ຕວັກກີ-ຣັດເຊຍເພີ່ມການຮ່ວມມືດ້ານຄວາມໝັ້ນຄົງ

ວັນທີ 9 ເມສາທີ່ຜ່ານມາ ຜູ້ນໍາຕວັກກີໄດ້ເດີນທາງໄປຢ້ຽມຢາມຣັດເຊຍເປັນຄັ້ງທີ 3 ໃນຮອບ ປີ ເພື່ອຊຸກຍູ້ການຮ່ວມມືກັນດ້ານ ຄວາມໝັ້ນຄົງ.ຕາມຂ່າວຕ່າງປະເທດລາຍ ງານວ່າ ຕວັກກີ ແລະຣັດເຊຍ ຍົກລະດັບການຮ່ວມມືດ້ານເຕັກໂນໂລ ຊີທາງການທະຫານເພື່ອເສີມສ້າງ ຄວາມໝັ້ນຄົງໃຫ້ເຂັ້ມແຂງ ລວມ ທັງການດຳເນີນຕາມສັນຍາລະບົບປ້ອງກັນທາງອາກາດ ເອສ-400 ໃຫ້ສຳເລັດຕາມແຜນຍຸດທະສາດ ດ້ານຄວາມໝັ້ນຄົງທີ່ຕົກລົງຮ່ວມ ກັນໃນກ່ອນໜ້ານີ້ພາຍຫຼັງທ່ານ ວະລາດີເມຍ ປູຕິນ ປະທານາທິບໍ ດີຣັດເຊຍ ໄດ້ພົບປະກັບຜູ້ນໍາຕວັກກີ ທ່ານ ເຣ ເຊບ ເທຍຢິບ ເອີໂດກັນ ເພື່ອປຶກສາຫາລືກ່ຽວກັບການຮ່ວມມືທາງຍຸດທະສາດຂັ້ນຕໍ່ໄປໃຫ້ຫຼາຍຂຶ້ນທັງໃນດ້ານເສດຖະກິດລະດັບພາຄີ ແລະສະຖານະການໃນຊີຣີ.

ທັງນີ້ ການເດີນທາງຢ້ຽມຢາມຂອງຜູ້ນໍາຕວັກກີຄັ້ງນີ້ນັບເປັນຄັ້ງທີ 3 ໃນຮອບປີ ສະທ້ອນໃຫ້ເຫັນເຖິງຄວາມພະຍາຍາມໃນການສົ່ງເສີມຄວາມສຳພັນໃຫ້ແໜ້ນແຟ້ນຍິ່ງຂຶ້ນ.

ນສພ ເສດຖະກິດ-ສັງຄົມ

แชร์