.

ບໍລິສັດ ກວາງດົງ ຣາຍຊີ້ງ ໂຮນດີ້ງ ກຣຸບ ເສີມຂະຫຍາຍການຮ່ວມມືຢູ່ລາວ ໃນໄລຍະການຢ້ຽມຢາມບໍລິສັດ ພູເບ້ຍ ມາຍນິງ ແລະນຳສະເໜີຄຸນນະທຳອັນໃໝ່ຂອງການເຮັດວຽກແບບ FAITH

.

ບໍລິສັດ ກວາງດົງ ຣາຍຊີ້ງ ໂຮນດີ້ງ ກຣຸບ (GDRH), ລັດວິສາຫະກິດຊັ້ນນໍາຂອງ ສປ ຈີນ, ໄດ້ເດີນທາງມາຢ້ຽມຢາມບໍລິສັດ ພູເບ້ຍ ມາຍນິງ ເຊິ່ງແມ່ນບໍລິສັດໃນເຄືອຂອງຕົນທີ່ໄດ້ຮັບລາງວັນທັງພາຍໃນ ແລະຕ່າງປະເທດ, ມີຖານການຜະລິດໂລຫະມີຄ່າຢູ່ລາວ. ການຢ້ຽມຢາມດັ່ງກ່າວລວມມີວາລະອັນສໍາຄັນເຊິ່ງຊຸກຍູ້ການພົວພັນທີ່ເລິກເຊິ່ງລະຫວ່າງ ສປ ຈີນ ແລະ ສປປ ລາວ, ແລະຄວາມມຸ່ງໝັ້ນຂອງ GDRH ເພື່ອຄຸນນະທໍາຂອງຕົນ ແລະຄວາມວັດທະນະຖາວອນຂອງພາກພື້ນ.

ໃນໄລຍະເວລາຢູ່ລາວ, ຄະນະ GDRH ເຊິ່ງນໍາໂດຍສະມາຊິກຂັ້ນສູງຂອງບໍລິສັດໄດ້ຮັບກຽດເຂົ້າພົບພະນະທ່ານ ສອນໄຊ ສີພັນດອນ, ນາຍົກລັດຖະມົນຕີແຫ່ງ ສປປ ລາວ. ການພົບປະນໍາການນໍາຂັ້ນສູງຄັ້ງນີ້ເນັ້ນໃຫ້ເຫັນການຮ່ວມມືອັນເປັນຍຸດທະສາດລະ ຫວ່າງ ສອງຊາດ ແລະບົດບາດອັນສໍາຄັນຂອງ GDRH ໃນການເສີມຂະຫຍາຍການພັດທະນາເສດຖະກິດເຊິ່ງຈະສ້າງຜົນປະໂຫຍດໃຫ້ທັງສອງປະເທດ. ທ່ານນາຍົກລັດຖະມົນຕີ ໄດ້ກ່າວເຖີງຄວາມພາກພູມໃຈຂອງລັດຖະບານ ສປປ ລາວ ແລະ ປະຊາຊົນລາວ ທີ່ຕ້ອນຮັບ GDRH ເປັນນັກລົງທຶນ ແລະຄູ່ຮ່ວມມື, ແລະບໍ່ຂຸດຄົ້ນລະດັບໂລກຂອງບໍລິສັດ ພູເບ້ຍ ມາຍນິງ ໄດ້ປະກອບສ່ວນຍິ່ງໃຫຍ່ຕໍ່ການພັດທະນາເສດຖະກິດ ແລະສັງຄົມຂອງລາວ, ແລະຍັງເປັນແບບຢ່າງທີ່ດີໃຫ້ບໍລິສັດຂຸດຄົ້ນແຮ່ທັງໝົດຢູ່ລາວ.

ຄະນະຢ້ຽມຢາມຍັງໄດ້ຢ້ຽມຊົມໂຄງການຂຸດຄົ້ນ-ປຸງແຕ່ງ ບ້ານຫ້ວຍຊາຍ, ແລະ ເຂົ້າຮ່ວມງານສັງສັນນໍາພະນັກງານ ແລະ ຮູ້ສຶກປະທັບໃຈໃນການຕ້ອນຮັບ ແລະ ຄວາມຈິງໃຈຂອງແຮງງານບໍລິສັດ.ສະມາຊິກຈາກ GDRH ໄດ້ສະແດງຄວາມຊື່ນຊົມຂອງພວກເຂົາຕໍ່ຄວາມເປັນເລີດດ້ານການດໍາເນີນງານ ແລະບັນດາມາດຕະຖານສູງທີ່ຮັກສາໄວ້ໃນເຂດດໍາເນີນງານຂຸດຄົ້ນບໍ່ແຮ່. ການຢ້ຽມຢາມດັ່ງກ່າວສະແດງເຖີງຄວາມເຂັ້ມແຂງຕໍ່ການປະສານສົມທົບຢ່າງປະສົບຜົນສໍາເລັດຕໍ່ເນື່ອງລະຫວ່າງ GDRH ແລະບໍລິສັດ ພູເບ້ຍ ມາຍນິງ, ແລະປຽບເໝືອນຄວາມມຸ່ງໝັ້ນຮ່ວມກັນ ເພື່ອສ້າງໃຫ້ມີການຈັດຕັ້ງປະຕິບັດການຂຸດຄົ້ນບໍ່ແຮ່ທີ່ມີຄວາມຮັບຜິດຊອບ ແລະ ສ້າງໃຫ້ມີການຮ່ວມທຸລະກິດມີຄວາມປອງດອງເຊິ່ງສະໜັບສະໜູນປະຊາຊົນໃຫ້ມີຊີວິດທີ່ດີຂຶ້ນ.

ຄຽງຄູ່ກັບການຢ້ຽມຢາມ, GDRH ໄດ້ນໍາສະເໜີຄຸນນະທໍາ ຫຼັກອັນໃໝ່ສໍາລັບບໍລິສັດ ພູເບ້ຍ ມາຍນິງ, ເຊິ່ງບັນຈຸເຂົ້າໃນຄໍາ ຫຍໍ້ທີ່ວ່າ: FAITH - ຈຸດສຸມ, ການ ປະຕິບັດ, ນະວັດຕະກໍາ, ເຕັກໂນ ໂລຊີ, ແລະການວາງຄົນເປັນທີ່ຕັ້ງ. ວິທີຈັດຕັ້ງປະຕິບັດຄຸນນະທໍາເຫຼົ່ານີ້ຈະຂັບເຄື່ອນເຂດດໍາເນີນງານ ແລະການພົວພັນຂອງ ບໍລິສັດ, ທັງພາຍໃນ ແລະພາຍ ນອກ.

ວິທີ GDRH ແລະ ບໍລິສັດ ພູເບ້ຍ ມາຍນິງ ຈະຈັດຕັ້ງປະຕິບັດ FAITH ຈຸດສຸມ: GDRH ມີແຜນເສີມຂະຫຍາຍແຜນງານຍຸດທະສາດຢູ່ເຂດດໍາເນີນງານຫຼັກຂອງບໍລິສັດ ພູເບ້ຍ ມາຍນິງ ເພື່ອຮັບປະກັນ ໃຫ້ຄວາມພະຍາຍາມທັງໝົດສອດຄ່ອງກັບເປົ້າໝາຍໄລຍະຍາວໃນການສ້າງຜົນກໍາໄລ, ການພັດທະນາແບບຍືນຍົງ ແລະການພັດທະນາຊຸມຊົນ.

ການປະຕິບັດ: GDRH ນໍາພາເປັນແບບຢ່າງ ແລະ ໃຫ້ຄໍາແນະນໍາບັນດາທີມງານເພື່ອສ້າງຜົນໄດ້ຮັບທີ່ດີກວ່າເກົ່າ ແລະສ້າງຜົນຕອບແທນໃຫ້ມີຄ່າສູງກວ່າ. ພວກເຮົາມີຄວາມຮັບຜິດຊອບໃນການປະຕິບັດ ແລະເຮັດວຽກຮ່ວມກັນເພື່ອສ້າງສະພາບແວດລ້ອມທີ່ສາມາດສ້າງກໍາໄລເພີ່ມຂຶ້ນ ແລະປອດໄພຫຼາຍຂຶ້ນ. ບໍລິສັດ ພູເບ້ຍ ມາຍນິງ ໄດ້ຂຸດຄົ້ນທອງໃນແຮ່ເຂັ້ມຂຸ້ນຫຼາຍກວ່າໜຶ່ງລ້ານໂຕນ.

ນະວັດຕະກໍາ: ໂດຍມີການນໍາ ໃຊ້ເຕັກໂນໂລຊີດ້ານຂຸດຄົ້ນແຮ່ ທີ່ລໍ້າສະໄໝ ແລະມີຂະບວນການຂຸດຄົ້ນແຮ່ແບບໃໝ່ ເຊິ່ງມີບໍ່ໃຕ້ດິນ, GDRH ມີແນວທາງປັບປຸງປະສິດທິຜົນ ແລະຄວາມປອດໄພຢູ່ບໍລິສັດ ພູເບ້ຍ ມາຍນິງ, ເພື່ອສືບຕໍ່ສ້າງມາດຖານອຸດສາຫະກໍາອັນໃໝ່. ການປັບປຸງອັນຕໍ່ເນື່ອງສ້າງໃຫ້ເປັນວັດທະນະທໍາຂອງການ ປະຕິບັດງານຂອງພວກເຮົາ. ບໍລິສັດ ພູເບ້ຍ ມາຍນິງ ກໍາລັງຫັນປ່ຽນຈາກບໍ່ເປີດມາເປັນບໍ່ຂຸດຄົ້ນໃຕ້ດິນຢ່າງປະສົບຜົນສໍາເລັດ.

ເຕັກໂນໂລຊີ: ການປະສົມປະສານເຕັກໂນໂລຊີທີ່ກ້າວໜ້າໃນເຂດດໍາເນີນງານຂອງບໍລິສັດ ພູເບ້ຍ ມາຍນິງ ຈະເພີ່ມຜະລິດຕະພາບ ແລະຍັງຫຼຸດຜົນກະທົບຕໍ່ສິ່ງແວດລ້ອມ, ເຊິ່ງສະທ້ອນເຖີງຄວາມມຸ່ງໝັ້ນຂອງ GDRH ເພື່ອເບິ່ງແຍງບັນດາຊຸມຊົນ ແລະສິ່ງແວດລ້ອມ. ບໍລິສັດ ພູເບ້ຍ ມາຍນິງ ສືບຕໍ່ປັບປຸງປະສິດທິຜົນ ໂດຍມີການເປັນເຈົ້າຂອງ ແລະການພັດທະນາບັນດາເຄື່ອງມືເຕັກໂນໂລຊີໃໝ່.

ການວາງຄົນເປັນທີ່ຕັ້ງ: GDRH ເນັ້ນໃສ່ຄວາມສໍາຄັນຂອງການພັດທະນາແຮງງານຂອງຕົນທີ່ຕໍ່ເນື່ອງໂດຍມີການຕັ້ງເປົ້າເສີມຂະຫຍາຍສະພາບແວດລ້ອມຂອງການເຮັດວຽກທີ່ສົ່ງເສີມ. ວິທີການນີ້ໃຫ້ບູລິມະສິດດ້ານສະຫວັດດີການ ແລະການສ້າງທັກສະຂອງພະນັກງານຄົນ ລາວຈໍານວນຫຼາຍກວ່າ 3,000 ຄົນ.

ປະທານຂອງ GDRH ໄດ້ສະແດງວິໄສທັດສໍາລັບການພົວພັນອັນມີຄວາມໝາຍ ແລະຍາວນານລະຫວ່າງ ສປ ຈີນ ແລະ ສປປ ລາວ, ເປັນສິ່ງໜຶ່ງທີ່ຊຸກຍູ້ການຂະຫຍາຍທຸລະກິດ ແລະ ເສີມຂະຫຍາຍຈິດວິນຍານທີ່ຈິງ ໃຈໃນການຮ່ວມມື ແລະການເຕີບ ໂຕເຊິ່ງກັນ ແລະກັນ. ວິໄສທັດນີ້ ແມ່ນແບ່ງປັນໃຫ້ພະນັກງານໝົດທຸກຄົນທົ່ວຫົວໜ່ວຍທຸລະກິດ, ຜູ້ທີ່ຮ່ວມແຮງຮ່ວມໃຈໃນຄວາມຕັ້ງໃຈຂອງພວກເຂົາເພື່ອຄຸນນະ ທໍາອັນໃໝ່ເຫຼົ່ານີ້ ແລະຄວາມຄາດຫວັງຂອງພວກເຂົາເພື່ອອະນາຄົດອັນສົດໃສ.

ໃນໄລຍະ GDRH ສືບຕໍ່ສະໜັບສະໜູນການເຕີບ ໂຕຂອງບໍລິສັດ ພູເບ້ຍ ມາຍນິງໃນລາວຜ່ານການລົງທຶນທີ່ຍືນຍົງ, ແລະດ້ວຍການສະໜັບສະໜູນ ແລະການຜູກມິດສະຫາຍນໍາລັດຖະບານ ສປປ ລາວ - ບັນດາໂອກາດຕ່າງໆ ແມ່ນບໍ່ມີຂີດຈໍາກັດ. ປັດສະຍາການດໍາເນີນທຸລະກິດ ຂອງ GDRH ຈະຂັບເຄື່ອນຕາມຄຸນນະທໍາແບບ FAITH ຂອງບໍລິສັດ. ຜ່ານການຈັດຕັ້ງປະຕິບັດຄຸນນະທໍາທີ່ສໍາຄັນເຫຼົ່ານີ້ຢ່າງປະສົບຜົນສໍາເລັດ, ບໍລິສັດ ໃຫ້ຄໍາໝັ້ນໃນຄວາມມຸ່ງໝັ້ນຂອງຕົນເພື່ອສ້າງຜົນກະທົບອັນສ້າງສັນໃຫ້ບັນດາຊຸມຊົນທ້ອງຖິ່ນ ແລະປະກອບສ່ວນຕໍ່ການພັດທະນາເສດຖະກິດ-ສັງຄົມຂອງປະເທດຊາດ. ຄຸນນະທໍາ FAITH ແມ່ນເປັນຫຼາຍກວ່າຫຼັກການຕ່າງໆສໍາລັບ GDRH; ແລະເປັນແຜນນໍາທາງເພື່ອສ້າງອະນາຄົດທີ່ມີຄວາມວັດທະນະຖາວອນ ແລະຄວາມປອງດອງຫຼາຍຂຶ້ນສໍາລັບບັນດາຜູ້ຖືຮຸ້ນ ແລະນັກລົງທຶນໃນຕໍ່ໜ້າ.

แชร์