ກິນເຄັມ ບໍ່ກິນຜັກໝາກໄມ້ສ່ຽງເສຍຊີວິດ ຫຼາຍກວ່າສູບຢາ

ຜົນການວິໄຈຈາກມະຫາວິທະຍາໄລວໍຊີງຕັນລະບຸວ່າການຮັບປະທານອາຫານທີ່ມີປະລິມານໂຊດຽມສູງລວມໄປເຖິງການຂາດສານອາຫານຈາກຜັກ ແລະໝາກໄມ້ນັ້ນເປັນປັດໄຈທີ່ນໍາໄປສູ່ການເສຍຊີວິດຂອງປະຊາກອນໂລກຫຼາຍກວ່າການຮັບປະທານອາຫານທີ່ມີໄຂມັນທຣານ ແລະນໍ້າຕານ, ຊີ້ນສັດ ແລະອາຫານແປຮູບ.

ທີມວິໄຈລະບຸວ່າໃນຫຼາຍປະເທດການຮັບປະທານອາຫານທີ່ເປັນອັນຕະລາຍຄືພວກອາຫານທີ່ມີໂຊດຽມສູງນັ້ນເປັນສາເຫດຂອງການເສຍຊີວິດຂອງປະຊາກອນຫຼາຍກວ່າສູບຢາ ແລະຄວາມດັນ ເລືອດສູງ  ໂດຍພົບວ່າອັດຕາການເສຍຊີວິດຈາກການ ຂາດສານອາຫານ ຫຼື ການກິນທີ່ບໍ່ດີນັ້ນສູງເຖິງ 10,9  ລ້ານຄົນ, ຂະນະທີ່ການເສຍຊີວິດຈາກຄວາມດັນເລືອດສູງຢູ່ທີ່ 10,4 ລ້ານຄົນຂະນະທີ່ການເສຍຊີວິດຈາກການສູບຢາຢູ່ທີ່ 8 ລ້ານຄົນ.

ທັງນີລາຍງານຍັງລະບຸວ່າການຮັບປະທານໂຊດຽມທີ່ຫຼາຍເກີນໄປ ຫຼື ການບໍ່ຮັບປະທານຜັກໝາກໄມ້ນັ້ນສ່ວນໃຫຍ່ນໍາໄປສູ່ການເກີດພະຍາດຫົວໃຈ   ກະທັນຫັນ ແລະໝາກໄຂຫຼັງຮອງລົງມາແມ່ນພະ ຍາດມະເຮັງ ແລະເບົາຫວານປະເພດ 2 ຫຼາຍທີ່ສຸດ.

ຮຽບຮຽງໂດຍ: ແກ້ວ

แชร์