ສະຫຼອງພະທາດຫຼວງນໍ້າທາ

   ໃນລະຫວ່າງວັນທີ 21-22 ທັນວາ 2018 ຈຶ່ງກົງກັບເດືອນຈຽງເພັງແຂວງຫຼວງນໍ້າທາໄດ້ສະເຫຼີມສະຫຼອງພະທາດຫຼວງນໍ້າທາຕາມທີ່ເຄີຍປະຕິບັດກັນມາໃນທຸກໆປີ, ສຳລັບປີນີ້ປະກອບດ້ວຍຫຼາຍກິດຈະກໍາເຊັ່ນ: ແຫ່ປະສາດເຜິ້ງຕັກບາດ ຍາດນໍ້າ, ຖວາຍສັງຄະທານ, ຕາມຮີດຄອງປະເພນີ, ໂດຍການເປັນເຈົ້າພາບຂອງບ້ານວຽງຄຳ, ມີການນໍາແຂວງ, ການນຳເມືອງ, ອົງການປົກຄອງຈາກ 9 ບ້ານເທສະບານແຂວງພ້ອມດ້ວຍ ປະຊາຊົນຊາວຫຼວງນໍ້າທາ, ແຂກທັງພາຍໃນແລະຕ່າງປະເທດເຂົ້າຮ່ວມຢ່າງຫຼວງຫຼາຍ.

   ທ່ານສີວິໄລປັນແກ້ວຫົວໜ້າພະແນກຖະແຫຼງຂ່າວວັດທະນະທໍາແລະທ່ອງທ່ຽວແຂວງຫຼວງນໍ້າທາໄດ້ໃຫ້ສຳພາດວ່າ: ການແຫ່ຜາສາດເຜີ້ງແມ່ນເພື່ອເປັນການບູຊາພະທາດ, ໃສ່ບາດຍາດນໍ້າເປັນການສ້າງສ່ວນກຸສົນໃຫ້ແກ່ຕົນເອງເພື່ອໃຫ້ຢູ່ດີເປັນສຸກປາສະຈາກໂລກໄພໄຂ້ເຈັບ, ການທະຫວາຍພາເຂົ້າຈຸດປະສົງເພື່ອອຸທິບຸນກຸ  ສົນໄປໃຫ້ຜູ້ທີ່ລວງລັບໄປທັງເປັນການສ້າງສ່ວນບຸນກຸສົນໄວ້ໃນພາຍໜ້າ, ເຈົ້າກຳນາຍເວນ, ວຽນທຽນເປັນການຂໍພອນສິ່ງສັກສິດທັງຫຼາຍໃຫ້ຮັກສາຕົນເອງ, ທັງນີ້ກໍ່ເພື່ອເປັນການອະນຸລັກຮັກສາຮິດຄອງປະເພນີອັນດີງາມຂອງຊາດໄວ້ໃຫ້ໝັ້ນ ຄົງຕະຫຼອດໄປ  ແລະເປັນການເຕົ້າໂຮມຄວາມສາ ມັກຄີຂອງປະຊົນບັນດາເຜົ່າພາຍໃນແຂວງຫຼວງນໍ້າທາແລະປະຊາຊົນບັນດາເຜົ່າບັນດາຊັ້ນຄົນອອກຕົນຍາດໂຍມພາຍໃນທົ່ງພຽງເມືອງຫຼວງນ້ຳທາເທສະບານແຂວງຕ່າງກໍ່ມີຈິດໃຈໄສສັດທາເປັນພະທາດມິ່ງຂັວນຂອງຊາວຫຼວງນ້ຳທາຊຶ່ງໄດ້ສ້າງຂຶ້ນເປັນສູນລວມທາງດ້ານຈິດໃຈຂອງປະຊາຊົນບັນດາເຜົ່າສະຖານທີ່ແຫ່ງນີ້ເປັນສະຖານທີ່ສັກສິດເປັນທາດຫົວເມືອງເລີ່ມແຕ່ສ້າງເມືອງຫົວທາເປັນເຂດປະຊາຊົນເຄີຍນັບຖືບູຊາ.

แชร์