6 ເດືອນເມືອງສິງ ມີຜູ້ເສຍຊີວິດ 04 ຄົນ ຈາກອຸປະຕິເຫດ

ຕາມການໃຫ້ຂໍ້ມູນຂອງ ກອງຕຳຫຼວດຈາລະຈອນ-ມອດໄຟ ກອງບັນຊາການ ປກສ ເມືອງສິງ ໃຫ້ຮູ້ວ່າ ນັບແຕ່ວັນທີ 01 ມັງ ກອນ 2024 ຫາ ວັນທີ 30 ມິຖຸນາ 2024 ຜ່ານມານີ້ ທົ່ວເມືອງສິງ ມີອຸປະຕິເຫດເກີດຂຶ້ນທັງໝົດ 41 ລາຍ ໃນນັ້ນ​ ລົດໃຫຍ່ຕຳລົດໃຫຍ່ 04 ລາຍ, ລົດໃຫຍ່ຕຳລົດຈັກ 08 ລາຍ, ລົດຈັກຕຳລົດຈັກ 23 ລາຍ, ລົດຈັກຕຳລົດຖີບ 01 ລາຍ, ລົດຈັກຕຳຄົນຍ່າງ 03 ລາຍ ລົດຈັກຕຳລົດສາມລໍ້ 01 ລາຍ ແລະລົດເຄນໄຫຼທັບຄົນເສຍຊິດວິດ 01 ລາຍ ໃນນີ້ສາມາດແກ້ໄຂ ແລ້ວ 34 ລາຍ, ພ້ວມດຳເນີນຢູ 07 ລາຍ.

ອຸປະຕິເຫດ​ທີ່ເກີດ​ຂຶ້ນເຮັດໃຫ້ພາຫະນະ​ເປ່ເພທັງ​ໝົດ 75 ຄັນ, ລົດ​ໃຫຍ່ 14 ຄັນ, ລົດ​ຈັກ 59 ຄັນ, ລົດສາມລໍ້ 01 ຄັນ ແລະ ລົດຖີບ 01 ຄັນ, ເປ່ເພສົມຄວນ 37 ຄັນ, ເປ່ເພເລກນ້ອຍ 38 ຄັນ, ມີຄົນໄດ້ຮັບບາດເຈັບ ທັງໝົດ 87 ຄົນ, ຍີງ 27 ຄົນ, ( ຄົນຕ່າງປະເທດ 02 ຄົນ ) ບາດ​ເຈັບ​ເລັກ​ໜ້ອຍ 34 ຄົນ, ຍິງ 11 ຄົນ, ​ສົມ​ຄວນ 37 ຄົນ, ຍິງ 10 ຄົນ, ບາດເຈັບສາຫັດ 16 ຄົນ, ຍິງ 06 ຄົນ, ເສຍຊິວິດ 04 ຄົນ ສ້າງຄວາມເສຍຫາຍທັງ​ໝົດ 845,100,000ກີບ.

ຮ້ອຍເອກ ຄຳເປົ່າ ອ່ອນແສງສີ ຫົວໜ້າກອງຕຳຫຼວດຈາລະຈອນ-ມອດໄຟ ກອງບັນຊາການ ປກສ ເມືອງສີງ ໃຫ້ຮູ້ຕື້ມອີກວ່າ ຄະດີອຸປະຕິເຫດດັ່ງກ່າວຖ້າທຽບໃສ່ 06 ເດືອນທ້າຍປີ 2023 ເຫັນວ່າ ມີອຸ​ປະຕິ​ເຫດ ເພີມຂຶ້ນ 14 ລາຍ ແລະ ມີຜູ້ເສຍຊິວິດເພີ່ມຂື້ນ 01 ຄົນ ສາເຫດສ່ວນໃຫຍ່ທີ່ພາ​ໃຫ້​ເກີດ​ອຸ​ປະ​ຕິ​ເຫດ ແມ່ນເນື່ອງມາຈາກນັກ​ຂັບ​ຂີ່ ​ດື່​ມ​ສິ່ງ​ມືນ​ເມົາ​ແລ້ວ​ຂັບ​ຂີ່​ຍານ​ພາ​ຫະ​ນະ ແລ່ນ​ໄວ້​ເກີນ​ກຳ​ນົດ ແລະບໍ່​ເຄົາ​ລົບ​ລະ​ບຽບການສັນຈອນຕາມທ້ອງຖະໜົນຫຼວງແລ້ວຈື່ງພາໃຫ້ເກີດອຸປະຕິເຫດ.

แชร์