ຄໍາມ່ວນ-ສະຫວັນນະເຂດຈັດງານ ພົບປະຊາວໜຸ່ມ

ເພື່ອເປັນການຫວນຄືນມູນ ເຊື້ອເມືອງວິລະຊົນຕົ້ນກໍາເນີດການປະຕິວັດລະຫວ່າງ 2  ແຂວງຄໍາ ມ່ວນ ແລະສະຫວັນນະເຂດ ກໍ່ຄື ເມືອງບົວລະພາ-ເມືອງວິລະບູລີ ທີ່ມີມູນເຊື້ອການຕໍ່ສູ້ຢ່າງພິລະອາດ ຫານໃນການປົດປ່ອຍປະເທດຊາດອອກຈາກແອກປົກຄອງຂອງພວກ ຈັກກະພັດຕ່າງດ້າວມາຮຸກຮານ ອັນໄດ້ເຮັດໃຫ້ພໍ່ແມ່ປະຊາຊົນ, ຊາວໜຸ່ມ-ເຍົາວະຊົນໄດ້ເສຍຊີວິດຢ່າງຫຼວງຫຼາຍຈົນກາຍເປັນເມືອງວິລະ ຊົນຕົ້ນກໍາເນີດຂອງການປະຕິວັດ; ໃນລະຫວ່າງວັນທີ 1-3  ເມສາ ຜ່ານມາ ຄະນະບໍລິຫານງານຊາວໜຸ່ມ ແຂວງຄໍາມ່ວນ ໄດ້ຈັດຂະບວນຄາ ຣາວານຫວນຄືນສູ່ເມືອງວິລະຊົນ ຕົ້ນກໍາເນີດການປະຕິວັດເພື່ອຄໍານັບຮັບຕ້ອນວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ຄົບຮອບ 64 ປີ, ຊົມເຊີຍວັນສ້າງຕັ້ງກອງ ທັບປະຊາຊົນລາວ ຄົບຮອບ 70 ປີ ແລະງານພົບປະຊາວໜຸ່ມ 2 ແຂວງ ຄໍາມ່ວນ-ສະຫວັນນະເຂດ ຄັ້ງທີ III ທີ່ ເມືອງວິລະບູລີ ຊຶ່ງນໍາຂະບວນ ໂດຍສະຫາຍ ນາງ  ວົງພະຈັນ ສີບຸນ ເຮືອງ ເລຂາຄະນະບໍລິຫານງານ ຊາວໜຸ່ມແຂວງຄຳມ່ວນພ້ອມດ້ວຍບັນດາສະຫາຍຄະນະບໍລິຫານງານ ຊາວໜຸ່ມເມືອງ, ຄະນະຮາກຖານ-ໜ່ວຍຊາວໜຸ່ມອ້ອມຂ້າງແຂວງ ພ້ອມດ້ວຍສະມາຊິກຊາວໜຸ່ມເຂົ້າ ຮ່ວມ.

ຂະບວນຄາຣາວານໄດ້ເດີນທາງອອກຈາກເມືອງທ່າແຂກມຸ່ງໜ້າໄປສູ່ເມືອງວິລະບູລີແຂວງສະຫວັນ ນະເຂດ  ໂດຍໃຊ້ເສັ້ນທາງເລກທີ 12 ຊຶ່ງຜ່ານ 3 ຕົວເມືອງຂອງແຂວງ ຄໍາມ່ວນຄື: ເມືອງທ່າແຂກ, ເມືອງ ມະຫາໄຊ ແລະເມືອງບົວລະພາ ໄລຍະທາງ 180 ກິໂລແມັດ ຊຶ່ງການ ເດີນທາງຂອງຂະບວນຄາຣາວານ ຊາວໜຸ່ມຄັ້ງນີ້ໄດ້ມີການຕ້ອນຮັບ ຢ່າງອົບອຸ່ນຈາກສະມາຊິກຊາວ ໜຸ່ມ-ເຍົາວະຊົນຢູ່ 4 ຈຸດຄື: ໂຮງຮຽນ ມສ ມະຫາໄຊ, ໂຮງຮຽນ ມຕນານ້ອຍ, ໂຮງຮຽນ ມຕ ຕາຫຼອງແລະຂະບວນການນໍາຂອງເມືອງ ວິລະບູລີ; ຈາກນັ້ນ, ຄະນະບໍລິຫານງານຊາວໜຸ່ມທັງສອງແຂວງກໍ່ໄດ້ສ້າງຂະບວນການແຂ່ງຂັນກີລາບານເຕະມິດຕະພາບເພື່ອເປັນການ ສ້າງຄວາມສາມັກຄີລະຫວ່າງຄະ ນະຊາວໜຸ່ມທັງສອງແຂວງໃຫ້ມີ ຄວາມຮັດແໜ້ນ ແລະຍືນຍົງ.

ພິທີພົບປະຄະນະຊາວໜຸ່ມທັງສອງແຂວງຄັ້ງນີ້ທັງສອງຝ່າຍໄດ້ຜັດປ່ຽນກັນຂຶ້ນລາຍງານສະພາບການເຄື່ອນໄຫວວຽກງານຊາວ ໜຸ່ມ-ເຍົາວະຊົນຂອງຕົນໂດຍ ລວມເຖິງສະພາບການເຄື່ອນໄຫວ ການພັດທະນາຊາວໜຸ່ມ-ເຍົາວະ ຊົນ, ການຈັດຕັ້ງປະຕິບັດເນື້ອໃນຂໍ້ ແຂ່ງຂັນ 4 ບຸກ ຂອງຊາວໜຸ່ມ ແລະເນື້ອໃນຂໍ້ແຂ່ງຂັນ 3 ດີ 4 ຮູ້ຂອງເຍົາວະຊົນທັນວາເພື່ອພ້ອມກັນແລກ ປ່ຽນບົດຮຽນ, ປະກອບຄໍາຄິດເຫັນ ເພື່ອນໍາໄປພັດທະນາສູ່ຂົງເຂດຕົນ ໃຫ້ມີຄວາມກ້າວໜ້າຂຶ້ນໄປເລື່ອຍໆ; ຈາກນັ້ນຄະນະບໍລິຫານງານຊາວ ໜຸ່ມແຂວງໄດ້ມອບເຄື່ອງນຸ່ງຫົ່ມ ພ້ອມດ້ວຍເຄື່ອງອຸປະໂພກ ແລະບໍລິໂພກຈໍານວນໜຶ່ງໃຫ້ແກ່ຄະນະບໍລິຫານງານຊາວໜຸ່ມແຂວງສະ ຫວັນນະເຂດ ເພື່ອນໍາໄປມອບໃຫ້ແກ່ ທະຫານຊາຍແດນກໍ່ຄືພໍ່ແມ່ປະຊາ ຊົນໃນເຂດຫ່າງໄກສອກຫຼີກ. ໂອ ກາດດຽວກັນນີ້ຂະບວນຄາຣາວານ ຍັງໄດ້ເດີນທາງໄປຢ້ຽມຊົມຖໍ້າ ຕ່າງໆທີ່ເປັນສະຖານທີ່ສໍາຄັນທາງ ປະຫວັດສາດຂອງຊາດໃນສະໄໝຕໍ່ ສູ້ປົດປ່ອຍປະເທດຊາດ. 

ຈາກນັ້ນ, ຂະບວນຄາຣາວານ ໄດ້ເດີນທາງກັບສູ່ເມືອງບົວລະພາ ເພື່ອເຂົ້າຮ່ວມພິທີປາຖະກະຖາເລົ່າມູນເຊື້ອຫວນຄືນປະຕິວັດເມືອງວິ ລະຊົນຢູ່ທີ່ສະໂມສອນຂອງເມືອງ ເຊິ່ງເປັນກຽດເຂົ້າຮ່ວມໃນພິທີໂດຍ ທ່ານ ຄໍາໄຊ ຕາງນະວົງ ຮອງເຈົ້າເມືອງໆບົວລະພາ, ສະຫາຍ ນາງ ວົງພະຈັນ ສີບຸນເຮືອງ ເລຂາຄະ ນະບໍລິຫານງານຊາວໜຸ່ມແຂວງ, ທ່ານ ຮັຕ ຄໍາເຟືອງ ວົງດາລາ ຮອງປະທານສະຫະພັນນັກຮົບເກົ່າເມືອງມີບັນດາການນໍາຂັ້ນ ເມືອງ,  ຄະນະບໍລິຫານງານຊາວໜຸ່ມ ແຂວງ, ຄະນະບໍລິຫານງານຊາວ ໜຸ່ມເມືອງພ້ອມດ້ວຍສະມາຊິກ ຊາວໜຸ່ມເຂົ້າຮ່ວມ.

ທ່ານ ຮັຕ ຄໍາເຟືອງ  ວົງດາລາ  ຮອງປະທານສະຫະພັນນັກຮົບເກົ່າເມືອງ ໄດ້ຂຶ້ນເລົ່າມູນເຊື້ອການປະ ຕິວັດ, ການຕໍ່ສູ້ຢ່າງອົງອາດກ້າ ຫານຂອງກໍາລັງປະກອບອາວຸດ, ພໍ່ແມ່ປະຊາຊົນ, ຊາວໜຸ່ມ- ເຍົາວະຊົນທີ່ມີນໍ້າໃຈຮັກເຊື້ອແພງຊາດຕໍ່ສູ້ຢ່າງເດັດດ່ຽວບໍ່ຍອມຈໍານົນຕໍ່ສັດຕູຕໍ່ກັບການເຄື່ອນໄຫວຫວນຄືນປະຫວັດສາດເມືອງວິລະຊົນ ທີ່ເມືອງບົວລະພາຄັ້ງນີ້ຄະນະບໍລິ ຫານງານຊາວໜຸ່ມແຂວງຄໍາມ່ວນ ໄດ້ມອບເຄື່ອງຊ່ວຍເຫຼືອຈໍານວນ ໜື່ງໃຫ້ທະຫານຊາຍແດນ 316 ພ້ອມມອບຂອງຂວັນໃຫ້ແກ່ການນໍາ ຂອງເມືອງແລະມອບເງິນຈໍານວນ 50 ລ້ານດົ້ງ ໃຫ້ກັບການນໍາຂັ້ນເມືອງເພື່ອນໍາໄປເປັນທືນປຸກສ້າງ ໂຮງຮຽນປະຖົມໜອງກຸ້ງເຂດຈຸດສຸ່ມຈະແລດໃຫ້ເປັນໂຮງຮຽນມິດ ຕະພາບຄໍາມ່ວນ-ກວາງຫງາຍໃນ ອານາຄົດ.

ການຫວນຄືນມູນເຊື້ອເມືອງວິລະຊົນຕົ້ນກໍາເນີດປະຫວັດສາດໃນຄັ້ງນີ້ແມ່ນເປັນການລະນຶກເຖີງ ບຸນຄຸນ ແລະຄຸນງາມຄວາມດີທີ່ບັນພະບູລຸດລາວເຮົາໄດ້ສ້າງໄວ້ໃຫ້ກັບຮຸ້ນສືບທອດ ໂດຍສະເພາະແມ່ນມູນເຊື້ອຕໍ່ສູ້ອັນພິລະອາດຫານບໍ່ຍອມ ຈໍານົນຕໍ່ສັດຕູຜູ້ຮຸກຮານ, ກ້າເສຍ ສະຫຼະເລືອດເນື້ອເພື່ອປົກປ້ອງປິຕຸພູມຂອງຕົນຈົນສາມາດຍາດເອົາເອກະລາດມາມືສະຖາປະນາເປັນ ປະເທດ ສຊປປລ ໃນປະຈຸບັນ.

ໂດຍ: ກັນຍາ

แชร์