ດັດຊະນີລາຄາຖ່ານຫີນໂຄ້ກຂອງຈີນ ຖືກປັບໃຫ້ເໝາະສົມ ເພື່ອເພີ່ມປະສິດທິພາບ ແລະ ສະທ້ອນ ຕະຫຼາດໄດ້ດີຍິ່ງຂຶ້ນ

ໃນວັນທີ 16 ເມສາ ຜ່ານມາ, ວຽກງານດັດແກ້ ແລະ ປັບປຸງດັດຊະນີລາຄາຖ່ານຫີນໂຄ້ກຂອງຈີນ ໂດຍຊິນຫົວ ຊຶ່ງໄດ້ລວບລວມໂດຍສູນຕິດຕາມລາຄາຂອງຄະນະກຳມະການພັດທະນາ ແລະ ປະຕິຮູບແຫ່ງຊາດ ແລະ ບໍລິການຂໍ້ມູນຂ່າວສານເສດຖະກິດຈີນ (CEIS) ຂອງສຳນັກຂ່າວຊິນຫົວ ໄດ້ປະສົບຜົນສຳເລັດຢ່າງດີ.

ການເພີ່ມປະສິດທິພາບຂອງດັດຊະນີດັ່ງກ່າວແມ່ນແນໃສ່ເພີ່ມຄວາມເປັນວິທະຍາສາດ, ຄວາມຖືກຕ້ອງ, ຄວາມລະອຽດອ່ອນຂອງດັດຊະນີ ແລະ ແຫຼ່ງອ້າງອີງສັນຍານລາຄາທີ່ຖືກຕ້ອງຍິ່ງຂຶ້ນໃຫ້ແກ່ຕະຫຼາດ, ວິສາຫະກິດ ແລະ ພາກສ່ວນລັດຖະບານ.

ການເພີ່ມປະສິດທິພາບດັດຊະນີລາຄາໃນຄັ້ງນີ້ແມ່ນອີງໃສ່ການເສີມສ້າງ ແລະ ການປັບປຸງແຫຼ່ງຂໍ້ມູນ ຊຶ່ງສ່ວນໃຫຍ່ແມ່ນໄດ້ມາຈາກຂໍ້ມູນສັນຍາຂອງພື້ນຖານການຄ້າ ອີ-ຄອມເມີສ "ໂຄ້ກກີ້ງ ໂຄ້ກອອນໄລ" ຂອງ ສູນການຄ້າຖ່ານຫີນ ແລະ ຖ່ານໂຄ້ກນາໆຊາດ ຊານຊີ (Shanxi Coking Coal & Coke International Trading Center), ໃນດ້ານໜຶ່ງ ດັດຊະນີທີ່ປັບປຸງໃໝ່ດັ່ງກ່າວ ລາຄາຖ່ານຫີນໂຄ້ກລະດັບຊາດ ສາມາດສະທ້ອນໃຫ້ເຫັນສັນຍາໄລຍະກາງ ແລະ ໄລຍະຍາວ, ການຊຸກຍູ້ການຮັກສາສະຖຽນລະພາບຂອງຕະຫຼາດຖ່ານຫີນໂຄ້ກ, ໃນອີກດ້ານໜຶ່ງ, ດັດຊະນີດັ່ງກ່າວກໍສາມາດສະທ້ອນເຖິງການເໜັງຕີງຢ່າງໄວວາຂອງຕະຫຼາດໄດ້ຢ່າງລະອຽດອ່ອນ, ໂດຍມີບົດບາດເປັນສັນຍານລາຄາສໍາລັບຕະຫຼາດ.
ໃນລະຫວ່າງການທົດລອງນຳໃຊ້, ດັດຊະນີດັ່ງກ່າວຈະສາມາດສະທ້ອນຂໍ້ມູນຕະຫຼາດໄດ້ຢ່າງມີປະສິດທິພາບ, ທັນເວລາ ແລະ ຖືກຕ້ອງ ເນື່ອງຈາກວ່າໂດຍພື້ນຖານແລ້ວ ການເໜັງຕີງຂອງດັດຊະນີຍັງຄົງສອດຄ່ອງກັບທ່າອ່ຽງຂອງລາຄາຕະຫຼາດ ແລະ ດັດຊະນີການສະເໜີລາຄາຈະຕອບສະໜອງຕໍ່ການປ່ຽນແປງຂອງລາຄາຕະຫຼາດໄວກວ່າດັດຊະນີອື່ນໆເລັກນ້ອຍໃນບາງໄລຍະເວລາ, ການເພີ່ມປະສິດທິພາບດັດຊະນີແມ່ນເປັນການປັບປຸງນ້ໍາໜັກຂອງດັດຊະນີໃນປະຈຸບັນ ແລະ ການປັບປຸງອົງປະກອບຕົວຢ່າງ, ການອອກແບບດັດຊະນີການສະເໜີລາຄາໃໝ່ເພື່ອໃຫ້ ເໝາະສົມກັບຄວາມຕ້ອງການຂອງຕະຫຼາດ ແລະ ປັບປຸງລະບົບຜະລິດຕະພັນດັດສະນີໃຫ້ດີຂຶ້ນ, ນອກຈາກນີ້ຍັງປັບເວລາການເຜີຍແຜ່ຈາກມື້ວັນພຸດເປັນມື້ວັນສຸກດ້ວຍ.

(ຮຽບຮຽງໂດຍ Yang Yifan ກັບ Xinhua Silk Road, yangyifan@xinhua.org)

แชร์