ແສງສະຫວັນ ກຽມເປີດໂຮງຮຽນນານາຊາດ ແບບກິນ-ນອນ ແຫ່ງທໍາອິດໃນລາວ

ກຸ່ມການສຶກສາແສງສະຫວັນ (Government of Western Australia) ໄດ້ຮັບອະນຸຍາດຈາກ School Curriculum and Standards Authority (SCSA) ໃຫ້ນຳໃຊ້ຫຼັກສູດເວສເທີນອົດສະຕຣາລີ ແລະ ເປີດໂຮງຮຽນນານາຊາດ ແບບກິນ-ນອນແຫ່ງທຳອິດໃນ ສ.ປ.ປ ລາວ ເຊິ່ງມີຊື່ວ່າ ‘’ໂຮງຮຽນນານາຊາດ ເວສເທີນອົດສະຕຣາລີ’’ ທີ່ຈະກຽມເປີດໃນໄວໆນີ້.

ກຸ່ມການສຶກສາແສງສະຫວັນ ໄດ້ຮັບອະນຸຍາດຢ່າງເປັນທາງການຈາກໝ່ວຍງານຂອງ SCSA ໃຫ້ດຳເນີນການໃຊ້ຫຼັກສູດເວສເທີນອົດສະຕຣາລີ ແລະ ການໄດ້ຮັບອະນຸຍາດໃນຄັ້ງນີ້ ຖືວ່າເປັນສິ່ງພິສູດເຖິງຄວາມຕັ້ງໃຈຂອງກຸ່ມການສຶກສາແສງສະຫວັນ ທີ່ຈະໄດ້ມອບການສຶກສາທີ່ມີຄຸນນະພາບສູງ ທີ່ກົງກັບຕາມມາດຕະຖານສາກົນ.

ໂຮງຮຽນນານາຊາດ ເວສເທີນອົດສະຕຣາລີ ມີຄວາມຕັ້ງໃຈທີ່ຈະມອບການສຶກສາທີ່ມີຄຸນນະພາບສູງ ແລະມຸ່ງເນັ້ນໄປໃສ່ການຮຽນ, ການພັດທະນາທັກສະສ່ວນບຸກຄົນ ແລະ ການເປັນພົນລະເມືອງໂລກ. ໂດຍມີສະພາບແວດລ້ອມທີ່ດີ ແລະ ປອດໄພ ໄດ້ມາດຕະຖານເຊິ່ງຈະຊ່ວຍສົ່ງເສີມພັດຖະນາການຕໍ່ການຮຽນຮູ້ໃຫ້ແກ່ນັກຮຽນ, ເປັນໂຮງຮຽນກິນ-ນອນ ແບບເຕັມລະບົບ ແລະ ມີສິ່ງອຳນວຍຄວາມສະດວກທີ່ທັນສະໄໝປຽບເໝືອນການຢູ່ບ້ານຂອງຕົນເອງ. ນອກຈາກ ການຮຽນ-ການສອນໃນພາກເຊົ້າ ແລະພາກແລງແລ້ວ ຍັງມີອາຫານທີ່ມີຄຸນຄ່າດ້ານໂພສະນາການໃຫ້ແກ່ນັກຮຽນໃນແຕ່ລະຄາບອີກດ້ວຍ.

ບໍ່ພຽງແຕ່ໃຫ້ການຮຽນ-ການສອນພາຍໃນຫ້ອງຮຽນເທົ່ານັ້ນ, ຍັງມີກິດຈະກຳນອກຫຼັກສູດທີ່ຈະຊ່ວຍສົ່ງເສີມພັດທະນາການໃຫ້ແກ່ນັກຮຽນ, ການຮຽນຮູ້ຈາກປະສົບພາກປະຕິບັດ ແລະສ້າງສະພາບແວດລ້ອມທີ່ອົບອຸ່ນພາຍໃນຫໍພັກອີກດ້ວຍ.

ຄວາມເປັນຢູ່ທີ່ດີ ແລະປະສົບຜົນສຳເລັບດ້ານການສຶກສາຂອງນັກຮຽນທຸກຄົນທີ່ຢູ່ພາຍໃຕ້ການດູແລຂອງກຸ່ມການສຶກສາແສງສະຫວັນແມ່ນສິ່ງທີ່ສຳຄັນ.

ນອກຈາກນີ້, ວິທະຍາເຂດແຫ່ງໃໝ່ນີ້ເປັນໂຮງຮຽນນານາຊາດ ແບບກິນ-ນອນ ແຫ່ງທຳອິດທີ່ມີຫໍພັກຮອງຮັບນັກຮຽນເລີ່ມແຕ່ຊັ້ນປະຖົມ ປ.1 ຫາ ຊັ້ນມັດທະຍົມ ຂັ້ນ ມ.7 ໂຮງຮຽນແມ່ນຕັ້ງຢູ່ ບ້ານໂຄກສີວິໄລ, ເມືອງໄຊທານີ, ນະຄອນຫຼວງວຽງຈັນ.

ຂໍ້ມູນຈາກ: ກຸ່ມການສຶກສາແສງສະຫວັນ

แชร์