ໃນລະວ່າງວັນທີ 27 ມີຖຸນາຜ່ານມາ ທ່ານ ພັອ ໂພໄຊ ສຸລິວົງສາ ຫົວໜ້າຄະນະດ່ານສາກົນພູເກືອແຂວງອັດຕະປື ໄດ້ລາຍວ່າ: ຕະຫຼອດໄລຍະການຈັດຕັ້ງປະຕິບັດຂອງຂະແໜງການ, ໜ່ວຍງານທີ່ປະຈໍາດ່ານສາກົນພູເກືອ ເຊິ່ງມີຜົນສໍາເລັດລາຍດ້ານເປັນຕົ້ນ: ໃນໄລຍະ 06 ເດືອນທີ່ຜ່ານມາເຫັນວ່າບັນດາຂະແໜງການ-ໜ່ວຍງານທີ່ປະຕິບັດໜ້າທີ່ວຽກງານຢູ່ດ່ານ ແມ່ນປະຕະບັດຕາມໜ້າທີ່ຄວາມຮັບຜິດຊອບຂອງແຕ່ລະຂະແໜງການ-ສອດຄ່ອງກັບລະບຽບການ ແລະ ກົດໝາຍຂອງແຕ່ລະຂະແໜງການ; ດ້ານວຽກງານການຕິດຕາມສິນຄ້າສົ່ງອອກ-ນໍາເຂົ້າ ໃນ 06 ເດືອນຜ່ານມາດ່ານສາກົນພູເກືອໄດ້ປະກອບເອກະສານໃຫ້ແກ່ຜູ້ປະກອບ ການທີ່ສົ່ງອອກ ແລະ ນໍາເຂົ້າສິນຄ້າໄດ້ທັງໝົດ 2.083 ຊຸດ, ຄິດເປັນມູນຄ່າທັງໝົດ 110.419.127,21 ໂດລາ; ໃນນັ້ນນໍາເຂົ້າ 655 ຊຸດ ຄິດເປັນມູນຄ່າ 35.289.116,21 ໂດລາກ່ຽວກັບວຽກງານການສົ່ງອອກ-ນໍາເຂົ້າ ສິນຄ້າຜ່ານສອງດ່ານແມ່ນພວກເຮົາໄດ້ປະຕິບັດຕາມບົດບັນທຶກ ທີ່ສອງດ່ານໄດ້ເຊັນກັນໃນຜ່ານມາ ແມ່ນປະຕິບັດຕາມສັນຍາການຄ້າຜ່ານແດນລະຫວ່າງສອງປະເທດ ແລະ ປະຕິບັດຕາມແຈ້ງການຂອງກະຊວງທີ່ກ່ຽວຂ້ອງ-ກົມ ແລະ ແຂວງ ຢ່າງຄັກແນ່, ມີການກວດກາສິນຄ້າກ່ອນການ ສົ່ງອອກ ແລະ ນໍາເຂົ້າ ພ້ອມທັງໄດ້ມີການຢັ້ງຢືນຄວາມຖືກຕ້ອງຈາກຂະແໜງການ-ໜ່ວຍງານທີ່ປະຈຳຢູ່ດ່ານ, ຜ່ານການກວດກາຕົວຈິງໃນ 06 ເດືອນເຫັນວ່າສິນຄ້າທີ່ສົ່ງອອກ ນໍາເຂົ້າແມ່ນຖືກຕ້ອງຕາມການ ອະນຸຍາດຂອງ ສປປ ລາວ; ດ້ານຂະແໜງການຈັດເກັບລາຍຮັບໄດ້ທັງໝົດ 51.737.105.920 ກີບ. ສົມທຽບແຜນປີ 47.03%, ດ້ານຂະແໜງການກວດກາຄົນເຂົ້າ-ອອກຜ່ານດ່ານຕະຫຼອດໄລຍະ 06 ເດືອນຜ່ານມາດ່ານສາກົນພູເກືອໄດ້ເອົາໃຈໃສ່ໃນການອໍານວຍຄວາມສະດວກຕໍ່ການເຂົ້າ-ອອກດ່ານຢ່າງເຂັ້ມງວດ, 06 ເດືອນຜ່ານມາມີຜູ້ມາໃຊ້ບໍລິການຜ່ານເຂົ້າ-ອອກດ່ານທັງໝົດມີ 133.859 ຄົນ; ຄົນແຈ້ງເຂົ້າເມືອງທັງໝົດມີ 65.529 ຄົນ, ຍິງ 13.447 ຄົນ,ເດັກ 2.941 ຄົນ ລວມມີ 45 ສັນຊາດ - ຄົນແຈ້ງອອກເມືອງທັງໝົດມີ 66.330 ຄົນ, ຍິງ 13.394 ຄົນ, ເດັກ 2.687 ຄົນລວມມີ 51 ສັນຊາດ ສ່ວນພາຫານະເຂົ້າ-ອອກຜ່ານດ່ານທັງໝົດ 83.198 ຖ້ຽວ/ຄັນ, ມີ 3 ສັນຊາດ, ໃນນັ້ນ ພາຫານະແຈ້ງເຂົ້າເມືອງມີ 42.811 ຄັນ/ຖ້ຽວ; ພາຫານະແຈ້ງອອກເມືອງມີ 40.387 ຄັນ/ຖ້ຽວ;

ຂ່າວ: ມະນີວອນ