ເຈົ້າແຂວງຈໍາປາສັກ ຮຽກຮ້ອງຮ່ວມໃຈປະຕິບັດ ສອຈ ໃຫ້ເປັນຜະລິດຕະພັນຕົວຈິງເພື່ອຊາດ

ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ຮຽກຮ້ອງການຈັດຕັ້ງທຸກຂັ້ນທຸກພາກສ່ວນ ແລະຊາວແຂວງຈໍາປາສັກ ສາມັກຄີປະຕິບັດເສດຖະກິດເອກະລາດ ເປັນເຈົ້າຕົນເອງ (ສອຈ) ໃຫ້ເປັນຜະລິດຕະພັນຕົວຈິງ ເພື່ອຊາດ, ເພື່ອປະຊາຊົນ ແລະເພື່ອຊາວແຂວງ ຈໍາປາສັກ ພວກເຮົາ" ໃນນີ້ ປີ2024:
1) ຂຸດຄົ້ນຄວາມອາດສາມາດ ໃຫ້ເປັນທ່າແຮງ ການພັດທະນາ ແລະເຊື່ອມຈອດການພັດທະນາ ເຂດແຄວ້ນ
2) ສົ່ງເສີມການຜະລິດກະສິກຳ ເພື່ອຄໍ້າປະກັນສະບຽງອາຫານ ແລະເປັນສິນຄ້າ ຕິດພັນການປຸງແຕ່ງ, ການທ່ອງທ່ຽວ ແລະ ສົ່ງອອກເປັນສິນຄ້າ.
3) ສົ່ງເສີມການທ່ອງທ່ຽວແບບຍືນຍົງ ໂດຍຖືເອົາ 3 ປະເພດການທ່ອງທ່ຽວ ຄື: ປະຫວັດສາດ, ທຳມະຊາດ ແລະວັດທະນະທຳເປັນເອກະລັກ, ເປັນໃຈກາງຕິດພັນກະສິກຳ, ກິລາ, ການສຶກສາ ແລະຖືເອົາຄວາມອາດສາມາດບົ່ມຊ້ອນ(ມູນມໍລະດົກ ຄື ວັດພູຈຳປາສັກ, ນໍ້າຕົກຕາດ, ພູໄຟ ບໍລະເວນ, ຮ່ອງຮອຍປະຫວັດສາດ...)
4) ສ້າງ ແລະ ປັບປຸງ ລະບົບໂລຈິດສະຕິກ ແຕ່ລະບ່ອນ ແຕ່ລະຂັ້ນ ໃຫ້ສະດວກ, ປອດໄພ, ປະຢັດຕົ້ນທຶນ,ທັນສະໄຫມ, ດຶງດູດ ແຂ່ງຂັນໄດ້.
ທີ່ມາ: ໜັງສືພິມ ຈໍາປາໃໝ່

แชร์