ຫລາຍຄອບຄົວ ເມືອງວຽງຄໍາ ໄດ້ຮັບຜົນກະທົບຈາກໄພນໍ້າຖ້ວມ

ໃນຕອນກາງຄືນຂອງວັນທີ 23 ກໍລະກົດ ຫາຕອນເຊົ້າຂອງວັນທີ 24 ກໍລະກົດ 2024 ນີ້ ຢູ່ເຂດກຸ່ມເມືອງໝ້ວຍ ເມືອງວຽງຄໍາ ແຂວງຫລວງພະບາງ ເກີດຝົນຕົກໜັກຫລາຍຊົ່ວໂມງຕິດຕໍ່ກັນ ເຮັດໃຫ້ປະຊາຊົນຢູ່ບ້ານເມືອງໝ້ວຍ, ບ້ານຫ້ວຍໂກນ ແລະ ບ້ານໃກ້ຄຽງ ປະສົບກັບໄພນໍ້າຖ້ວມ ເນື່ອງຈາກປະລິມານນໍ້າເຊືອງ, ນໍ້າຫ້ວຍໂກນ, ຫ້ວຍມ້າ ແລະ ນໍ້າຫ້ວຍຫວີງ ເພີ່ມຂຶ້ນຫລາຍ ສ້າງຜົນກະທົບຕໍ່ປະຊາຊົນທີ່ດຳລົງຊີວິດຢູ່ບໍລິເວນແຄມນ້ຳ.

ປັດຈຸບັນອົງການປົກຄອງເມືອງ ໄດ້ລະດົມກຳລັງເພື່ອເຂົ້າຊ່ວຍເຫລືອບັນເທົາທຸກໃນເບື່ອງຕົ້ນ ພ້ອມທັງໄດ້ແຈ້ງໃຫ້ປະຊາຊົນທີ່ດຳລົງຊີວິດຢູ່ຕາມແຄມນໍ້າເຊືອງຈົ່ງມີສະຕິ ແລະ ມ້ຽນເຄື່ອງຂອງທີ່ມີຄ່າ ໄວ້ບ່ອນປອດໄພ, ສ່ວນຂໍ້ມູນຜົນເສຍຫາຍຕົວຈິງຈະລາຍງານໃຫ້ຮູ້ພາຍຫລັງສຳເລັດການເກັບກຳຂໍ້ມູນ.

ຂ່າວ: ບຸນທັນ ໄຊຍະວົງ

แชร์