ສະຫວັນນະເຂດຈັດກອງປະຊຸມຜູ້ບໍລິຫານການສຶກສາ

ໃນຕອນເຊົ້າວັນທີ 29 ກໍລະກົດ 2024 ຢູ່ທີ່ສະໂມສອນຫ້ອງວ່າການປົກຄອງແຂວງໄດ້ຈັດກອງປະຊຸມຜູ້ບໍລິຫານການສຶກສາ ແລະ ກິລາປະຈຳສົກຮຽນ 2023 – 2024 ແລະ ວາງທິດທາງແຜນກພັດທະນາການສຶກສາ ແລະ ກິລາປະຈຳສົກຮຽນ 2024 – 2025 ໃຫ້ກຽດເຂົ້າຮ່ວມເປັນປະທານຂອງທ່ານ ບຸນໂຈມ ອຸບົນປະເສີດ ເລຂາພັກແຂວງ ເຈົ້າແຂວງ ສະຫວັນນະເຂດ, ມີທ່ານ ນ ຫລິງທອງ ແສງຕາວັນ ຮອງເຈົ້າແຂວງ ທັງເປັນຜູ້ຊີ້ນຳວຽກງານວັດທະນະທຳ - ສັງຄົມ, ມີບັນດາທ່ານການນຳຂັ້ນແຂວງ , ຫົວໜ້າພະແນກສຶກສາທິການ ແລະ ກິລາແຂວງ , ທ່ານເຈົ້າເມືອງໃນ 14 ເມືອງ 1 ນະຄອນ, ຜູ້ບໍລິຫານການສຶກສາທົ່ວແຂວງ ,ຫົວໜ້າຫ້ອງການສຶກສາທິການ ແລະ ກິລາ , ແຂກຖືກເຊີນເຂົ້າຮ່ວມນຳ.
ທ່ານ ປອ ສຸກສົມພອນ ອະໂນໄທ ຫົວໜ້າພະແນກສຶກສາທິການ ແລະ ກິລາແຂວງ ສະຫວັນນະເຂດ ໄດ້ຜ່ານບົດລາຍງານຜູ້ບໍລິຫານການສຶກສາ , ຜົນສຳເລັດການປະຕິບັດຄາດໝາຍການສຶກສາ ແລະ ກິລາ ,ຄາດໝາຍທີ່ມີຄວາມຄືບໜ້າດີ 7 ຄາດໝາຍຄື: ອັດຕານັກຮຽນເຂົ້າໃໝ່ປ1 ທຽບໃສ່ເດັກ 6 ປີ ບັນລຸໄດ້ 99,5%ເທົ່າກັບ9,717 ຄົນ,ດັດສະນີຄວາມສະເໝີພາບຍິງ - ຊາຍ ອັດຕາເລື່ອນຊັ້ນ ປ5 - ມໍ1 ປະຕິບັດໄດ້ , ປະຊາກອນໜຸ່ມ ແລະ ຜູ້ປະລະການຮຽນໄດ້ບຳລຸງຜ່ານການສຶກສານອກໂຮງຮຽນປະຕິບັດໄດ້5,289 ຄົນ ແລະ ຝຶກອົບຮົມວິຊາຊີບ 209 ຄົນ,ລື່ນແຜນການປີ 1,461 ຄົນ , ຝຶກອົບຮົມວິຊາຊີບ 134 ຄົນ , ຄູຊັ້ນປະຖົມ ແລະ ມັດທະຍົມສຶກສາໄດ້ຮັບການຝຶກອົບຮົມປະຕິບັດໄດ້25,02% ເທົ່າກັບ1,071 ຄົນ , ນັກຮຽນທີ່ຈົບຊັ້ນມັດທະຍົມຕອນຕົ້ນໄດ້ເຂົ້າຮຽນຕໍ່ສາຍອະຊີວະສຶກສາແລະ ອົບຮົມວິຊາຊີບປະຕິບັດໄດ້ 9,55% ເທົ່າກັບ 716 ຄົນ , ລື່ນແຜນການປີ0,2%,ຜົນສຳເລັດໂດຍລວມປະຈຳສົກຮຽນ 2023-2024,ສຳເລັດການສອບເສັງເລື່ອນຂັ້ນແລະ ຈົບຊັ້ນປະຖົມສຶກສາທົ່ວແຂວງສອບຜ່ານຈົບຊັ້ນປ5 ຈຳນວນ 15,116 ຄົນ , ຍິງ 7,750 ຄົນ, ສອບຫລຸດຄາດໝາຍມີ 6 ຄົນ , ຍິງ 2 ຄົນ , ຊັ້ນມັດທະຍົມຕອນຕົ້ນມໍ4 ຈຳນວນສອບຜ່ານ6,427 ຄົນຍິງ 3,312 ຄົນ , ສອບຫລຸດຄາດໝາຍ 9 ຄົນຍິງ 6 ຄົນ, ມັດທະຍົມຕອນປາຍຈຳນວນສອບໄດ້ທັງໝົດ 3,844 ຄົນຍິງ 2,000 ຄົນ , ສອບຫລຸດຄາດໝາຍມີ 23 ຄົນຍິງ 7 ຄົນ , ແລະ ນັກຮຽນເກັ່ງຮອບດ້ານຄະແນນສອບເສັງທຸກໆວິຊານ້ອຍກວ່າຫລືເທົ່າກັບ 7 ຄະແນນສະເລ່ຍມີທັງໝົດ 856 ຄົນ , ຍິງ 588 ຄົນ,ໄດ້ປະກາສະນີຍະບັດແດງຄະແນນສະເລ່ຍທຸກໆວິຊາຫນ້ອຍກວ່າຫລືເທົ່າກັບ 9 ມີ 2 ຄົນ,ຜົນສອບເສັງນັກຮຽນເກັ່ງລະດັບຊາດທີ 2ລະດັບຊາດ 3 ຄົນຊັ້ນມໍ 4 ວິຊາຄະນິດສາດ,ລະດັບທີ 3 ລະດັບຊາດຊັ້ນມໍ 7 ວິຊາເຄມີສາດ ,ການສຶກສານອກໂຮງຮຽນ ວຽກລືບລ້າງຄວາມບໍ່ຮູ້ໜັງສື ແລະ ບຳລຸງຊັ້ນປະຖົມແກ່ປະຊາຊົນສົກປີ 2023-2024ໄດ້ຈັດຕັ້ງການຮຽນ - ການສອນຊັ້ນປະຖົມລະດັບ 1 ມີທັງໝົດ 921 ຄົນ ຍິງ 323 ຄົນສອບເສັງໄດ້ 910 ຄົນຍິງ 319 ຄົນລະດັບ 2 ມີທັງໝົດ 981 ຄົນຍິງ 442 ຄົນ ສອບເສັງໄດ້ 968 ຄົນຍິງ 435 ຄົນ ລະດັບ 3 ມີທັງໝົດ 1,412 ຄົນຍິງ 683 ຄົນ ສອບເສັງໄດ້ 1,389 ຄົນຍິງ 685 ຄົນ , ສະໜອງອາຫານທ່ຽງໃຫ້ໂຮງຮຽນປະຖົມ ໃນ 8 ເມືອງລວມ 420 ໂຮງຮຽນ, ສ້າງໂຮງຮຽນປະຖົມໄດ້ 5 ຫລັງ,ສ້າງຫ້ອງຮຽນກຸ່ມພັດທະນາຊຸມຊົນ 15 ຫລັງຂອງໂຄງການ ຈີພີອີ 3 ແລະ ສຳເລັດການຝເຝີກອົບຮົມການເລີກຈ່າຍ - ຕິດຕາມເງິນໂຄງການອາຫານທ່ຽງທັງພາກລັດ ແລະ ເອກະຊົນ
ໂອກາດເຂົ້າຮ່ວມໃນກອງປະຊຸມ ທ່ານ ບຸນໂຈມ ອຸບົນປະເສີດ ເຈົ້າແຂວງ ສະຫວັນນະເຂດໄດ້ກ່າວມີຄຳເຫັນ ແລະ ກ່າວເປີດກອງປະຊຸມຜູ້ບໍລິຫານການສຶກສາແລະກິລາຢ່າງເປັນທາງການ

แชร์