ປີ 2024 ສກຈຮ ຈໍາປາສັກ ກໍານົດ 3 ເສົາຄໍ້າຍຸດທະສາດ ເພື່ອກະຕຸ້ນທຸລະກິດ

ທ່ານ ຫນູເຄືອບ ສິດທິເດດ ຜູ້ນວຍການສະຖາບັນການເງິນຈຸລະພາກທີ່ຮັບເງິນຝາກ ຈໍາປາສັກ ຈໍາກັດ ໄດ້ເປີດເຜີຍໃຫ້ຮູ້ເມື່ອບໍ່ດົນມານີ້ວ່າ: ໃນສະພາບການທີ່ຍັງມີວິກິດເສດຖະກິດຢ່າງເຄັ່ງຮ້ອນການເພີ່ມຂຶ້ນຂອງຄູ່ແຂ່ງທັງໃນຮູບແບບຂອງສະຖາບັນການເງິນ ແລະ ທະນາຄານທີ່ໃຊ້ຍຸດທະວິທີຫລາກຫລາຍໃນການຊ່ວງຊິງເອົາສ່ວນແບ່ງຂອງຕະຫລາດໄປເປັນຂອງຕົນໃຫ້ໄດ້ຫລາຍທີ່ສຸດ.

ສະນັ້ນສະຖາບັນພວກເຮົາແມ່ນຕ້ອງໄດ້ປະເຊີນຫນ້າກັບຄວາມທ້າທາຍຫລາຍຮູບແບບ, ທັງທີ່ເຄີຍພົບພໍ້ ແລະບໍ່ເຄີຍພົບພໍ້ມາກ່ອນສະນັ້ນເພື່ອເຮັດໃຫ້ການດໍາເນີນງານຂອງເຮົາເດີນໄປຕາມແນວທາງເພື່ອບັນລຸເປົ້າຫມາຍທີ່ຕັ້ງໄວ້ພວກເຮົາໄດ້ວາງແຜນປະຕິບັດງານດ້ວຍ 3 ເສົາຄໍ້າທີ່ສໍາຄັນ. ອັນທີ 1 ແມ່ນເຂົ້າໃຈໂລກກໍ່ຄືການເຂົ້າໃຈສະພາບການຂອງໂຂງເຂດ, ຕົວແທນ ແລະລູກຄ້າທີ່ເຮົາພົວພັນນໍາເພື່ອຈະຫາວິທີຕອບສະຫນອງສະຫນອງຄວາມຕ້ອງການການບໍລິການທາງດ້ານການເງິນຂອງເຂົາເຈົ້າ; 2 ເຮົາຕ້ອງເຮັດໃຫ້ທຸກຈຸດຂອງການບໍລິການທາງການເງິນຂອງເຮົາ ມີຊ່ອງທາງທີ່ເຂົ້າເຖິງງ່າຍຄື: ການສອບຖາມໄດ້ງ່າຍ, ເຮັດເອກະສານງ່າຍ ແລະ ມີການບໍລິການທີ່ງ່າຍ ເພື່ອເຮັດໃຫ້ລູກຄ້າຜູ້ທີ່ຢູ່ຫ່າງໄກ ສາມາດເຂົ້າເຖິງການບໍລິການທາງການເງິນຂອງພວກເຮົາໄດ້ຢ່າງມີຕົ້ນທຶນຕໍ່າທີ່ສຸດ ແລະ ເສົາຄໍ້າສຸດທ້າຍຄືພວກເຮົາທຸກຄົນໃນຖະນະອົງກອນ ຫລືບຸກຄົນຕ້ອງເປັນຄົນທີ່ຢຶດຫມັ້ນໃນຫລັກການ, ປະຕິບັດຕາມລະບຽບນະໂຍບາຍຢ່າງເຄັ່ງຄັດ, ປະຕິບັດຕໍ່ລູກຄ້າ ແລະ ຄູ່ຮ່ວມທຸລະກິດຢ່າງກົງໄປກົງມາ ຕາມທີ່ໄດ້ຕົກລົງກັນໄວ້ ແລະ ໃນປີ 2024 ພວກເຮົາມີເປົ້າຫມາຍທີ່ຈະບັນລຸຮ່ວມກັນຢູ່ 4 ດ້ານຄື: 1) ລາຍຮັບທັງຫມົດໃຫ້ໄດ້ 130 ຕື້ກີບ; 2) ລາຍຮັບຈາກຜະລິດຕະພັນເງິນກູ້ທີ່ບໍ່ແມ່ນເງິນກູ້ພະນັກງານລັດໃຫ້ໄດ້ 8 ຕື້ກວ່າກີບ; 3) ໃຫ້ໄດ້ລູກຄ້າທັງຫມົດ 26 ພັນຄົນ ແລະ 4 ອັດຕາສ່ວຕົ້ນທຶນຕໍ່ລາຍຮັບບໍ່ເກີນ22.5%. ທ່ານຜູ້ອໍານວຍການໃຫ້ຮູ້ຕື່ມວ່າ: ປະຈຸບັນ ສກຈຮ ຈໍາປາສັກພວກເຮົາມີຜະລິດຕະພັນເງິນກູ້ - ເງິນຝາກ ທີ່ຫລາກຫລາຍຮູບແບບທີ່ເປີດໃຫ້ທຸກພາກສ່ວນສາມາດເຂົ້າເຖິງປຫລ່ງເງິນທຶນໄດ້ຢ່າງເຫມາະສົມຕາມຄວາມຕ້ອງການຂອງເຂົາເຈົ້າ, ບໍ່ວ່າຈະເປັນພາກສ່ວນພະນັກງານລັດຖະກອນໄປຈົນເຖິງປະຊາຊົນທົ່ວໄປທີ່ມີອາຊີບຄ້າຂາຍ, ຊຶ່ງຜະລິດຕະພັນຂອງພວກເຮົາຈະປະກອບມີຄື: ເງິນກູ້ພະນັກງານ, ເງິນກູ້ປະຊາຊົນສໍາລັບຄົນສູ້ຊີວິດ ແລະຜະລິດຕະພັນເງິນຝາກ.

ໂດຍ: ໂພທິລາດ

แชร์