ທ່ານ ໂຈ ໄບເດັນ ໄດ້ປະກາດຖອນຕົວອອກຈາກການເລືອກຕັ້ງ ປະທານາທິບໍດີ ຄົນໃໝ່

ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ທ່ານ ໂຈ ໄບເດັນ ປະທານາທິບໍດີ ສະຫະລັດ ອາເມລິກາ ໄດ້ປະກາດຖອນຕົວອອກຈາກການເລືອກຕັ້ງປະທານາທິບໍດີ ຄົນໃໝ່ ປີ 2024.ເນື້ອໃນຈົດໝາຍທີ່ ທ່ານ ໂຈ ໄບເດັນ ເຜີຍແຜ່ໃນສື່ສັງຄົມອອນລາຍຂອງຕົນ ລະບຸວ່າ: ຕາມແຜນການເດີມ ທ່ານ ໂຈ ໄບເດັນ ຈະສະແຫວງຫາ ການດຳລົງຕຳແໜ່ງ ອີກສະໄໝໜຶ່ງ, ແຕ່ເພື່ອຜົນປະໂຫຍດ ທີ່ດີທີ່ສຸດ ຂອງພັກເດໂມເຄຣັດ ແລະ ປະເທດ ສະຫະລັດ ອາເມລິກາ, ຈຶ່ງຕັດສິນໃຈ ຖອນຕົວອອກຈາກ ການແຂ່ງຂັນເລືອກຕັ້ງ ປະທານາທິບໍດີ ແລະຈະສຸມໃສ່ປະຕິບັດໜ້າທີ່ວຽກງານພາຍໃນໄລຍະທີ່ຍັງດຳລົງຕຳແໜ່ງເປັນປະທານາທິບໍດີ. ເນື້ອໃນຈົດໝາຍດັ່ງກ່າວຍັງລະບຸວ່າ: ຈະອະທິບາຍລາຍລະອຽດຂອງຄວາມຕັດສິນໃຈຂອງຕົນຕຶ່ມສູ່ປະຊາຊົນທົ່ວປະເທດພາຍໃນອາທິດນີ້. ຫລັງຈາກໄດ້ປະກາດຖອນຕົວອອກຈາກການເລືອກຕັ້ງແລ້ວ, ທ່ານ ໂຈ ໄບເດັນຢືນຢັນວ່າ: ຈະສະໜັບສະໜູນຢ່າງເຕັມຄວາມສາມາດ ແລະຮັບຮອງ ທ່ານນາງ ກາມາລາ ເດວີ ຮາຣິສ ທີ່ໄດ້ຮັບການສະເໜີຊື່ເປັນຜູ້ສະໝັກຮັບເລືອກຕັ້ງປະທານາທິບໍດີ ຂອງພັກເດໂມເຄຣັດ

แชร์