ບໍລິສັດ ພູເບ້ຍ ມາຍນິງ ແລະ ສະໂມສອນ ຊ້າງນ້ອຍ ຮ່ວມມືກັນເພື່ອໄຊຊະນະ

ບໍລິສັດ ພູເບ້ຍ ມາຍນິງ ຍິນດີປະກາດໃຫ້ຊາບກ່ຽວກັບການຕົກລົງເຫັນດີເປັນຜູ້ອຸປະຖໍາສະໂມສອນບານເຕະຊ້າງນ້ອຍ (YEFC) ສໍາລັບລະດູການ 2024-2025. ສະໂມສອນບານເຕະຊ້າງນ້ອຍຄອງແຊ້ມລາວລີກ 1, ແລະ ກໍ່ໄດ້ແຊ້ມໃນລະດູການກ່ອນໜ້ານີ້. ການຮ່ວມມືດັ່ງກ່າວນີ້ແມ່ນຂີດໝາຍສໍາຄັນສໍາລັບທັງສອງການຈັດຕັ້ງໃນຂະນະດຽວກັນທັງສອງກໍ່ຮ່ວມພະລັງກັນໃນການສົ່ງເສີມກິລາ, ພັດທະນາຊຸມຊົນ, ເປົ້າໝາຍ ແລະຄູນນະທໍາຮ່ວມກັນຂອງພວກເຂົາ.

ຄວາມມຸ້ງໝັ້ນຂອງບໍລິສັດ ພູເບ້ຍ ມາຍນິງ ຕໍ່ລາວແມ່ນສືບຕໍ່ອອກໄປນອກເໜືອການດໍາເນີນທຸລະກິດຂອງບໍລິສັດ. ໂດຍການຮ່ວມມືກັບສະໂມສອນບານເຕະຊ້າງນ້ອຍ, ບໍລິສັດແນ່ໃສ່ປະກອບສ່ວນໃຫ້ການເຕີບໂຕຂອງກິລາບານເຕະ, ຊຶ່ງເປັນກິລາທີ່ໄດ້ຮັບຄວາມນິຍົມຫຼາຍທີ່ສຸດໃນປະເທດ ແລະ ເພີ້ມທະວີຄວາມພ້ອມໃຈກັນໃນທ່າມກາງບັນດາກອງເຊຍລາວທັງໝົດ. ການຮ່ວມມືດັ່ງກ່າວນີ້ ເນັ້ນໜັກຄວາມມຸ້ງໝັ້ນຂອງບໍລິສັດ ພູເບ້ຍ ມາຍນິງ ຕໍ່ອະນາຄົດຂອງຊາດ ແລະ ຄຸນນະທໍາຫຼັກຂອງບໍລິສັດ.

ການສຸມໃສ່: ບໍລິສັດ ພູເບ້ຍ ມາຍນິງ ສຸມໃສ່ການເປັນບໍລິສັດທີ່ມີນະວັດຕະກໍາໃໝ່ ແລະ ມີຄວາມຮັບຜິດຊອບ ຊຶ່ງໃຫ້ປະໂຫຍດແບບຍືນຍົນ ຜ່ານຄວາມເປັນເລີດດ້ານການດໍາເນີນງານຢູ່ເຂດຂຸດຄົ້ນຂອງບໍລິສັດ; ສະໂມສອນຊ້າງນ້ອຍສະແດງໃຫ້ເຫັນການສຸມໃສ່ຢ່າງບໍ່ປ່ຽນແປງຢູ່ສະໜາມ, ສູ້ຊົນໃຫ້ບັນລຸຄວາມເປັນເລີດໃນທຸກໆການແຂ່ງຂັນ.

ການລົງມືປະຕິບັດ: ທັງສອງອົງກອນເຊື່ອໃນການລົງມືປະຕິບັດຢ່າງມີຄວາມໝາຍ. ແຜນລິເລີ້ມກ່ຽວກັບຊຸມຊົນຫຼາກຫຼາຍຂອງບໍລິສັດ ພູເບ້ຍ ມາຍນິງ ແມ່ນສອດຄ່ອງກັບຄວາມມຸ້ງໝັ້ນຂອງສະໂມສອນຊ້າງນ້ອຍຕໍ່ຄວາມຮັບຜິດຊອບທາງສັງຄົມຜ່ານແຜນລິເລີ້ມຕ່າງໆເຊັ່ນ: ການສະໜັບສະໜູນການຜ່າຕັດສັນຍະກໍາຕໍ້ກະຈົກຢູ່ບັນດາຊຸມຊົນໃນຂົງເຂດ ແລະຊ່ວຍຊາວໜຸ່ມທີ່ດ້ອຍໂອກາດໃຫ້ມີໂອກາດຜ່ານກິລາ.

ນະວັດຕະກໍາໃໝ່: ບໍລິສັດ ພູເບ້ຍ ມາຍນິງ ນໍາເອົາຄວາມກ້າວໜ້າທາງດ້ານເຕັກໂນໂລຊີທີ່ລໍ້າສະໄໝເພື່ອຊ່ວຍບໍລິສັດສ້າງໂອກາດໃໝ່ເພື່ອການເຕີບໂຕ, ແລະ ສະໂມສອນຊ້າງນ້ອຍເປັນຕົວຢ່າງດ້ານນະວັດຕະກໍາໃໝ່ຜ່ານຍຸດທະສາດບານເຕະ ແລະ ວິທີການຝຶກອົບຮົມຂອງສະໂມສອນ.

ເຕັກໂນໂລຊີ: ການຮ່ວມມືກັນນີ້ ຮັບຮູ້ບົດບາດຂອງເຕັກໂນໂລຊີໃນການຂັບເຄື່ອນຄວາມກ້າວໜ້າ. ຄວາມຊ່ຽວຊານຂອງບໍລິສັດ ພູເບ້ຍ ມາຍນິງໃນເຕັກໂນໂລຊີການຂຸດຄົ້ນ ສົ່ງເສີມການນໍາໃຊ້ການວິເຄາະຂໍ້ມູນ ແລະ ຕິດຕາມຜົນງານການຫຼິ້ນຂອງສະໂມສອນຊ້າງນ້ອຍ.

ການວາງຄົນເປັນທີ່ຕັ້ງ: ພະນັກງານແມ່ນໝາກຫົວໃຈຂອງທັງບໍລິສັດ ພູເບ້ຍ ມາຍນິງ ແລະ ສະໂມສອນບານເຕະຊ້າງນ້ອຍ. ແຮງງານຫຼາກຫຼາຍ ແລະ ຫຼາຍວັດທະນາທໍາຂອງບໍລິສັດ ພູເບ້ຍ ມາຍນິງ ຊຶ່ງສ່ວນໃຫຍ່ປະກອບມີພະນັກງານຄົນລາວ ຄືກັນກັບທີມແຖວໜ້າລາວຂອງສະໂມສອນຊ້າງນ້ອຍ ເຊິ່ງມີນັກກິລາຕ່າງປະເທດຫຼາຍຄົນ. ໂດຍການແລກປ່ຽນປະສົບການ ແລະ ຄວາມຮຸ້ ເຮັດໃຫ້ທັງສອງທີມງານເຂັ້ມແຂງ.ດັ່ງນັ້ນ, ບໍ່ວ່າມັນຮັບປະກັນສະຫວັດດີພາບ ແລະ ຄວາມປອດໄພຂອງພະນັກງານໃນສະຖານທີ່ເຮັດວຽກ ຫຼື ສະຫຼອງຄວາມຫຼົງໄຫຼຂອງກອງເຊຍ, ອົງປະກອບຂອງມະນຸດ ແມ່ນສູນກາງຄວາມພະຍາຍາມຂອງທັງສອງອົງກອນ.

ການຮ່ວມມືດັ່ງກ່າວຈະລວມມີແຜນງານຂະຫຍາຍອອກໄປຊຸມຊົນຮ່ວມກັນ, ແຜນລິເລີ້ມໃນການພັດທະນາຊາວໜຸ່ມ ແລະງານຮ່ວມມືຕ່າງໆ. ກອງເຊຍລໍຖ້າຊົມການແຂ່ງຂັນທີ່ໜ້າຕື່ນເຕັ້ນ ແລະ ໂອກາດຕ່າງໆເພື່ອມີສ່ວນຮ່ວມໄປກັບທັງບໍລິສັດ ພູເບ້ຍ ມາຍນິງ ແລະ ສະໂມສອນບານເຕະຊ້າງນ້ອຍ.

ຜູ້ອໍານວຍການ ແລະ ປະທານບໍລິຫານຂອງແພນອອສ໌, ທ່ານ ດາລິງ ເຊັງ ໃຫ້ຮູ້ກ່ຽວກັບການຮ່ວມມືດັ່ງກ່າວນີ້.

“ໃນເວລາພວກເຮົາໄດ້ປະຊຸມກກັບຕົວແທນຈາກສະໂມສອນບານເຕະຊ້າງນ້ອຍ, ສິ່ງທີ່ປະທັບໃຈພວກເຮົາຫຼາຍທີ່ສຸດ, ນອກຈາກຄວາມສໍາເລັດອັນພົ້ນເດັ່ນຂອງພວກເຂົາວ່າງບໍ່ດົນມານີ້ຢູ່ສະໜາມ, ແມ່ນຄວາມມຸ້ງໝັ້ນຂອງພວກເຂົາຕໍ່ການພັດທະນາສັງຄົມໃຫ້ປະຊາຊົນລາວນອກສະໜາມ. ພວກເຮົາເຊື່ອວ່າກິລາສາມາດໃຫ້ແຮງບັນດານໃຈຕໍ່ການປ່ຽນແປງທີ່ດີ. ຄວາມສໍາເລັດຂອງວ່າງບໍ່ດົນມານີ້ຂອງສະໂມສອນຊ້າງນ້ອຍ ແລະ ຄວາມມຸ້ງໝັ້ນຂອງພວກເຂົາໃນຄວາມເປັນເລີດສອດຄ່ອງຢ່າງສົມບູນແບບກັບວິໄສທັດຂອງພວກເຮົາເພື່ອອະນາຄົດທີ່ດີ, ປະກົດຜົນເປັນຈິງ ແລະ ປະສົບຜົນສໍາເລັດສໍາລັບປະເທດລາວ.”

ປະທານບໍລິສັດ ພູເບ້ຍ ມາຍນິງ, ທ່ານ ຈັນເພັງ ບຸນນະຜົນ, ໃຫ້ຮູ້ຕື່ມອີກວ່າ “ສະໂມສອນບານເຕະຊ້າງນ້ອຍ ປະສົບຄວາມສໍາເລັດຢ່າງວ່ອງໄວຕະຫຼອດທົດສະວັດຜ່ານມາ ແລະ ຄວາມສໍາເລັດດັ່ງກ່າວນີ້ສາມາດເຫັນໄດ້ໃນທີມຊາດລາວ ຊຶ່ງປັດຈຸບັນສ່ວນໃຫຍ່ແມ່ນປະກອບມີນັກກິລາຈາກຊ້າງນ້ອຍ. ເຊິ່ງນີ້ເປັນສິ່ງພິສູດໄດ້ຢ່າງຊັດເຈນເຖິງຄວາມມຸ້ງໝັ້ນຂອງນັກກິລາ, ຝຶກຝົນຄວາມສາມາດໂດຍບັນດາຄູຝຶກສອນ ແລະ ທຸກຄົນທີ່ມີສ່ວນຮ່ວມ ເພື່ອເຮັດວຽກໃຫ້ໄດ້ມາດຕະຖານສູງສຸດ. ປະໂຫຍດດ້ານດີເຫຼົ່ານີ້ ແມ່ນຜົນສະທ້ອນທີ່ດີຂອງທັງສອງອົງກອນພວກເຮົາ.”

ທ່ານ ເຈສັນ ລິມ, ປະທານສະໂມສອນບານເຕະຊ້າງນ້ອຍ ກ່າວວ່າ “ພວກເຮົາຮູ້ສຶກຕື່ນເຕັ້ນທີ່ໄດ້ມີບໍລິສັດ ພູເບ້ຍ ມາຍນິງ ເປັນຄູ່ຮ່ວມມືຂອງພວກເຮົາ. ພວກເຮົາແນ່ໃສ່ຍົກລະດັບວົງການບານເຕະຢູ່ລາວ ແລະ ສ້າງຄວາມຈົດຈໍາຍາວນານໃຫ້ບັນດາກອງເຊຍ.”

ຮູ້ຈັກກັບບໍລິສັດ ພູເບ້ຍ ມາຍນິງ: ບໍລິສັດ ພູເບ້ຍ ມາຍນິງ ແມ່ນບໍລິສັດໃນເຄືອຂອງບໍລິສັດ ແພນອອສ໌ ຈໍາກັດ. ບໍລິສັດ ແພນອອສ໌ ຖືກໍາມະສິດໂດຍບໍລິສັດກວ່າງດົງ ຣາຍຊິງ ເຮັຈ໌ ເຄ (ໂຮລດິ້ງ) ຈໍາກັດ ຊຶ່ງເປັນບໍລິສັດໃນເຄືອຂອງບໍລິສັດ ກວ່າງດົງ ຣາຍຊິງ ກຼຸບ (GDRH). ບໍລິສັດ ພູເບ້ຍ ມາຍນິງ ດໍາເນີນໂຄງການຂຸດຄົ້ນ-ປຸງແຕ່ງ ທອງ-ຄໍາ ພູຄໍາ ແລະ ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ ຢູ່ລາວ. ບໍລິສັດມຸ້ງໝັ້ນຕໍ່ການປະຕິບັດແບບຍືນຍົງ, ດູແລຮັກສາສິ່ງແວດລ້ອມໃຫ້ດີ ແລະພັດທະນາຊຸມຊົນໃນດ້ານເສດຖະກິດ-ສັງຄົມ.

ຮູ້ຈັກກັບສະໂມສອນບານເຕະຊ້າງນ້ອຍ: ສະໂມສອນບານເຕະຊ້າງນ້ອຍ ສ້າງຕັ້ງຂຶ້ນໃນປີ 2015, ແມ່ນໜຶ່ງໃນສະໂມສອນບານເຕະທີ່ປະສົບຜົນສໍາເລັດຫຼາຍທີ່ສຸດຂອງລາວ. ໂດຍມີປະຫວັດທີ່ຍາວນານ ແລະ ມີຖານກອງເຊຍທີ່ມີໃຈມັກ, ພວກເຂົາສືບຕໍ່ເປັນທີມແນວໜ້າຂອງລີກໃນປະເທດ ແລະ ຄອງແຊ້ມລາວລີກ 1. ສາມາດຕິດຕາມຄວາມຄືບໜ້າຂອງພວກເຂົາໄດ້ທີ່: https://web.facebook.com/YEFCLAOS

แชร์