່ຂອງພວກເຮົາ ໄດ້ທີ່ www.PhuBiaMining.com ເພື່ອຮຽນຮູ້ເພີ່ມຕື່ມກ່ຽວກັບເສັ້ນທາງດໍາເນີນທຸລະກິດຂອງບໍລິສັດ ພູເບ້ຍ ມາຍນິງ ແລະ ຜົນກະທົບດ້ານດີອັນຕໍ່ເນື່ອງໃນລາວ.

ກ່ຽວກັບບໍລິສັດ ພູເບ້ຍ ມາຍນິງ: ບໍລິສັດ ພູຸເບ້ຍ ມາຍນິງ, ເປັນບໍລິສັດນໍາໜ້າດ້ານການຂຸດຄົ້ນບໍ່ແຮ່ ໃນລາວ, ໄດ້ຂຸດຄົ້ນແຮ່ທອງ ແລະ ຄໍາໃນພາກພື້ນ. ດ້ວຍການສຸມໃສ່ຄວາມປອດໄພ, ຄວາມຮັບຜິດຊອບດ້ານສິ່ງແວດລ້ອມ, ແລະ ການພັດທະນາຊຸມຊົນ ບໍລິສັດ ພູເບ້ຍ ມາຍນິງ ສືບຕໍ່ປະກອບສ່ວນຕໍ່ການເຕີບໂຕ ແລະ ຄວາມວັດທະນະຖາວອນຂອງລາວ.

• 02/08/2024