ຜູ້ປະກອບການນັກທຸລະກິດ ແລະປະຊາຊົນອານາໄມ ເພື່ອຕ້ອນຮັບວັນສຳຄັນຂອງຊາດ-ຂອງພັກ

ໃນຕອນເຊົ້າວັນທີ 28 ກໍລະກົດ 2024 ນີ້ ທາງບັນດາບໍລິສັດແຮ່-ຊາຍ ກໍ່ສ້າງເຄຫະສະຖານ,ຜູ້ປະກອບການນັກທຸລະກິດພໍ່ແມ່ປະຊາຊົນຊາວບ້ານຫົວເມືອງເໜືອ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຮ່ວມແຮງຮ່ວມໃຈກັນສ້າງຂະບວນການອະນາໄມລວມ , ຖົມຂຸມ, ຕາບທາງ ຕາມຖະໜົນເສັ້ນ A3 ເພື່ອຕ້ານການລະບາດໄຂ້ເລືອດອອກຕາມລະດູການ ແລະ ຂໍ່ານັບຮັບຕ້ອນ ວັນສ້າງຕັ້ງແນວລາວສ້າງຊາດ 13 ສິງຫາ ຄົບຮອບ 74 ,ນຳພາໂດຍທ່ານ ປະສົງສິນ ຈະເລີນສຸກ ເຈົ້ານະຄອນໄກສອນພົມວິຫານ ພ້ອມດ້ວຍສະມາຄົມນັກທຸລະກິດຍິງ, ພະແນກໂຍທາທິການ ແລະ ຂົນສົ່ງ, ບໍລິສັດໜູຄຳກໍ່ສ້າງ, ແນວລາວສ້າງຊາດແຂວງ,ສະຫະພັນແມ່ຍິງແຂວງອຳນາດການປົກຄອງ ແລະ ປະຊາຊົນບ້ານຫົວເມືອງເໜືອເຂົ້າຮ່ວມຢ່າງພ້ອມພຽງ.

ທ່ານ ພຸດສະດີ ແກ້ວວິໄລວັນ ນາຍບ້ານຫົວເມືອງເໜືອໄດ້ໃຫ້ຮູ້ວ່າ: ບ້ານຫົວເມືອງເໜືອປະກອບມີ 448 ຄອບຄົວ,ມີຈຳນວນພົນ 3,065 ຄົນ,ຍິງ 1,542 ຄົນ, ມີ538ຫຼັງຄາ ປະກອບມີ30ໜ່ວຍ. ສຳລັບການສ້າງຂະບວນການອອກແຮງງານລວມ,ຖົມຂົມ,ຕາບທາງໃນຄັ້ງນີ້ມີໄລຍະທາງຍາວ 1,600 ແມັດ ຕາມເສັ້ນທາງ A3 ເລີ່ມແຕ່ 4 ແຍກໄຟອຳນາດຫຼັກ 4 ຫາ ບ້ານນາແກ,ທັງນີ້ກໍເພື່ອຮັບຕ້ອນວັນສຳຄັນຕ່າງໆຄື: ວັນສ້າງຕັ້ງແນວລາວສ້າງຊາດ 13 ສິງຫາ ຄົບຮອບ 74 ,ວັນສ້າງຕັ້ງແມ່ຍິງລາວ 20 ກໍລະກິດ ຄົບຮອບ 69 ປີ ທັງເປັນການສ້າງຂະວນການອະນາໄມຕ້ານພະຍາດໄຂ້ຍຸງລາຍໃນໄລະລະດູຝົນເຊິ່ງໄດ້ຮັບອຸປະຖຳອຸປະກອນຕາບທາງຈາກບໍລິສັດຫ້າງຮ້ານ,ນັກທຸລະກິດຍິງ ລວມທັງປະຊາຊົນພາຍໃນບ້ານຫົວເມືອງເໜືອ.

ທ່ານ ປະສົງສິນ ຈະເລີນສຸກ ເຈົ້ານະຄອນໄກສອນພົມວິຫານ ຍັງໄດ້ໃຫ້ຮູ້ຕື່ມອີກວ່າ: ຂະບວນການອອກແຮງງານລວມຕາບຢາງຕາມເສັ້ນທາງ A3 ທີ່ມີຄວາມຍາວ 1,600 ແມັດ ການສ້າງຂະບວນການໃນຄັ້ງນີ້ຍ້ອນຄວາມສາມັກຄີ,ຄວາມເປັນຈິດໜຶ່ງໃຈດຽວກັນລະຫວ່າງອຳນາດອົງການປົກຄອງບ້ານເວົ້າສະເພາະ,ປະຊາຊົນບ້ານຫົວເມືອງເໜືອທີ່ມີຄວາມເປັນຈິດໜຶ່ງໃຈດຽວກັນພ້ອມກັນຈັດຂະບວນການຄັ້ງນີ້ຂຶ້ນ, ເຊິ່ງຂະບວນການນີ້ເປັນແບບຢ່າງໃຫ້ແກ່ອຳນາດການປົກຄອງບ້ານ, ປະຊາ ຊົນເປັນເຈົ້າການ, ມີສ່ວນຮ່ວມໃນການປົກປັກຮັກສາແລະບຳລຸງເສັ້ນທາງໃຫ້ໄດ້ນຳໃຊ້ໄດ້ຍາວນານ.

แชร์