ມສ ເທສະບານແຂວງອຸດົມໄຊ ຮັບໃບຢັ້ງຢືນ ໜ່ວຍພັກປອດໃສເຂັ້ມແຂງ

ເມື່ອບໍ່ດົນມານີ້ ທີ່ສະໂມ ສອນຂອງໂຮງຮຽນ ມສ ແຂວງ ອຸດົມໄຊ ໄດ້ມີພິທີມອບໃບຢັ້ງຢືນໜ່ວຍພັກປອດໃສແຂງແຮງໜັກແໜ້ນພາຍໃຕ້ການເປັນປະທານຂອງສະຫາຍຄໍາມ່ວນໄຊບຸນເຮືອງ ເລຂາໜ່ວຍພັກໂຮງຮຽນ, ມີສະຫາຍ ສົມສະນິດ ສຸດທິວົງ ຄະນະພັກຮາກຖານພະແນກສຶກສາທິການ ແລະກີລາແຂວງ, ມີວິຊາການຈາກ ຄະນະຈັດຕັ້ງແຂວງ, ບັນດາເລຂາ, ຮອງເລຄາໜ່ວຍພັກອ້ອມຂ້າງຕະຫຼອດຮອດສະມາຊິກພັກພາຍໃນໂຮງຮຽນເຂົ້າຮ່ວມ.

ໜ່ວຍພັກໂຮງຮຽນ ມສ ແຂວງ ເປັນໜ່ວຍພັກທີ່ຂຶ້ນກັບຄະນະພັກຮາກຖານພະແນກສຶກສາທິການ ແລະກີລາແຂວງມີສະມາຊິກພັກທັງ ໝົດ 65 ສະຫາຍ, ຍິງ 39 ສະຫາຍລະດັບວິຊາສະເພາະຊັ້ນກາງ 3 ສະຫາຍ, ຊັ້ນສູງ 25 ສະຫາຍ, ປະ ລິນຍາຕີ 57 ສະຫາຍ ແລະປະລິນໂທ 3 ສະຫາຍຍິງ 1 ສະຫາຍ ມີລະ ດັບທິດສະດີລະດັບບໍາລຸງ 6 ສະ ຫາຍ ຍິງ 5 ສະຫາຍ ຊັ້ນຕົ້ນ 27 ສະຫາຍຍິງ 7 ສະຫາຍ, ຊັ້ນກາງ 3 ສະຫາຍ, ຍິງ 2 ສະຫາຍ.

ໃນພິທີໄດ້ຮັບຟັງການຜ່ານບົດ ສະຫຼຸບການຈັດຕັ້ງປະຕິບັດວຽກງານໃນ1 ປີຜ່ານມາ ຊຶ່ງມີບັນດາສະມາຊິກສອນດີ-ສອນເກັ່ງ 65% ແລະຈາກການປະເມີນ, ມີສະມາ ຊິກໄດ້ດີເລີດ 80% ດັ່ງນັ້້ນ, ທາງຄະນະປະຈໍາພັກແຂວງຈິ່ງໄດ້ຕົກ ລົງມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ໜ່ວຍພັກໂຮງຮຽນ ມສ ແຂວງ ຊຶ່ງຕ່າງ ໜ້າມອບໂດຍສະຫາຍ ສົມສະນິດ ສຸດທິວົງຄະນະພັກຮາກຖານພະ ແນກສຶກສາທິການ ແລະກີລາ ແລະ ຂຶ້ນຮັບໂດຍສະຫາຍ ຄໍາມ່ວນ ໄຊບຸນເຮືອງ ເລຂາໜ່ວຍພັກໂຮງຮຽນ ມສ ແຂວງ.

ໂອກາດດັ່ງກ່າວສະຫາຍຄະນະ ພັກຮາກຖານພະແນກກໍໄດ້ມີຄໍາຄິດ ຄໍາເຫັນຍ້ອງຍໍຊົມເຊີຍຜົນງານ ຂອງບັນດາສະມາຊິກພັກທີຍາດມາ ໄດ້ຕະຫຼອດໄລຍະ 1 ປີທີ່ຜ່ານມາ. ພ້ອມດຽວກັນນັ້ນສະຫາຍກໍຍັງໄດ້ ເໜັ້ນໜັກບາງບັນຫາໃຫ້ສະມາຊິກ ພັກທຸກຄົນນໍາໄປຈັດຕັ້ງປະຕິບັດ ໂດຍສະເພາະແມ່ນບັນຫາທາງດານ ການເມືອງແນວຄິດ, ທັດສະນະຫຼັກ ໝັ້ນ, ການຂະຫຍາຍສະມາຊິກໃໝ່ ໃຫ້ເໝາະສົມກັບມາດຖານເງື່ອນ ໄຂ ແລະບັນຫາຄວາມສາມັກຄີ ເພື່ອພ້ອມກັນຮັກສາມູນເຊື້ອກາຍເປັນໜ່ວຍພັກປອດໃສເຂັ້ມແຂງ ໜັກແໜ້ນໄວ້ຕະຫຼອດໄປ.

ນສພ ເສດຖະກິດ-ສັງຄົມ

แชร์