ຊີເອັນພີ ສຳຫຼວດ-ຂຸດຄົ້ນບໍ່ແຮ່ເຕີບໃຫຍ່ເຂັ້ມແຂງ ຍ້ອນສີມືແມ່ຍິງຢູ່ເບື້ອງຫຼັງ

ທ່ານ ນາງຈັນນະພາ ວົງສະໝໍລະພູມ ນັກທຸລະກິດຍິງຫົວໃຈເພັດ ມີອຸດົມການບໍລິຫານທຸລະກິດ ຄຽງຄູ່ວັດທະນະທຳລາວ ພັກ ແລະ ລັດຍາມໃດກໍ່ໄດ້ໃຫ້ຄວາມສຳຄັນໃນການຊຸກຍູ້ສົ່ງເສີມບົດບາດຍິງ-ຊາຍ ໃຫ້ມີສິດສະເໝີພາບກັນໃນທຸກຂົງເຂດບໍ່ວ່າຈະເປັນໜ້າທີ່ການງານນັ້ນຈະເປັນວຽກລັດຖະບານ ທຸລະກິດຕະຫຼອດຮອດວຽກງານຄອບຄົວ ສິ່ງດັ່ງກ່າວໄດ້ກາຍເປັນແຮງຊຸກຍູ້ສຳຄັນໃຫ້ແມ່ຍິງລາວເຮົາໄດ້ມີໂອກາດປະກອບສ່ວນ ແລະ ພັດທະນາວຽກງານຕ່າງໆບໍ່ວ່າຈະໜັກຫຼືເບົາໃຫ້ບັນລຸຜົນສຳເລັດ.

ທ່ານ ນາງ ຈັນນະພາ ວົງສະໝໍລະພູມ ປະທານບໍລິສັດ ຊີເອັນພີ ຂາອອກ-ຂາເຂົາຈຳກັດ ເປັນນັກທຸລະກິດຍິງລາວທີ່ສູ້ຊົນອົດທົນຜ່ານອຸກປະສັກຫຼາຍຢ່າງເຮັດໃຫ້ປະຈຸບັນເປັນທີ່ຮູ້ຈັກຂອງສັງຄົມໂດຍສະເພາະນັກທຸລະກິດໂດຍເອີ້ນວ່າເປັນຍິງຫົວໃຈເພັດທີ່ເພິ່ນມີອຸດົມການເຮັດທຸລະກິດຄຽງຄູ່ອະນຸລັກຮັກສາວັດທະນາທຳລາວ.

ທ່ານ ນາງຈັນນະພາ ວົງສະໝໍລະພູມ ໃຫ້ສຳພາດນັກຂ່າວເນື່ອງໃນໂອກາດວັນແມ່ຍິງທີ່ຈະມາເຖິງນີ້ພວກເຮົາຮູ້ວ່າ: ເນື່ອງໃນໂອກາດວັນແມ່ຍິງ ແລະວັນສ້າງຕັ້ງພັກຄົບຮອບ 114 ປີ ໃນນາມນັກທຸລະກິດປະທານບໍລິສັດຮູ້ສຶກພາກພູມໃຈທີ່ເກີດເປັນຄົນລາວ ແລະຊ່ວຍປະກອບປະສ່ວນປະເທດໃນປະຈຸບັນບົດບາດຍິງ-ຊາຍໃນສັງຖືວ່າແມ່ນມີຄວາມສາເໝີພາບກັນຫຼາຍກ່ອນເມື່ອກ່ອນນັກທຸລກິດສ່ວນໃຫຍ່ໃນຍຸກປະຈຸບັນຖືແມ່ຍິງເປັນອັດຕາສ່ວນເພີ່ມຂຶ້ນໃນສັງຄົມທັງພາຍໃນ ແລະຕ່າງປະເທດເຮັດໃຫ້ເປັນທີ່ຍ້ອມຮັບທົ່ວໂລກ.

ປະຈຸບັນຍຸກນີ້ເປັນຍຸກໄໝ່ພາຍໃຕ້ການນຳພາຂອງພັກ-ລັດ,ເພີ່ນມີນະໂຍບາຍສູງໃຫ້ສິດສະເໝີພາບຍິງ-ຊາຍບົດບາດຍິງ-ຊາຍ ເທົ່າທຽມກັນໝົດມີໂອກາດເທົ່າທຽມກັນໝົດເຊັ່ນ: ການຮຽນຮູ້, ການເຮັດທຸລະກິດ, ການນຳພາຕ່າງໆແມ່ຍິງສາມາດເປັນຜູ້ນຳພາບໍລິຫານວຽກງານໄດ້ເປັນທີ່ເພິ່ງຂອງອົງກອນໄດ້ ແລະສາມາດສ້າງລາຍໄດ້ເຂົ້າມາລໍ່ລ້ຽງອົງກອນໄດ້ທຸກພາກສ່ວນໃນການບໍລິຫານທຸລະກິດ.

ສຳລັບບໍລິສັດ ຊີເອັນພີ ຂາອອກ-ຂາເຂົາຈຳກັດ ເປັນບໍລິສັດຄຸດຄົ້ນບໍແຮ່ຊຶ່ງຕະຫຼອດໄລຍະຜ່ານມາທາງບໍລິສັດແມ່ນເຮັດທຸລະກິດດ້ວຍຄວາມຊື່ສັດຈິ່ງໃຈຕໍ່ສັງຄົມຊຶ່ງຄຽງຄູ່ກັບການເຮັດທຸລະກິດທາງບໍລິສັດແມ່ນອຸດົມການສ້າງຊ່ວຍພັດທະນາປະເທດຊາດໂດຍສະເພາະ 5 ປີຜ່ານມາທາງບໍລິສັດປະກອບສ່ວນ 2 ໂຄງການ ພັດທະນາ ເຮັດເຮືອນຊົງລາວເດີນທາງຫຼວງໂດຍມີການບູລະນະຕົບແຕ່ງ ແລະເຮັດຫາດດອນຈັນເປັນສະຖານທີ່ທ່ອງທ່ຽວທັງນີ້ກໍ່ເພື່ອເປັນການສ້າງສີສັນປະກອບສ່ວນດຶງດູດນັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ຽວຊົມປະເທດລາວຫຼາຍຂຶ້ນ.

ສະນັ້ນໃນໂອກາດວັນສຳຄັນດັ່ງກ່າວກໍ່ຝາກເຖິງແມ່ຍິງລາວທຸກຄົນເກີດມາແລ້ວຕ້ອງສູ້ຊົນອົດທົນເຂັ້ມມື້ໜຶ່ງກໍ່ຈະປະສົບຄວາມສຳເລັດປະຈຸບັນພັກລັດເພິ່ນກໍ່ເປີດໂອກາດໃຫ້ສະແດງຄວາມຮູ້ຄວາມສາມາດ ຊຶ່ງຕະຫຼອດຜ່ານມາກໍ່ຂອບໃຈພັກ-ລັດທີ່ໃຫ້ການສະໜັບສະໜູນ ແລະເປັນທິດຊີນຳນຳພານັກທຸລະກິດ ແລະປະເທດຊາດມີຄວາມຈະເລີນຮຸ່ງເຮືອງສີວິໄລທ່ານ ນາງ ຈັນນະພາ ວົງສະໝໍລະພູມ ກ່າວ.

แชร์