ທຸລະກິດມີລາຍໄດ້ 370 ລ້ານກີບຕໍ່ປີ ຈາກການປູກຝັງ-ລ້ຽງສັດ

ປະຈຸບັນການປູກຝັງລ້ຽງສັດຂາຍເປັນສິນຄ້າ, ແມ່ນທາງເລືອກໜຶ່ງຂອງປະຊາຊົນ ແລະຜູ້ປະກອບການອັນເປັນປັດໄຈໃຫ້ແກ່ການພັດທະນາຊົນນະບົດແກ້ໄຂຄວາມທຸກຍາກ, ເຊີ່ງພັກ-ລັດຖະບານຍາມໃດກໍ່ໄດ້ເອົາໃຈໃສຊຸກຍູ້ສົ່ງເສີມ, ໂດຍຫັນຈາກການຜະລິດເປັນສິນຄ້າ ແບບທໍາມະຊາດໄປສູ່ການຜະລິດເປັນສິນຄ້າ, ໂດຍການນໍາໃຊ້ເຕັດຕິກວິທະຍາສາດເຂົ້າໃນການຜະລິດກໍ່ຄືການປູກຝັງ-ລ້ຽງສັດຂາຍເປັນສິນຄ້າ, ໂດຍປະຕິບັດຕາມແນວທາງນະໂຍບາຍການປ່ຽນແປງໃໝ່ຂອງພັກທີ່ວ່າ: ເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ໂດຍເລີ່ມຈາກຄອບຄົວ ແລະປະຕິບັດຕາມແຜນພັດທະນາແມ່ຍິງເມືອງທັງເປັນການປະຕິບັດເນື້ອໃນຄຳຂວັນຂໍ້ແຂ່ງຂັນ 3 ດີຂອງສູນກາງແມ່ຍິງລາວວາງອອກໃຫ້ເປັນຂະບວນກວ້າງຂວາງ.

ດັ່ງຄອບຄົວຂອງທ່ານ ນາງ ພົມມາ ແສງສຸລິຍາອາຍຸ 31 ປີ ສະມາຊິກສະຫະພັນແມ່ຍິງຢູ່ບ້ານດົງວຽງ ເມືອງວຽງພູຄາ ແຂວງຫຼວງນໍ້າທາ ເຊິ່ງໃນຄອບຄົວມີສະມາຊິກໃນຄອບຄົວທັງໝົດ 7ຄົນ, ມີແຮງງານຕົ້ນຕໍ2 ແຮງງານ, ໃນໄລຍະຜ່ານມາທາງຄອບຄົວແມ່ນມີອາຊີບເປັນຊາວນາ ແລະເຫັນວ່າຄອບຄົວຕົນເອງມີຄວາມຫຍຸ້ງຍາກພຽງແຕ່ກູ້ມຢູ່ກູ້ມກິນ, ລາຍຮັບຍັງຕໍ່າ, ມາຮອດປີ 2014ໄດ້ມີແນວຄິດລິເລີ່ມດ້ວຍຄວາມເຫັນດີເປັນເອກະພາບພາຍໃນຄອບຄົວ, ຄວາມດຸຫມັ່ນຂະຫຍັ່ນພຽນຈິ່ງຕັດສິນໃຈຫັນມາເຮັດການກະເສດ, ປູກຝັງ-ລ້ຽງສັດ ສ້າງລາຍຮັບເຂົ້າໃນຄອບຄົວ, ເປັນຕົ້ນແມ່ນການປູກໝາກແຕງ,ໝາກເຂືອ, ໝາກເພັດ, ສາລີຫວານ, ໝາກນໍ້າເຕົ້າ, ໝາກອຶ, ຜັກຫອມ ແລະ ອື່ນໆຂາຍເປັນອາຊີບເຊິ່ງມີເນື້ອທີ່ການປູກພືດໝູນວຽນ 3.000 ຕາແມັດ ແລະ ລາຍຮັບຈາກການຂາຍສັດລ້ຽງປະເພດງົວ, ໝູ, ສັກປີກ, ມີໜອງປາ 1 ໜອງ, ຂາຍເຂົ້າ, ແລະ ອື່ນໆ,1 ປີ ສ້າງລາຍຮັບໄດ້ທັງໝົດໄດ້ 370 ລ້ານກີບຕໍ່/ປີ, ສ່ວນໃຫຍ່ແມ່ນພໍ່ຄ້າ, ແມ່ຄ້າມາຊື້ເອງຢູ່ກັບສ່ວນ ແລະເອົາສົ່ງໃຫ້ຕະຫຼາດຈໍານວນໜຶ່ງ.

ຜ່ານການຍຶດຖືອາຊີບປູກຝັງລ້ຽງສັດຂາຍເປັນສິນຄ້າເຮັດໃຫ້ຄອບຄົວຂອງທ່ານ ນາງ ພົມມາ ແສງສຸລິຍາ ມີຖານະດີຂຶ້ນກວ່າເກົ່າ, ຊີວິດການເປັນຢູ່ໄດ້ຮັບການປັບປຸງຮອບດ້ານເສດຖະກິດຂອງຄອບຄົວມີບາດກ້າວຂະຫຍາຍຕົວຢາງຕໍ່ເນື່ອງ, ເຊີ່ງທ່ານໄດ້ກາຍເປັນບຸກຄົນ ແລະ ຄອບຄົວແບບຢ່າງທີ່ດີໃຫ້ແກ່ສະມາຊິກສະຫະພັນແມ່ຍິງ ຫຼາຍໆຄອບຄົວພາຍໃນບ້ານໄດ້ຮຽນເອົາປະສົບການ ແລະມູນເຊື້ອອັນດຸໝັ່ນຂະຍັນພຽນຂອງເພີ່ນ ໄປພັດທະນາເສດຖະກິດຄອບຄົວຂອງຕົນໃຫ້ມີຢູ່ມີກິນ ແລະຫຼຸດພົ້ນອອກຈາກຄວາມທຸກຍາກເທື່ອລະກ້າວ, ເຊີ່ງເພີ່ນໄດ້ສູ້ຊົນປະຕິບັດຕາມຄໍາເວົ້າທີ່ວ່າ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໄດ້ປະກົດພົນເປັນຈິງ ອີກຢ່າງໜຶ່ງກໍ່ຍ້ອນເຫັນໄດ້ແນວທາງອັນຖືກຕ້ອງຂອງພັກ-ລັດເຮົາ, ເຊີ່ງຍາມໃດກໍ່ຖືເອົາການປັບປຸງຊີວິດການເປັນຢູ່ຂອງປະຊາຊົນບັນດາເຜົ່ເປັນວຽກຍຸດທະສາດເປັນບັນຫາກົກຕໍ່ເນື່ອງ ແລະສໍາຄັນຕະຫຼອດມາ ຍ້ອນຄວາມດຸໝັ່ນຊື່ສັດ, ປະຢັດ ແລະອົດທົນບວກກັບຄວາມມີຫົວຄິດປະລິດສ້າງໃນການທໍາມາຫາກິນບໍ່ຂັດກັບກົດໝາຍຂອງບ້ານເມືອງກ້າຄິດກ້າເຮັດ ແລະກ້າຕັດສິນໃຈຈິ່ງເຮັດໃຫ້ຄອບຄົວຂອງທ່ານ ນາງ ພົມມາ ແສງສຸລິຍາ ມີພື້ນຖານເສດຖະກິດຄອບຄົວດີຂຶ້ນກວ່າເກົ່າເປັນກ້າວໆ. ປະຈຸບັນຄອບຄົວຂອງ ນາງ ພົມມາ ແສງສຸລິຍາ ມີພາຫະນະຮັບໃຊ້, ມີເຄື່ອງມືທຳການຜະລິດ, ມີເຮືອນ 1 ຫຼັງ, ດີນປູກຢາງພາລາ2 ເຮັກຕາ. ໃນຊຸມປີຕໍ່ໜ້າມີຄາດໝາຍສູ້ຊົນເສດຖະກິດຄອບຄົວໃຫ້ຫຼາຍຂຶ້ນກວ່າເກົ່າຄື: ຂະຫຍາຍເນື້ອທີ່ປູກພືດຜັກຖະກຸນຖົ່ວ, ຕົ້ນໄມ້ໃຫ້ໝາກລ້ຽງສັດ, ຂະຫຍາຍຕົ້ນຢາງພາລາ ເພີ່ມເປັນ 1.500 ຕົ້ນ ແລະລາຍຮັບອື່ນໆອີກ ໃຫ້ໄດ້ 470 ລ້ານກີບ/ປີ ແລະຈະພາຍາຍາມປັບປຸງຖອດຖອນບົດຮຽນນຳຜູ້ອື່ນໄປເລື້ອຍໆ,ຈະສືບຕໍ່ໃນການບົວລະບັດ ປົກປັກຮັກສາເຄື່ອງປູກຝັງ ແລະນຳໃຊ້ເຕັກນິກວິທະຍາສາດເຂົ້າໃນການປູກ, ການລ້ຽງທີ່ມີຢູ່ໃນປະຈຸບັນເພື່ອໃຫ້ຄອບຄົວມີການພັດທະນາດີຂຶ້ນເລື້ອຍໆ.
ໂດຍ: ຄໍາປິງ

แชร์