ກວາງດົງ ຣາຍຊີ້ງ ໂຮນດີ້ງ ກຣຸບ ສ້າງການລົງທືນໄລຍະຍາວຂອງບໍລິສັດ ພູເບ້ຍ ມາຍນິງ ໃນລາວ

ບໍລິສັດ ພູເບ້ຍ ມາຍນິງ ໄດ້ຕ້ອນຮັບຄະນະບໍລິຫານຂັ້ນສູງ ຈາກບໍລິສັດ ແມ່ຂອງແພນອອສ໌, ກວາງດົງ ຣາຍຊີ້ງ ໂຮນດີ້ງ ກຣຸບ (ຈີດີອາເຮັທ) ແລະ ກວາງດົງ ຣາຍຊີງ ເຮັທເຄ (ໂຮ່ນດີ້ງ) ຈໍາ ກັດ. ບັນດາແຂກເຈັດຄົນທີ່ຢ້ຽມ ຢາມລາວປະກອບມີ: ທ່ານ ລີ້ວ ຢົງຈົງ, ປະທານກຸ່ມລັດວິສາຫະ ກິດຈີນ ຈີດີອາເຮັທ ແລະ ຍັງເປັນ ເລຂາທິການພັກແຂວງກວ່າງ ຕຸ້ງ; ທ່ານ ເຈີ້ງ ເຣີນຝ່າ ແລະທ່ານ ອູ ເຊີ້ງຮຸ້ຍ, ຮອງປະທານດີອາເຮັທ; ທ່ານ ເຟີງ ເຫລີ່ຍ, ປະທານ ຈີອາເຮັທເຄ; ແລະ ທ່ານ ຮວງ ຈື່ບິນ, ຮອງປະທານ ຈີອາເຮັທເຄ.

ຄະນະຢ້ຽມຢາມໄດ້ເຂົ້າພົບພະນະທ່ານ ສອນໄຊ ສີພັນດອນ, ນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເຊິ່ງໄດ້ຕ້ອນຮັບທ່ານ ປະທານ ຢົງຈົງຢ່າງອົບອຸ່ນ. ໃນລະຫວ່າງການພົບປະ,ທ່ານ ຢົງ ຈົງ ໄດ້ນໍາສະເໜີການພັດທະນາຂອງຈີດີອາເຮັທ, ການລົງທຶນ ແລະການພັດທະນາໄລຍະຍາວຢູ່ ສປປ ລາວ, ແລະ ບັນດາໂອກາດ ແລະສິ່ງທ້າທາຍທີ່ຈີດີອາເຮັທພະຍາຍາມ ເຮັດວຽກຮ່ວມນໍາພາກລັດ. ການລາຍງານສ້າງການປຶກສາຫາລືທີ່ສ້າງສັນ ແລະ ມີໝາກຜົນດີລະ ຫວ່າງຈີດີອາເຮັທ ແລະ ພາກລັດ.

ທ່ານ ຢົງຈົງ ໄດ້ກ່າວວ່າ: “ສາທາລະນະລັດ ປະຊາຊົນຈີນ ແລະ ສປປ ລາວ ແມ່ນເພື່ອນບ້ານທີ່ດີ, ມິດສະຫາຍທີ່ດີ ແລະເປັນຊຸມຊົນທີ່ມີອະນາຄົດຮ່ວມກັນ. ໃນຖາ ນະເປັນລັດວິສາຫະກິດຈີນ, ພວກເຮົາຍາມໃດກໍ່ປະຕິບັດຕາມແນວທາງຄວາມຮັບຜິດຊອບຕໍ່ສັງຄົມ, ໃຫ້ຄວາມສໍາຄັນຢ່າງຍິ່ງຕໍ່ການປົກປ້ອງສິ່ງແວດລ້ອມ ແລະ ການພັດທະນາຊຸມຊົນ ແລະຮັບປະກັນວ່າໂຄງການຂອງພວກເຮົາສາມາດສ້າງຜົນປະໂຫຍດໃຫ້ລັດຖະບານ ແລະປະຊາຊົນລາວຢ່າງແທ້ຈິງ.”

ພະນະທ່ານ ສອນໄຊ ສີພັນດອນ ຍັງໄດ້ມີຄໍາເຫັນ ທີ່ສ້າງສັນ ແລະ ຮັບຮູ້ເຖີງຄວາມເຊື່ອໝັ້ນ ຂອງຈີດີອາເຮັທໃນການລົງທຶນ ໃນລາວ ແລະການປະກອບສ່ວນ ຕໍ່ເສດຖະກິດ ແລະ ສັງຄົມຂອງ ລາວ. ທ່ານນາຍົກລັດຖະມົນຕີ ໄດ້ ກ່າວວ່າ ລັດຖະບານ ແລະປະຊາຊົນລາວ ແມ່ນພາກພູມໃຈທີ່ມີຈີດີ ອາເຮັທ ເປັນນັກລົງທຶນ ແລະ ຄູ່ ຮ່ວມທຸລະກິດທີ່ມີຄວາມຮັບຜິດ ຊອບ. ທ່ານນາຍົກລັດຖະມົນຕີ ໄດ້ກ່າວຕື່ມວ່າ ບໍ່ແຮ່ລະດັບໂລກ ຂອງບໍລິສັດ ພູເບ້ຍ ມາຍນິງ ຍັງ ແມ່ນຕົວຢ່າງທີ່ດີສໍາລັບບໍລິສັດ ບໍ່ ແຮ່ໃນລາວທັງໝົດ.

ທ່ານ ດາລິງ ເຊັງ, ຜູ້ອໍານວຍການ ແລະປະທານບໍລິຫານບໍລິສັດ ແພນອອສ໌ ກ່າວກ່ຽວກັບສາຍພົວພັນ ແລະການຮັດແໜ້ນທຸລະກິດທີ່ເຂັ້ມແຂງລະຫວ່າງ ສປ ຈີນ ແລະ ສປປ ລາວ.

ທ່ານ ເຊັງ ກ່າວວ່າ: “ການຢ້ຽມຢາມຂອງຄະນະບໍລິຫານຂັ້ນສູງຈາກລັດວິສາຫະກິດຈີນ ຈີດີອາເຮັທ ແລະ ຈີອາເຮັທຈີ ຍົກສູງຄວາມມຸ້ງໝັ້ນໄລຍະຍາວຂອງບໍລິສັດ ແພນອອສ໌ ເພື່ອສືບຕໍ່ການເຕີບໂຕທຸລະກິດໃນລາວ. ພວກເຮົາດໍາເນີນທຸລະກິດທີ່ມີຈຸດມຸ້ງຫວັງດີທີ່ສຸດເພື່ອຜົນປະໂຫຍດ ແລະການຕອບແທນດ້ານດີໃຫ້ລັດຖະບານ ແລະປະຊາຊົນລາວ. ຂ້າພະເຈົ້າມີຄວາມເຊື່ອໝັ້ນອັນເຂັ້ມແຂງໃນຜູ້ຖືຮຸ້ນຂອງພວກເຮົາວ່າ ບໍລິສັດ ພູເບ້ຍ ມາຍນິງ ຈະສືບຕໍ່ສ້າງອະນາຄົດທີ່ດີໃນຫຼາຍປີຂ້າງໜ້າ.”

แชร์