ໄດ້ຮັບທິດສົ່ງເສີມພັກ-ລັດ ໂຊກມຸງຄຸນ ເຕີບໃຫຍ່ຄຽງຄູ່ເຮັດທຸລະກິດປະສິດຕິພາບ

ຈາກທິດຊີ້ນຳພາຂອງພັກ-ລັດໂດຍສະເພາະນະໂຍບາຍໃນເລື່ອງຂອງການຮ່ວມມືລັດ ແລະທຸລະກິດ ເປັນສິ່ງສຳຄັນຂອງການພັດທະນາປະເທດຊາດໃນ ບໍລິສັດ ໂຊກມຸງຄຸນ ການຄ້າ ແລະການລົງທຶນ ຈຳກັດຜູ້ດຽວເປັນບໍລິສັດຖືວ່າຢູ່ລະດັບແຖວໜ້າຂອງລາວທີ່ມີປະສົບການຫຼາຍປີ ແລະຮັບຄວາມເຊື່ອໝັ່ນລູກຄ້າ.

ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 69 ປີ (22/3/1955-22/3/2024) ທີ່ຈະມາເຖິງນີ້, ທ່ານ ນາງ ວຽງຄອນ ສິດສຸວົງ ໃນນາມເປັນຄົນລາວຜູ້ໜຶ່ງຮູ້ສຶກມີກຽດ ແລະພາກພູມໃຈເປັນຢ່າງຍິ່ງທີ່ໄດ້ເກີດເປັນຄົນລາວທີ່ມີມູນເຊື້ອອັນອົງອາດກ້າແກ່ນບໍ່ຍອມຈໍານົນຕໍ່ຊາດອື່ນພວກເຮົາມີບັນພະບູລຸດຂອງຊາດລາວ ແລະມີພັກປະຊາຊົນປະຕິວັດລາວນໍາພາຕໍ່ສູ້ກູ້ຊາດຈົນສາມາດປົດປ່ອຍປະເທດຊາດ ອອກຈາກແອກປົກຄອງຂອງພວກລ່າເມືອງຂຶ້ນ ແລະ ສະໝຸນບໍລິວານຂອງພວກເຂົາໄດ້ຢ່າງສົມບູນ ແລະ ສະຖາປະນາປະເທດຊາດເປັນສາທາລະນະລັດ ປະຊາທິປະໄຕ ປະຊາຊົນລາວ ຢ່າງສະຫງ່າອົງອາດ ພັກປະຊາຊົນປະຕິວັດລາວໄດ້ນໍາພາປວງຊົນລາວທັງຊາດປົກປັກຮັກສາ ແລະສ້າງສາພັດທະນາປະເທດຊາດ ໃຫ້ປະຊາຊົນມີຄວາມຢູ່ເຢັນເປັນສຸກ,ປະເທດຊາດມີຄວາມຈະເລີນມາເປັນກ້າວໆ ຈົນເທົ່າທຸກວັນນີ້ ແລະຕໍ່ໆໄປ.

ຂ້າພະເຈົ້າຂໍອວຍໄຊໃຫ້ພອນມາຍັງການນໍາພັກ-ລັດ ຈົ່ງມີສຸຂະພາບພະລານາໄມເຂັ້ມແຂງສືບຕໍ່ນໍາພາປະເທດຊາດໄປເຖິງຈຸດໝາຍແຫ່ງສັງຄົມນິຍົມຕາມເປົ້າໝາຍທີ່ຕັ້ງໄວ້. ຂໍອວຍໄຊໃຫ້ພອນມາຍັງພະນັກງານ, ທະຫານ, ຕໍາຫຼວດ ແລະ ພີ່ນ້ອງຮ່ວມເຊື້ອຊາດລາວທຸກເຜົ່າຊົນທັງພາຍໃນ ແລະຕ່າງປະເທດທີ່ຮັກເຊື້ອແພງຊາດຈົ່ງປະສົບແຕ່ຄວາມສຸກກາຍສະບາຍໃຈອາຍຸໝັ້ນຂວັນຍືນຈະເລີນກ້າວໜ້າໃນການປະກອບສຳມາອາຊີບຂອງແຕ່ລະທ່ານດ້ວຍຄວາມຜາສຸກສະບາຍດີຕະຫຼອດໄປ.

ສຳລັບບໍລິສັດ ໂຊກມຸງຄຸນ ການຄ້າ ແລະການລົງທຶນ ຈຳກັດຜູ້ດຽວ ໄດ້ຮັບການສ້າງຕັ້ງຂື້ນຢ່າງເປັນທາງການໃນວັນ ທີ 22 ຕຸລາ 2020 ມາຮອດປັດຈຸບັນບໍລິສັດແມ່ນມີອາຍຸຄົບຮອບ 3 ປີ,ໃນໄລຍະເບື້ອງຕົ້ນບໍລິສັດໄດ້ຮັບເໝົາໂຄງການກໍ່ສ້າງເສັ້ນທາງຫຼາຍເສັ້ນໃຫ້ແກ່ກອງທັບເຊັ່ນວ່າ: ໂຄງການສ້ອມແປງປັບປຸງເສັ້ນທາງກອງພັນ ແລະ ສະໜາມຫັດແອບຍິງປືນ, ໄລຍະຕໍ່ມາແມ່ນໄດ້ຈັດຊື້ຜະລິດຕະພັນໃຫ້ກົມບໍລິໂພກ-ອຸປະໂພກ ກະຊວງປ້ອງກັນປະເທດ ແລະໄດ້ເປີດກ້ວາງຂະຫຍາຍຕາໜ່າງທຸລະກິດໃນຂອບເຂດທົ່ວປະເທດໂດຍສະເພາະແມ່ນຮັບເໜົາໂຄງການກໍ່ສ້າງພື້ນຖານໂຄງລ່າງ ແລະເຄຫາສະຖານ, ປະຈຸບັນບໍລິສັດມີພະນັກງານຫລາຍກວ່າ 100 ຄົນໃນປີ 2020, ເພື່ອຮອງຮັບການເຕີບໃຫ່ຍຂະຫຍາຍຕົວຂອງທຸລະກິດໃນສະເພາະໜ້າ ແລະຍາວນານ.

แชร์