ອັດຊຸດອົບຮົມວຽກງານພັດທະນາຊົນນະບົດ ແລະແກ້ໄຂຄວາມທຸກຍາກ ຢູ່ ສປ ຈີນ

ຊຸດອົບຮົມວຽກງນພັດທະນາຊົນນະບົດ ແລະແກ້ໄຂຄວາມທຸກຍາກ ໄດ້ຮັບທຶນສະໜັບສະໜູນຈາກກະຊວງການຄ້າ ສປ ຈີນ ແລະ ຈັດຕັ້ງປະຕິບັດໂດຍສູນສາກົນແກ້ໄຂຄວາມທຸກຍາກ ໄດ້ອັດລົງດ້ວຜົນສໍາເລັດຕາມລະດັບຄາດໝາຍທີ່ວາງໄວ້ ພາຍຫຼັງໄດ້ດໍາເນີນມາແຕ່ວັນທີ 18-31 ກໍລະກົດ 2024 ນີ້ ຢູ່ນະຄອນຫູວງປັກກິ່ງ ສປ ຈີນ, ເຂົ້າຮ່ວມມີທ່ານ ເພັດສະໝອນ ຖານະສັກ ຮອງຫົວໜ້າກົມພັດທະນາຊົນນະບົດກະຊວງກະສິກຳ ແລະ ປ່າໄມ້ ທັງເປັນຫົວໜ້າຄະນະສຳມະນາກອນຈາກ ສປປ ລາວ, ມີສໍາມະນາກອນຈາກກະຊວງ, ກົມກອງ ແລະທ້ອງຖິນ ຈໍານວນ 35 ທ່ານ, ຍິງ 12 ທ່ານ, ມີທ່ານ ນາງ Jie Ping ຮອງຜູ້ອຳນວນການສູນສາກົນແກ້ໄຂຄວາມທຸກຍາກ ສປ ຈີນ; ແລະ ສຳມະນາກອນ ແລະຄະນະຮັບຜິດຊອບ ສປ ຈີນ ເຂົ້າຮ່ວມ.

ທ່ານ ເພັດສະໝອນ ຖານະສັກ ໄດ້ມີຄໍາເຫັນວ່າ: ພາຍໃຕ້ຂອບການຮ່ວມມືລະຫວ່າງລັດທະບານ ສປປ ລາວ ແລະສປ ຈີນ ເວົ້າລວມ, ເວົ້າສະເພາະໂຄງການຮ່ວມມື ຕາມໜຶ່ງແລວ ໜຶ່ງເສັ້ນທາງ ກະຊວງການຄ້າ ສປ ຈີນ ໄດ້ໃຫ້ທຶນສະໜັບສະໜູນ ຈັດຕັ້ງປະຕິບັດໂຄງການໂດຍມອບໃຫ້ສູນສາກົນແກ້ໄຂຄວາມທຸກຍາກ ສປ ຈີນເປັນຜູ້ຮັບຜິດຊອບຈັດຊຸດອົບຮົມ.ໃນໄລຍະຝຶກອົບຮົມສຳມະນາກອນຂອງລາວໄດ້ແລກປ່ຽນບົດຮຽນ,ປະສົບການ,ວິທີການ,ຄວາມຫຍຸ້ງຍາກ ແລະ ສິ່ງທ້າທາຍຂອງ ສປປ ລາວໃນການການການພັດທະນາຊົນນະບົດ ແລະ ແກ້ໄຂຄວາມທຸກຍາກໃນໄລຍະຜ່ານມາ.ບັນດາຊ່ຽວຊານຂອງ ສປ ຈີນ.ກໍໄດ້ນໍາສະເໜີນະໂຍບາຍ ແລະ ການຈັດຕັ້ງປະຕິບັດວຽກງານລຶບລ້າງຄວາມທຸກຍາກທີ່ສອດຄ່ອງກັບສະພາບຕົວຈິງ; ນະໂຍບາຍທາງດ້ານທະນາຄານ; ການປົກຄອງທາງດ້ານດີຈີຕອນ; ການຈ້າງງານ;ດ້ານອຸດສາຫະກຳ; ການພັດທະນາດ້ານການສຶກສາ ແລະ ດ້ານສາທາລະນະສຸກ.ຈາກນັ້ນ,ນັກສຳມະນາກອນໄດ້ລົງໄປຢ້ຽມຢາມ ແຂວງອານຮຸຍຢ້ຽມຢາມບ້ານ,ຕົວເມືອງ,ບັນດາໂຮງງານອຸດສາຫະກຳ;ການຜະລິດກະສິກຳ;ການພັດທະນາແຫຼງທ່ອງທ່ຽວ;ສ່ວນສາທາລະນະ;ການສ້າງບ້ານຕົວແບບ;ໂຮງໝໍ;ການຜະລິດຫັດຖະກຳ ແລະ ໂຮງຮຽນ. ທີ່ຫຼຸດພົ້ນອອກຈາກຄວາມທຸກຍາກຕາມແນວທາງນະໂຍບາຍແກ້ໄຂພົ້ນຄວາມທຸກຍາກຂອງ ສປ ຈີນ. ຜົນສຳເລັດດັ່ງກ່າວຍ້ອນຄວາມຕັດສິນໃຈຂອງພັກ ແລະ ລັດຖະບານຈີນ ໃນການວາງແນວທາງການພັດທະນາທີ່ຖືກຕ້ອງ ແລະ ຈັດຕັ້ງປະຕິບັດຢ່າງມີປະສິດທິຜົນ ພ້ອມທັງການມີສ່ວນຮ່ວມຂອງທົ່ວສັງຄົມ. ຈາກບົດຮຽນດັ່ງກ່າວນັກສຳມະນາກອນໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ໃນການວາງແນວທາງແຜນພັດທະນາ ແລະ ຈັດຕັ້ງປະຕິບັດຢ່າງມີຜົນສຳເລັດ ເພື່ອນຳໄປໝູນໃຊ້ເຂົ້າໃນວຽກງານການພັດທະນາຊົນນະບົດ ແລະ ແກ້ໄຂຄວາມທຸກຍາກ ຢູ່ ສປປ ລາວ.

ທ່ານ ນາງ Jie Ping ຍັງໄດ້ມີຄໍາເຫັນວ່າ: ລັດຖະບານຈີນ ກໍ່ຄືຄະນະຮັບຜິດຊອບຈັດຊຸດອົບຮົມໃນຫົວຂໍ້: ການພັດທະນາຊົນນະບົດ ແລະ ແກ້ໄຂຄວາມທຸກຍາກໄດ້ກະກຽມຄວາມພ້ອມໃນທຸກດ້ານໂດຍສະເພາະບົດຮຽນທີ່ສຳຄັນ ແລະ ການລົງພື້ນທີ່ທັດສະນະສຶກສາຕົວຈິງ ເພື່ອສ້າງຄວາມເຂົ້າໃຈອັນລະອຽດໃຫ້ແກ່ນັກສຳມະນາກອນ. ພ້ອມນີ້ຍັງໄດ້ສະແດງຄວາມຍ້ອງຍໍຊົມເຊີຍຕໍ່ຄະນະສຳມະນາກອນ ທີ່ໄດ້ເອົາໃຈໃສ່ຢ່າງຕັ້ງໝັ້ນໃນການຄົ້ນຄວ້າຮໍ່າຮຽນ; ການແລກປ່ຽນບົດຮຽນທາງດ້ານທິດສະດີ ແລະ ພຶດຕິກໍາຕົວຈິງ. ໃນຕໍ່ໜ້າກະຊວງການຄ້າ ແລະສູນສາກົນແກ້ໄຂຄວາມທຸກຍາກຂອງ ສປ ຈີນ ຍັງຈະສືບຕໍ່ພົວພັນຮ່ວມມືໃນການສະໜອງທຶນຮອນ ແລະ ການສ້າງບຸກຄະລາກອນໃຫ້ກັບ ສປປ ລາວ ຕື່ມອີກ.

ໃນພິທີປິດຊຸດອົບຮົມ,ໄດ້ມີພິທີມອບໃບຢັ້ງຍືນໃຫ້ແກ່ນັກສຳມະນາກອນຂອງ ສປປ ລາວ ຈຳນວນ 35 ທ່ານ, ຍິງ 12 ທ່ານ ເພື່ອເປັນການຢັ້ງຍືນເຖິງຜົນສຳເລັດໃນການເຂົ້າຮ່ວມຝຶກອົບຮົມຫົວຂໍ້: ການພັດທະນາຊົນນະບົດ ແລະແກ້ໄຂຄວາມທຸກຍາກ ຢູ່ ສປ ຈີນ ພ້ອມນີ້ຍັງໄດ້ມອບລາງວັນໃຫ້ແກ່ນັກສຳມະນາກອນທີ່ປະກອບສ່ວນຂຽນບົດດີເດັ່ນໃນຫົວຂໍ້: ຄວາມປະທັບໃຈຂອງປະເທດຈີນ ໃນສາຍຕາຂອງຂ້ອຍ ຈຳນວນ 18 ທ່ານ, ຍິງ 4 ທ່ານ.

แชร์