ນ້ຳຖ້ວມຢູ່ ບຣາຊິນ ມີຜູ້ເສຍຊີວິດຢ່າງໜ້ອຍ 143 ຄົນ

ວິທະຍຸ ກະຈາຍສຽງ ແຫ່ງຊາດ ຫວຽດນາມ, ເກີດຝົນຕົກແຮງ ເຮັດໃຫ້ເກີດນ້ຳຖ້ວມ ຢ່າງໜັກໜ່ວງ ຢູ່ລັດທາງໃຕ້ສຸດຂອງ ບຣາຊິນ ໂດຍສະເພາະລັດ ຣີໂອ ແກຣນ ໂດຊູລ( Rio Grande do Sul) ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 143 ຄົນ, ສູນຫາຍອີກ 131 ຄົນ ແລະ ປະຊາຊົນ ຫລາຍກ່ວາ 500.000 ຄົນ ບໍ່ມີເຮືອນຢູ່. ອຳນາດ ການປົກຄອງ ສະຫະລັດ ໄດ້ລະດົມ ຈຳນວນ ເງິນ ຫລາຍກ່ວາ 2,3 ຕື້ໂດລາ ສະຫະລັດ ເພື່ອແກ້ໄຂ ຜົນຮ້າຍຢ້ອນຫລັງຈາກໄພພິບັດຢູ່ລັດນີ້. ໃນຂະນະນັ້ນ, ທ້າຍອາທິດ ຜ່ານມາ, ທ່ານ ໂຈໄບເດັນ, ປະທານາທິບໍດີ ສ.ອາເມຣິກາ ໃຫ້ຮູ້ວ່າ: ປັດຈຸບັນ ພວມສົ່ງເຈົ້າໜ້າທີ່ກ່ຽວຂ້ອງ ຂອງ ສ.ອາເມລິກາ ໄປໃຫ້ການຊ່ວຍເຫລືອ ປະຊາຊົນ ບຣາຊິນ ທີ່ໄດ້ຮັບຜົນກະທົບ ຈາກໄພທຳມະຊາດ ໃນຄັ້ງນີ້ ໂດຍສະເພາະ ການສະໜອງ ບັນດາ ເຄື່ອງອຸປະຖຳທີ່ຈຳເປັນ.ຂະນະທີ່, ສະພາບ ຝົນຕົກໜັກ ສືບຕໍ່ເກີດຂຶ້ນ ຢູ່ພາກໃຕ້ ບຣາຊິນ ແລະ ເຮັດໃຫ້ລະດັບນ້ຳ ຢູ່ແມ່ນ້ຳສາຍຕ່າງໆ ອາດຈະເພີ່ມຂຶ້ນສູງ ແລະ ກໍ່ໃຫ້ເກີດ ສະພາບນ້ຳຖ້ວມ, ນ້ຳແກ່ງ ແລະ ດິນເຈື່ອນຕາມາອີກ.

แชร์