ເຊກອງ ປະຕິບັດແຜນພັດທະນາກະສິກຳ ຕາມ 3 ເສົາຄໍ້າ 4 ແຜນງານ

ທ່ານ ນາງ ສູນທອນ ແກ້ວວັນນະລາ ຮອງຫົວໜ້າຂະແໜງແຜນການ ພະແນກກະສິກໍາ ແລະປ່າໄມ້ແຂວງເຊກອງ ໃຫ້ຮູ້ໃນກອງປະຊຸມສະຫຼຸບການຈັດຕັ້ງປະຕິບັດແຜນພັດທະນາກະສິກຳ, ປ່າໄມ້ ແລະພັດທະນາຊົນນະບົດ ໄລຍະ 6 ເດືອນຕົ້ນປີ ແລະວາງທິດທາງແຜນການ 6 ເດືອນທ້າຍປີ 2024 ວ່າ: ການຈັດຕັ້ງປະຕິບັດແຜນພັດທະນາກະສິກໍາ-ປ່າໄມ້ ແລະ ພັດທະນາຊົນນະບົດ ຢູ່ແຂວງເຊກອງ ແມ່ນປະຕິບັດຕາມ 3 ເສົາຄໍ້າຄື: ເສົາຄໍ້າກະສິກຳ, ເສົາຄໍ້າປ່າໄມ້, ເສົາຄໍ້າພັດທະນາຊົນນະບົດ ແລະ 4 ແຜນງານ ຄື: ແຜນງານຜະລິດສະບຽງອາຫານ, ແຜນງານຜະສິດກະສິກຳເປັນສິນຄ້າ, ແຜນງານຄຸ້ມຄອງປ່າໄມ້ ແລະ ຊັບພະຍາກອນປ່າໄມ້, ແຜນງານພັດທະນາຊົນນະບົດ ແລະ ແກ້ໄຂຄວາມທຸກຍາກ ແລະ 13 ໜ້າວຽກສະໜັບສະໜູນ.
ໃນໄລຍະ 6 ເດືອນຕົ້ນປີ 2024 ຜ່ານມາ ການຜະລິດເຂົ້ານາແຊງ ສາມາດປະຕິບັດໄດ້ 781 ເຮັກຕາ, ເນື້ອທີ່ເກັບກ່ຽວ 781 ເຮັກຕາ, ສະມັດຕະພາບສະເລ່ຍ 3,77 ໂຕນຕໍ່ເຮັກຕາ, ຜົນຜະລິດ 2.946 ໂຕນ, ທຽບໃສແຜນການປະຕິບັດ 74% (ແຜນການ 3.976 ໂຕນ), ທຽບໃສ່ລະດູດຽວກັນປີຜ່ານມາ ປະຕິບັດໄດ້ 93% ຫຼື ຫຼຸດລົງ 221 ໂຕນ; ການຜະລິດພືດສະບຽງອາຫານຕ່າງໆ ສາມາດປະຕິບັດໄດ້ 1.221 ເຮັກຕາ, ເນື້ອທີ່ເກັບກ່ຽວ 1.221 ເຮັກຕາ, ສະມັດຕະພາບສະເລຍ 6,75 ໂຕນຕໍ່ເຮັກຕາ, ຜົນຜະລິດ 8.234 ໂຕນ, ທຽບໃສ່ແຜນ ປະຕິບັດໄດ້ 100%; ການລ້ຽງສັດແຕ່ລະປະເພດມີການຂະຫຍາຍຕົວ ໃນລະດັບ 1-2%, ທຽບໃສ່ແຜນປະຕິບັດໄດ້ 71,96% ໃນນີ້: ຄວາຍ 25.756 ໂຕ, ທຽບໃສ່ແຜນປະຕິບັດໄດ້ 86,09% (ແຜນການ 29.919 ໂຕ), ງົວ
43.025 ໂຕ, ທຽບໃສ່ແຜນປະຕິບັດໄດ້ 92,83% (ແຜນການ 46.346 ໂຕ),  ໝູ 64.555 ໂຕ, ທຽບໃສ່ແຜນ ປະຕິບັດໄດ້ 64,39% (ແຜນການ 100.255 ໂຕ), ແບ້ 19.810 ໂຕ, ທຽບໃສ່ແຜນ ປະຕິບັດໄດ້ 82,23% (ແຜນການ 24.092 ໂຕ), ສັດປິກ 986.562 ໂຕ, ທຽບໃສ່ແຜນ ປະຕິບັດໄດ້ 71,32% (ແຜນການ 1.383.199 ໂຕ), ສາມາດສະໜອງຊີ້ນ, ໄຂ່, ປາ ແລະ ສັດນໍ້າ ໄດ້ທັງໝົດ 2.857 ໂຕນ, ສະເລ່ຍໃສ່ຫົວຄົນທົ່ວແຂວງ 20,79 ກິໂລຕໍ່ຄົນຕໍ່ປີ, ທຽບໃສ່ແຜນປະຕິບັດໄດ້ 42,36% (ແຜນການ 6.745 ໂຕນ); ຜະລິດລູກປາ ໄດ້ 823.000 ໂຕ, ທຽບໃສ່ແຜນປະຕິບັດໄດ້ 23,5% (ແຜນ ການ 3.500.000 ໂຕ, ປ່ອຍປາແລະສັດນໍ້າ 923.000 ໂຕ; ການປູກພືດເປັນສິນຄ້າ ປະຕິບັດໄດ້ 575 ເຮັກຕາ, ເນື້ອທີ່ເກັບກ່ຽວ 575 ເຮັກຕາ, ສະມັດຕະພາບສະເລ່ຍ 18,48 ໂຕນຕໍ່ເຮັກຕາ, ຜົນຜະລິດ 10.634 ໂຕນ, ທຽບໃສແຜນ ປະຕິບັດໄດ້ 48,74% (ແຜນການ 21.815 ໂຕນ), ໄດ້ສົ່ງອອກທັງໝົດ 30.728 ໂຕນ, ມູນຄ່າ 15,852.760 ໂດລາສະຫະລັດ; ການລ້ຽງສັດແບບເປັນຟາມ ມີ 16 ຟາມ, ທຽບໃສ່ແຜນປະຕິບັດໄດ້ 61,54% (ແຜນການ 26 ຟາມ) ໃນນັ້ນ: ຟາມລ້ຽງງົວ 3 ຟາມ, ຟາມລ້ຽງໝູ 3 ຟາມ, ຟາມລ້ຽງສັດປີກ 3 ຟາມ ແລະ ຟາມລ້ຽງປາ 7 ຟາມ. ອັນພົ້ນເດັ່ນ ໄດ້ຈໍາໜ່າຍໄຂ່ໄກ່ ແລະ ໄຂ່ເປັດ ໄດ້ 2.880.000 ໜ່ວຍ, ຈໍາໜ່າຍພາຍໃນແຂວງ 57% ເທົ່າກັບ 51.300 ແຕະ ແລະ ສົ່ງອອກຕ່າງແຂວງ (ແຂວງສາລະວັນ, ອັດຕະປື ແລະ ຈໍາປາສັກ) 43% ເທົ່າກັບ 40.500 ໜ່ວຍ, ໄດ້ສົ່ງອອກສັດເປັນໂຕ ພາຍໃນແຂວງປະຕິບັດໄດ້ 5.456 ໂຕ, ໄຂ່ໄກ່+ໄຂ່ເປັດ 116 ໂຕນ, ທຽບໃສ່ແຜນການ ປະຕິບັດໄດ້ 13,50% ຂອງແຜນການປີ (40.400 ໂຕ), ໃນນັ້ນ: ມີຄວາຍ 51 ໂຕ, ງົວ 120 ໂຕ, ໝູ 5.200 ໂຕ, ແບ້ 85 ໂຕ.
 ພ້ອມນີ້, ເກັບແກ່ນ ໄດ້ 890,4 ກິໂລກຼາມ, ທຽບໃສ່ແຜນປະຕິບັດໄດ້ 98,9% (ແຜນການປີ 990 ກລ), ຜະລິດເບັ້ຍໄມ້ໄດ້ 706.600 ເບັ້ຍ, ທຽບໃສ່ແຜນ ປະຕິບັດໄດ້ 58,8% (ແຜນການ 1.200.000ເບ້ຍ), ປູກໄມ້ໄດ້ 516 ເຮັກຕາ, ເທົ່າກັບ 473.115 ຕົ້ນ (ປະເພດໄມ້ອຸດສາຫະກຳ 70%, ປະເພດໄມ້ກິນ ໝາກ 30%), ກຳນົດເຂດຟື້ນຟູປ່າແບບທຳມະຊາດ ປະຕິບັດໄດ້ 2.168 ເຮັກຕາ ແລະ ເສົາຄໍ້າທີສາມ: ປະຈຸບັນທົ່ວແຂວງມີຄອບຄົວທຸກຍາກ 10.495 ຄອບຄົວ ກວມ 46,19%, (ຄອບຄົວທັງໝົດ 22.723 ຄອບຄົວ), ພົ້ນທຸກ 12.228 ຄອບຄົວ, ກວມເອົາ 53,81%, ຄອບຄົວພັດທະນາ 6.228 ຄອບຄົວ, ກວມເອົາ 27,41%, ບ້ານທຸກຍາກ 151 ບ້ານ, ກວມເອົາ 74%, ບ້ານພົ້ນທຸກ 52 ບ້ານ, ກວມເອົາ 26%, ບ້ານພັດທະນາ 13 ບ້ານ, ກວມເອົາ 6%.

แชร์