ຊີເນີຈີ ຈັດການຝຶກອົບຮົມ ໃນຫົວຂໍ້: "ຄວາມຮູ້ທີ່ຈໍາເປັນໃນດ້ານການບໍລິຫານບຸກຄະລາກອນ"

ເພື່ອເປັນການຄໍານັບຮັບຕອນ ວັນສ້າງຕັ້ງ ສະຫະພັນແມ່ຍິງ ວັນທີ 20 ກໍລະກົດ ທີ່ກຳລັງຈະມາເຖິງນີ້ ທາງບໍລິສັດ ຊີເນີຈີ ຈຳກັດ ຍົກສູງພາລະບົດບາດເພດຍິງໃນການເຕີບໂຕທາງສາຍອາຊີບ HR ໂດຍການເສີມສ້າງ Soft Skills ດ້ວຍການຈັດການຝຶກອົບຮົມເສີມທັກສະ ໃນຫົວຂໍ໊: "ຄວາມຮູ້ທີ່ຈໍາເປັນໃນດ້ານການບໍລິຫານບຸກຄະລາກອນ ສໍາລັບບັນດານັກບໍລິຫານ-ຜູ້ຈັດການ-ຫົວໜ້າທີມຍິງ ແລະ ຜູ້ທີ່ຕ້ອງການສົ່ງເສີມທີມງານຍິງສູ່ບົດບາດຜູ້ນໍາ (HR Fundamentals for Women in Leadership) " ໃນວັນທີ 12 ກໍລະກົດ 2024 ທີ່ຜ່ານມາ. ເຊິ່ງໄດ້ຮັບການຕອບຮັບຂອງການຝຶກອົບຮົມໃນຄັ້ງນີ້ຈາກບັນດາພະນັກງານຍິງທີ່ມີຕຳແໜ່ງສູງໃນຂະແໜງຕ່າງໆເປັນຢ່າງດີ.

ບໍລິສັດ ຊີເນີຈີ ຈຳກັດ ເປັນຜູ້ໃຫ້ບໍລິການດ້ານລະບົບບໍລິຫານບຸກຄະລາກອນ (HR SYSTEMS) ແລະ ແອັບພລິເຄຊັ່ນ ຊີເນີຈີ (SYNERGY APPLICATION) ເຊິ່ງເປັນແອັບພລິເຄຊັ່ນ ບໍລິຫານບຸກຄະລາກອນ (HR Management) ແອັບທຳອິດທີ່ເປັນຝີມືຂອງຄົນລາວ ແລະພັດທະນາໂດຍຄົນລາວທີ່ເຂົ້າໃຈລະບົບພ້ອມປະສົບການ ຫລາຍກວ່າ 15 ປີ. ພ້ອມກັນນັ້ນ, ບໍລິສັດ ຊີເນີຈີ ຈຳກັດ ຍັງມີການຈັດງານຝຶກອົບຮົມເພື່ອເສີມສ້າງທັກສະຈາກຄູຝຶກທີ່ມີປະສົບການສະເພາະດ້ານ ທີ່ກ່ຽວກັບການພັດທະນາອົງກອນ ແລະຍັງເປັນບໍລີສັດທີ່ເປັນທີ່ປຶກສາດ້ານການປັບປູງໂຄງສ້າງຂອງອົງກອນ ແລະພັດທະນາບູກຄະລາກອນໃຫ້ກັບບັນດາບໍລິສັດຕ່າງໆ.

แชร์