ສກຈຮ ຈໍາປາສັກເຕີບໃຫຍ່ແຂງແຮງທາງຄຸນນະພາບ ແລະປະລິມານຢ່າງຕັ້ງຫນ້າ

ຕະຫລອດໄລຍະເວລາເກືອບເກົ້າປີ, ຫລັງຈາກໄດ້ຮັບອະນຸຍາດສ້າງຕັ້ງຢ່າງເປັນທາງການຈາກທະນາການແຫ່ງ ສປປ ລາວ ໃນເດືອນ ມີນາ 2015 ແລະໄດ້ເອົາໃຈໃສ່ປະຕິບັດພາລະກິດຂອງຕົນຢ່າງຕັ້ງຫນ້າໃນການຂະຫຍາຍການບໍລິການໄປສູ່ປະຊາຊົນສູ່ຊຸມຊົນ ແລະພາກສ່ວນສາມາດເຂົ້າເຖິງບໍລິການທາງດ້ານການເງິນຂອງທະນາຄານໄດ້ສາມາດເຂົ້າເຖິງການບໍລິການທາງດ້ານການເງິນຈຸລະພາກທີ່ເຫມາະສົມກັບຄວາມສາມາດ ແລະຄວາມຕ້ອງການຂອງເຂົາເຈົ້າ, ໂດຍຮັບປະກັນການບໍລິການທີ່ເຂົ້າເຖິງງ່າຍ ແລະມີຈັນຍາບັນໃຫ້ປະຊາຊົນທຸກຊັ້ນຄົນໄດ້ເຂົ້າເຖິງ, ນັບຈາກນັ້ນມາການບໍລິການການເງິນຈຸລະພາກຂອງສະຖາບັນການເງິນລະພາກທີ່ຮັບເງິນຈໍາປາສັກ ຈໍາກັດ ໄດ້ມີການຂະຫຍາຍຕົວຢ່າງຕໍ່ເນື່ອງ ແລະຫມັ້ນຄົງຈົນໄດ້ຮັບອະນຸຍາດສ້າງຕັ້ງຫນ່ວຍບໍລິການຢູ່ແຂວງສາລະວັນຢ່າງເປັນທາງການໃນຕົ້ນປີ 2015, ຫນ່ວຍບໍລິການແຂວງອັດຕະປືໃນ ເດືອນມີນາ 2019 ແລະໄດ້ຮັບອະນຸຍາດສ້າງຕັ້ງຫນ່ວຍບໍລິການຢູ່ແຂວງເຊກອງໃນເດືອນມີຖຸນາ 2019.

ທ່ານ ຫນູເຄືອບ ສິດທິເດດ ຜູ້ອໍານວຍການສະຖາບັນການເງິນຈຸລະພາກທີ່ຮັບເງິນຝາກຈໍາປາສັກ ຈໍາກັດ, ສສກຈຮ ຈໍາປາກສັກ ໄດ້ລາຍງານໃຫ້ຮູ້ວ່າ: ໃນໄລຍະ 9 ປີຜ່ານມາ ສກຈຮ ຈໍາປາສັກ ໄດ້ມີການເຕີບໂຕຢ່າງຕໍ່ເນື່ອງ ແລະ ຫມັ້ນຄົງ, ຊຶ່ງມັນສະແດງອອກໃນຕົວຊີ້ວັດຫລາຍດ້ານ ບໍ່ວ່າຈະເປັນດ້ານຊັບສິນໃນທ້າຍປີ 2023 ສກຈຮ ຈໍາປາສັກ ມີຊັບສິນທັງຫມົດ 543 ຕື້ກວ່າກີບ, ຊຶ່ງເຕີບໂຕຈາກປີ 2015 ທີ່ມີຊັບສິນທັງຫມົດ 59 ຕື້ກວ່າກີບ ທຽບເປັນເປີເຊັນການເຕີບໂຕສູງເຖິງ 920%, ທີ່ພົ້ນເດັ່ນກວ່າຫມູ່ແມ່ນ ຍອດເງິນກູ້ກໍ່ໄດ້ມີການເພີ່ມຂື້ນ ຈາກຈໍານວນ 37 ຕື້ກວ່າກີບໃນປີ 2015 ມາເປັນ 440 ຕື້ກວ່າກີບ, ຜົນງານທັງຫມົດທີ່ຍາດມາໄດ້ ແມ່ນຍ້ອນການທຸ້ມເຮື່ອເທແຮງ ແລະ ສະຕິປັນຍາຂອງຜູ້ບໍລິຫານໃນທຸກລະດັບ ແລະພະນັກງານທຸກຄົນເຂົ້າໃນການວາງແຜນຍຸດທະສາດແຜນການດໍາເນີນງານ ແລະມີການປະຕິບັດຕາມແຜນງານຢ່າງເປັນປົກຄະຕິ.

ສໍາລັບໃນສົກປີ 2024 ແມ່ນຈະໄດ້ສືບຕໍ່ປະຕິບັດບັນດາຫນ້າວຽກແຕ່ລະດ້ານຢ່າງຕັ້ງຫນ້າ ແລະຮັດກຸມ, ສ້າງເງື່ອນໄຂໃຫມ່ໆທີ່ສະດວກສະບາຍຕໍ່ປະຊາຊົນຮັກສາສະຖຽນລະພາບໃນການບໍລິການສູງສຸດ, ສ້າງຜະລິດຕະພັນໃຫມ່ທີ່ເຫມາະສົມກັບປະຊາຊົນ ແລະຂະຫຍາຍຕາຫນ່າງການບໍລິການທາງດ້ານການເງິນໃຫ້ໃຫ້ຫລາຍກວ້າງຂວາງອອກຍິ່ງຂື້ນ.

ໂດຍ: ໂພທິລາດ

#ອ່ານເພິ່ມເຕີມທີ່ລິງ:

แชร์