ຮ່ວມໃຈນຳໃຊ້ຜະລິດຕະພັນລາວ ສົ່ງເສີມຄຽງຄູ່ກັບສັງຄົມລາວ

ຜະລິດຕະພັນລາວຖືໄດ້ວ່າໄດ້ຮັບຄຸນນະພາບມາດຖານຢູ່ໃນລະດັບໜຶ່ງທຽບກັບສາກົນເຮັດໃຫ້ສັງຄົມຈຳນວນໜຶ່ງໃຫ້ການຍ້ອມຮັບ ແລະຊົມໃຊ້ ແລະອານາຄົດເຊື່ອວ່າຈະໄປໄດ້ດີກ່ອນນີ້ຖ້າຮ່ວມໃຈກັນ ແລະໃຫ້ການສະໜັບສະໜູນທັງນີ້ເພື່ອໃຫ້ເຂົ້າກັບບັນຍາກາດທີ່ພັກ-ລັດ ໄດ້ຊຸກຍູ້ສົ່ງເສີມທົ່ວສັງຄົມຫັນມານໍາໃຊ້ຜະລິດຕະພັນລາວ ລອງເປີດໃຈນໍາໃຊ້ສິນຄ້າລາວຫລາຍຂຶ້ນທັງນີ້ກໍເພື່ອເປັນການຊຸກຍູ້ສົ່ງເສີມເຮັດໃຫ້ຜະລິດຕະພັນຂອງລາວເຮົາໄດ້ຮັບການພັດທະນາຄຽງຄູ່ກັບສັງຄົມລາວໃນຂະນະດຽວກັນກໍຈະເປັນການກະຕຸກຊຸກຍູ້ ເສດຖະ ກິດລາວ ໃຫ້ມີການຂະຫຍາຍຕົວຫລາຍຂຶ້ນ.

ໃນປະຈຸບັນທີ່ສິນຄ້າລາວໃດ້ຮັບການສົ່ງເສີມຢ່າງເຕັມທີ່ຈາກທາງພາກລັດແລະເອກະຊົນເພື່ອຊ່ວຍໃຫ້ປະເທດຊາດຫລຸດພົ້ນຈາກສະພາບເສດຖະກິດເງິນເຟີ້,ພາກສ່ວນລັດຖະບານ ກໍ່ຄືກະຊວງອຸດສາຫະກຳແລະການຄ້າລວມເຖິງບັນດາພາກສ່ວນທີ່ກ່ຽວຂ້ອງໃດ້ສຸ່ມເຫື່ອເທແຮງຮ່ວມມືກັບຜູ້ປະກອບການ ແລະ ຜູ້ຜະລິດພາຍໃນຢ່າງຈິງຈັງ ເພື່ອສົ່ງເສີມໃຫ້ມີການຜະລິດພາຍໃນໃຫ້ພຽງພໍຕໍ່ການຊົມໃຊ້ຂອງພໍ່ແມ່ປະຊາຊົນລາວ ໃນລາຄາທີ່ຖືກ ແລະມີຄຸນນະພາບ.

ນາງ ພຸດທະຫວາ ສີລິໄລ ຜູ້ກ່ໍຕັ້ງແລະຜູ້ບໍລິຫານບໍລິສັດ ໄອແຄ ບໍລິການຈໍາກັດເວົ້າສູ່ຟັງວ່າ: ຈຸດເລີ່ມຕົ້ນຂອງຜະລິດຕະພັນນີ້ເກີດຂຶ້ນພາຍໃຕ້ບໍລິສັດໄອແຄ ບໍລິການ ເຊິ່ງລິເລ່ີມມາຈາກການໃຫ້ບໍລິການ ທໍາຄວາມສະອາດຕາມຄົວເຮືອນ, ແຕ່ ປັດຈຸບັນ ຍ້ອນເຫັນສະພາບຄວາມຫຍຸ້ງຍາກຂອງເສດຖະກິດເປັນຕົ້ນການນໍາເຂົ້າສິນຄ້າສູງກວ່າເມື່ອກ່ອນຫລາຍສະນັ້ນ, ພວກເຮົາຈຶ່ງເບິ່ງວ່າບັນຫາດັ່ງກ່າວຄວນໄດ້ຮັບການແກ້ໄຂດ້ວຍການສ້າງກໍາລັງການຜະລິດພາຍໃນກໍຄືນໍ້າຢາທໍາຄວາມສະອາດ (ນໍ້າຢາ ລ້າງຖ້ວຍ, ຖູພື້ນ) ຍີ່ຫໍ່ ໄແຄ ຂຶ້ນໃນປີ 2023 ແລະ ວາງຈໍາໜ່າຍສູ່ສັງຄົມທົ່ວໄປ ເຊິ່ງເບື້ອງຕົ້ນແມ່ນມີຄວາມທ້າທາຍຫລາຍເນື່ອງຈາກວ່າສັງຄົມຍັງບໍ່ເຊື້ອໝັ້ນໃນຜະລິດຕະພັນລາວ. ອີກຢາງໜຶ່ງກໍຍ້ອນຄົນລາວມີຄ່ານິຍົມນໍາໃຊ້ສິນຄ້າຕ່າງປະເທດມາເປັນເວລາດົນນານການຈະປ່ຽນພຶດຕິກໍາກໍບ່ໍແມ່ນເລື່ອງງ່າຍແຕ່ເນື່ອງຈາກວ່າ ຜະລິດຕະພັນ ໄອແຄ ມີຄວາມຈໍາເປັນໃນຊີວິດປະຈໍາວັນອີກຢ່າງໜຶ່ງສິນຄ້າກໍມີຄຸນນະພາບດີທຽບເທົ່າກັບສິນຄ້ານໍາເຂົ້າດ້ວຍຂະບວນການຜະລິດ ແລະເຄມີພັນຕ່າງໆລ້ວນແຕ່ຜ່ານອຍ ແລະຜ່ານໜ່ວຍງານທີ່ກ່ຽວຂ້ອງຢ່າງຖືກຕ້ອງເພື່ອເຮັດໃຫ້ສິນຄ້າມີຄຸນນະພາບປອດໄພຕໍ່ຜູ້ຊົມໃຊ້ຍັງລາຄາບໍ່ແພງຈຶ່ງເຮັດໃຫ້ຜະລິດຕະພັນ ໄອແຄ ເປັນທີ່ຮູ້ຈັກ ແລະຍອມຮັບຢ່າງກວ້າງຂວາງ. ສໍາລັບຜະລິດຕະພັນ ໄອແຄ ປັດຈຸບັນ ມີນໍ້າຢາລ້າງຈານ, ນໍ້າຢາຖູພື້ນ ແລະ ໃນອະນາຄົດມີແຜນຜະລິດສະບູຜົງ,ນໍ້າຢາລ້າງມື້ລວມເຖິງນໍ້າຢາທໍາຄວາມສະອາດຕ່າງໆທີ່ມີຄວາມຈໍາເປັນໃນຄົວເຮືອນ.

ນາງ ພຸດທະຫວາ ເວົ້າຕື່ມວ່າ: ໃນສະພາບເສດຖະກິດໃນປັດຈຸບັນເພື່ອເຮັດໃຫ້ທຸລະກິດສາມາດຄົງຕົວໄດ້ຜູ້ປະກອບການຕ້ອງໄດ້ເອົາໃຈໃສ່ແຂ່ງຂັນຢ່າງຕັ້ງໜ້າກັບສິນຄ້ານໍາເຂົ້າບໍ່ວ່າຈະເປັນຄຸນພາບ, ມາດຕະຖານ, ການຫຸ້ມຫໍ່, ຄວາມສວຍງາມ ແລະ ລາຄາໂດຍສາເຫດຕ່າງໆທີ່ກ່າວມານັ້ນມັນເປັນເພື່ອແກ້ໄຂອອກຂອງບັນຫານີ້ໄດ້ແນວໃດກໍດີເຖິງວ່າສິນຄ້າຈະດີຊໍາໃດຖ້າບໍມີໃຜຊົມໃຊ້ກໍບໍມີຄວາມໝາຍສະນັ້ນ. ຈຶ່ງຢາກໃຫ້ທຸກຄົນໃນສັງຄົມເປີດໃຈຊົມໃຊ້ສິນຄ້າລາວເພື່ອເປັນການຊຸກຍູ້ສົ່ງເສີມສິນຄ້າລາວໃຫ້ກ້າວຂຶ້ນຢ່າງໝັ້ນຄົງໃນອະນາຄົດ.ໃນປັດຈຸບັນ ໄອແຄ ມີວາງຈໍາໜ່າຍໃນນະຄອນຫລວງວຽງຈັນຢູ່ຮ້ານຄ້າກ໋ອກກ໋ອກ, ເຈມາກ, ໂຊກທະວີດີໝາກສ່ວນຕ່າງແຂວງກໍມີແຜນໄປຜະລິດຢູ່ພາຍໃນແຂວງສະຫວັນນະເຂດ ແລະແຂວງຫລວງພະບາງ ເພື່ອກະຈາຍສິນຄ້າໃຫ້ທົ່ວເຖິງປະຊາຊົນລາວ.

แชร์