ສູນການສຶກສານອກໂຮງຮຽນ ອຸດົມໄຊ ຈັດກິດຈະກຳຖາມ-ຕອບວິທະຍາສາດ

ພິທີເປີດກິດຈະກໍາຖາມ-ຕອບຄໍາຖາມວິທະຍາສາດປະຈໍາສົກປີ 2018-2019 ຂອງສູນການສຶກສານອກໂຮງຮຽນແຂວງ ອຸດົມໄຊ ໄດ້ຈັດຂຶ້ນໃນຕອນເຊົ້າ ວັນທີ 11 ເມສາ 2019 ທີ່ສູນດັ່ງ ກ່າວ ໂດຍການເປັນປະທານຂອງ ທ່ານ ລຸນສະຫວັດ ຮອງອຳນວຍ ການສູນການສຶກສານອກໂຮງ ຮຽນ, ມີຕາງໜ້າຈາກພະແນກສຶກສາທິການ ແລະກີລາແຂວງ, ບັນດາໂຮງຮຽນອ້ອມຂ້າງ, ພະນັກ ງານອາຈານ ແລະນັກສຶກສາພາຍ ໃນສູນດັ່ງກ່າວເຂົ້າຮ່ວມ.

ການຈັດກິດຈະກໍາໃນຄັ້ງນີ້ກໍ ເພື່ອເປັນການປະເມີນຄືນຜົນການ ຮຽນຂອງນັກສຶກສາແຕ່ລະຊັ້ນ ແຕ່ລະສາຍ, ຜົນການສອນຂອງ ອາຈານທັງເປັນການທົດສອບຄວາມຮູ້, ຄວາມສາມາດ, ຄວາມກ້າຫານ, ກ້າສະແດງອອກພາຍຫຼັງ ທີ່ໄດ້ຈັດຕັ້ງປະຕິບັດການຮຽນ- ການສອນ ມາໄດ້ເກືອບ 1 ສົກຮຽນ. ການຖາມຕອບໃນຄັ້ງນີ້ມີທັງໝົດ 2 ສາຍຄື ສາຍວັດທະນະທຳ ແລະ ສາຍພາສາຕ່າງປະເທດໃນນັ້ນ ສາຍວັດທະນະທຳປະກອບມີຊັ້ນ ມ.5, ມ.6 ແລະຊັ້ນ ມ.7 ສ່ວນ ສາຍພາສາຕ່າງປະເທດມີ 2 ຫ້ອງຄືຫ້ອງພາສາຫວຽດນາມ ແລະຫ້ອງພາສາອັງກິດ ຊຶ່ງຮູບແບບ ການຖາມຕອບແມ່ນຕອບເປັນແຕ່ລະຊັ້ນ ໂດຍກຳນົດເອົາຄຳຖາມວິ ຊາສະເພາະຂອງຊັ້ນຮຽນຕົນເອງ ຈຳນວນ 3 ຄຳຖາມ ແລະຄໍາຖາມ ຄວາມຮູ້ຮອບຕົວ 2 ຄຳຖາມຈາກນັ້ນຈຶ່ງຄັດເລືອກເອົາຊັ້ນ ແລະຫ້ອງທີ່ມີຄະແນນດີຈັດເປັນແຕ່ລະລຳດັບ. ຜ່ານການຖາມຕອບຕົວຈິງຜົນປະກົດວ່າຫ້ອງທີຍາດໄດ້ປະເພດທີ່ 1 ໄດ້ແກ່ສາຍພາສາຕ່າງປະເທດຫ້ອງພາສາອັງກິດ, ປະເພດ 2 ຫ້ອງພາສາຫວຽດນາມແລະປະເພດທີ 3 ໄດ້ແກ່ຊັ້ນ ມ.5.

ໂອກາດດັ່ງກາວຕາງໜ້າພະ ແນກສຶກສາທິການ ແລະກີລາແຂວງພ້ອມດ້ວຍຮອງອໍານວຍ ການສຶກສານອກໂຮງຮຽນແຂວງອຸດົມໄຊ ໄດ້ພັດປ່ຽນກັນຂຶ້ນມອບຂອງຂວັນ ແລະລາງວັນໃຫ້ແກ່ນັກສຶກສາແຕ່ລະປະເພດລວມທັງລາງ ວັນຊົມເຊີຍຕື່ມອີກ.

ໂດຍ: ຄານມະນີ

 

แชร์