ອາເມຊອນກຽມຍິງດາວທຽມ 3.236 ດວງ

ບໍລິສັດອາເມຊອນຕັ້ງເປົ້າ ໝາຍຍິງດາວທຽມສື່ສານຂຶ້ນສູ່ ວົງໂຄຈອນ 3.236 ດວງ ເພື່ອ ໃຫ້ບໍລິການອິນເຕີເນັດຜ່ານດາວ ທຽມຄວາມໄວສູງທີ່ສາມາດເຂົ້າ ເຖິງຜູ້ຄົນທົ່ວໂລກ.

ຕາມຂ່າວຕ່າງປະເທດລາຍງານວ່າ ທ່ານ ເຈຟ ເບຊອສ ຜູ້ກໍ່ຕັ້ງ ແລະປະທານບໍລິສັດອາເມຊອນ ຂອງອາເມລິກາຕັ້ງເປົ້າໝາຍຍິງດາວທຽມສື່ສານສູ່ວົງໂຄຈອນ 3.236 ດວງ ເພື່ອໃຫ້ບໍລິການອິນ ເຕີເນັດຜ່ານດາວທຽມຄວາມໄວສູງທີ່ສາມາດເຂົ້າເຖິງຜູ້ຄົນທົ່ວ ໂລກໂດຍນັກວິເຄາະຄາດວ່າເປັນທຸລະກິດທີ່ສາມາດສ້າງກຳໄລໄດ້ຫຼາຍ ແລະຈະເພີ່ມຖານລູກຄ້າໃຫ້ອາເມຊອນໄດ້ຫຼາຍກວ່າ 4 ຕື້ຄົນ ແຕ່ອາເມຊອນກໍ່ບໍ່ແມ່ນຜູ້ລົງທຶນແຫ່ງດຽວທີ່ເບິ່ງເຫັນສັກກະຍະພາບຂອງທຸລະກິດໃໝ່ນີ້. ນັກວິເຄາະເຊື່ອວ່າ ຖ້າຫາກສາມາດເຊື່ອມຕໍ່ທຸກໆຄົນເຂົ້າກັບອິນເຕີເນັດຜູ້ໃຫ້ບໍລິການຄືອາເມຊອນຈະສາມາດຂະຫຍາຍຂະໜາດຂອງຕະຫຼາດຜູ້ ບໍລິໂພກທີ່ບໍລິສັດສາມາດຮູ້ຫຼັກ ແຫຼ່ງທີ່ຢູ່ໃຫ້ກັບທຸລະກິດອີຄອມ ເມີຊທຸລະກິດບໍລິການຄລາວ, ບໍລິການອິນເຕີເນັດ ແລະອື່ນໆ.

ໃນເດືອນພະຈິກປີ 2018 ອາ ເມຊອນໄດ້ປະກາດຕັ້ງໜ່ວຍງານທຸລະກິດໃໝ່ເຂົ້າມາເຮັດໜ້າທີ່ເບິ່ງແຍງສະຖານີປະຕິບັດການດ້ານດາວທຽມອິນເຕີເນັດ 12 ແຫ່ງ ທົ່ວໂລກ (ຢູ່ໃນແຜນການກໍ່ສ້າງ) ເພື່ອເຊື່ອມການສົ່ງຂໍ້ມູນລະຫວ່າງສະຖານີພາກພື້ນດິນ ແລະດາວທຽມທີ່ຢູ່ໃນວົງໂຄຈອນນັບເປັນບາດກ້າວເລີ່ມຕົ້ນທີ່ສຳຄັນສຳລັບທຸລະກິດໃໝ່ນີ້ ສຳລັບການລົງທຶນດາວທຽມຫຼາຍກວ່າ 3 ພັນດວງ ຂອງອາເມຊອນນັ້ນປະເມີນວ່າໜ້າຈະຢູ່ທີ່ປະມານ 3-4 ຕື້ໂດລາສະຫະລັດ.

ນສພ ເສດຖະກິດ-ສັງຄົມ

แชร์