ເມືອງແກ່ນທ້າວ ສົ່ງສິນຄ້າອອກ 313 ພັນກວ່າໂຕນ ມູນຄ່າ 38 ລ້ານກວ່າໂດລາ

ຕາມການລາຍງານ ຂອງຫ້ອງການອຸດສາຫະກໍາ ແລະ ການຄ້າ ເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2024, ສາມາດເຄື່ອນຍ້າຍສິນຄ້າອອກຕ່າງປະເທດ ໄດ້ທັງໝົດ 313,872 ໂຕນ ລວມມູນຄ່າທັງໝົດ 38,221,120 ໂດລາ ທຽບໃສ່ແຜນການປີປະຕິບັດໄດ້ 80.47% ໃນນີ້, ມັນຕົ້ນແຫ້ງ 239,610 ໂຕນ ມູນຄ່າ 28,753,200 ໂດລາ, ສາລີ 64,250 ໂຕນ ມູນຄ່າ 7,710,000 ໂດລາ, ໝາກເດືອຍຂັດຂາວ 3,756 ໂຕນ ມູນຄ່າ 941,250 ໂດລາ, ກາກມັນຕົ້ນ 3,000 ກ່ວາໂຕນ ມູນຄ່າ 30,000 ກ່ວາໂດລາ, ຖົ່ວແດງ 1,663 ໂຕນ ມູນຄ່າ 715,000 ກ່ວາໂດລາ, ສາລີ 1,500 ໂຕນ ມູນຄ່າ 15,000 ໂດລາ, ໝາກງາ 44 ໂຕນ ມູນຄ່າ 33,000 ໂດລາ ແລະໝາກຫຍ້າລູຊີ 38 ໂຕນ ມູນຄ່າ 23,560 ໂດລາ.
ຄຽງຄູ່ກັບການສົ່ງອອກ ຍັງໄດ້ນໍາເຂົ້າສິນຄ້າຈາກຕ່າງປະເທດ ມູນຄ່າ 34 ລ້ານກ່ວາໂດລາ ທຽບໃສ່ແຜນການປີ ປະຕິບັດໄດ້ລື່ນແຜນ 2.6%.

ສິນຄ້າທີ່ນຳເຂົ້າແມ່ນ ນ້ຳມັນເຊື້ອໄຟ ມູນຄ່າ 32 ລ້ານກ່ວາໂດລາ, ເຄື່ອງກໍ່ສ້າງ ມູນຄ່າ 800,000 ກ່ວາໂດລາ, ເຄື່ອງອຸປະໂພກ ມູນຄ່າ 700,000 ກ່ວາໂດລາ, ເຄື່ອງໃຊ້ໄຟຟ້າ ມູນຄ່າ 10,000 ກ່ວາໂດລາ ແລະ ຊິ້ນສ່ວນອະໄລ່ 1,300 ກ່ວາໂດລາ.

ນອກຈາກນີ້, ຍັງໄດ້ອອກໃບຢັ້ງຢືນແຫຼ່ງກໍາເນີດສິນຄ້າພາຍໃນເມືອງ, ແຂວງ ແລະ ຕ່າງແຂວງ ມູນຄ່າ 6,377,100,000 ກີບ ທຽບໃສ່ແຜນການປີ ປະຕິບັດໄດ້ 83.83%. ໃນນີ້, ເຂົ້າເປືອກ 6 ໂຕນ ມູນຄ່າ 12,000.000 ກີບ, ຄວາຍ 610 ໂຕ ມູນຄ່າ 2,135,000,000 ກີບ, ງົວ 1,989 ໂຕ ມູນຄ່າ 3,978,000,000 ກີບ, ມ້າ 100 ກວ່າໂຕ ມູນຄ່າ 208,000,000 ກີບ, ໝູພັນ 10 ໂຕ ມູນຄ່າ 10,000,000 ກີບ ແລະ ໝູລາດ 90 ໂຕ ມູນຄ່າ 9,000,000 ກີບ.

ຂ່າວ: ແກ່ນທ້າວ

แชร์