15 ປີ ຫວຽດຕ໋ຽນ ສັງຄົມລາວໃຫ້ການຕອບຮັບດີ

ບໍລິສັດ ຫວຽດຕ້ຽນ ເປັນໜຶ່ງບໍລິສັດ ທີ່ໄດ້ເອົາໃຈໃສ່ນຳເສື້ອຄຸນນະພາບດີ ແລະມີມາດຖານສາກົນມາກ່ອນໂດຍເນັ້ນໃສ່ຄວາມຖືກຕ້ອງ-ຖືອໃຈຂອງຄົນລາວ ຊຶ່ງໄດ້ສຳພັດເຄື່ອງພາຍໃນປະເທດໂດຍບໍ່ຕ້ອງເດີນທທາງໄປຊື້ຢູ່ຕ່າງປະເທດໂດຍສະເພາະເນັ້ນຊ່ວຍທ່ານຊາຍເບິ່ງແຍງການນຸ່ງເຄື່ອງອອກງານສັງຄົມຈຶ່ງໄດ້ເຮັດໃຫ້ທຸລະກິດ ຫວຽດຕ່ຽນ ຜ່ານມາ 15 ປີ ທີ່ສັງຄົມລາວໄດ້ມີການຕອບຮັບເປັນຢ່າງດີ.

ໃນວັນທີ 4 ກຸມພາ 2024, ຫວຽດຕ່ຽນ ແບຣນເສື້ອຜ້າຈາກປະເທດຫວຽດນາມ ໄດ້ເປີດໂຕແຄມເປນ 15 ປີແຫ່ງຄຸນນະພາບເລື່ອງເສື້ອຜ້າເພື່ອເປັນການສະເຫຼີມສະຫລອງຄົບຮອບ 15 ປີທີ່ໄດ້ຢູ່ຄຽງຂ້າງຄົນລາວເລື່ອງເສື້ອຜ້າ ແລະທີ່ຜ່ານມາຫຼາຍຄົນຈະຄຸ້ນເຄີຍກັບແບຣນດັ່ງກ່າວເນື່ອງຈາກຫວຽດຕ່ຽນ ມີທັງໝົດ 6 ສາຂາທົ່ວປະເທດ. ຫວຽດຕ່ຽນ ມີຫຼາກຫຼາຍສິນຄ້າໃນຮ້ານ ນັບ ຕັ້ງແຕ່ເສື້ອຜ້າ ທີ່ໃສ່ປະຈຳວັນ, ເຄື່ອງກິລາ ຈົນຮອດເສື້ອຜ້າສຸພາບສຳຫລັບຜູ້ຊາຍ ແລະຜູ້ຍິງ ທີ່ເນັ້ນເລື່ອງຄຸນນະພາບມາດຕະຖານສາກົນເຊິ່ງເຮັດໃຫ້ສິນຄ້າຂອງຫວຽດຕ່ຽນ ມີຄວາມໂດດເດັ່ນ ແລະແຕກຕ່າງຈາກແບຣນເສື້ອຜ້າອື່ນທີ່ຈຳໜ່າຍໃນປະເທດລາວ.

ທ່ານ ນາງ ດາວນະພາ ວໍລະວົງສາ ຜູ້ອຳນວຍການບໍລິສັດ ຫວຽດຕໍຽນ ໄດ້ກ່າວວ່າ: " ຂ້າພະເຈົ້າດີໃຈຫຼາຍທີ່ສິນຄ້າຫວຽດ ຕ່ຽນ ໄດ້ຢູ່ຄຽງຂ້າງກັບຄົນລາວມາຮອດ 15 ປີ ແລະ ຂ້າພະເຈົ້າເຊື່ອວ່າ: ຄຸນນະພາບ ແລະລາຄາ ທີ່ຈັບຕ້ອງໄດ້ຂອງສິນຄ້າຫວຽດຕ່ຽນ ຊ່ວຍເຮັດໃຫ້ຄົນລາວ ເຂົ້າເຖິງເສື້ອຜ້າທີ່ດີ ແລະ ເຮັດໃຫ້ການແຕ່ງໂຕຂອງຄົນລາວຖືກຍົກລະດັບໄປອີກຂຶ້ນໜຶ່ງ. ພວກເຮົາຍັງໝັ້ນໃຈວ່າສາເຫດ ທີ່ເຮັດໃຫ້ພວກເຮົາຢູ່ໃນຕະຫລາດລາວມາຮອດ 15 ປີ ແມ່ນຄຸນນະພາບຂອງສິນຄ້າ ທີ່ທາງໂຮງງານແມ່ໄດ້ມີການນໍາໃຊ້ເທັກໂນໂລຊີ ແລະນະວັດຕະກຳທີ່ທັນສະໄໝໃນການຜະລິດໃຫ້ແທດເໝາະກັບຄວາມຕ້ອງການຂອງລູກຄ້າໃນຍຸກນີ້ ແລະ ນອກຈາກນັ້ນ, ການບໍລິການໜ້າຮ້ານ ແລະຫລັງການຂາຍຂອງທິມຫວຽດຕ່ຽນ ກໍ່ໄດ້ໃຫ້ຄວາມສໍາຄັນຫລາຍເທົ່າກັບຄຸນນະພາບຂອງສິນຄ້າທີ່ເອົາເຂົ້າມາຂາຍ".

ນອກຈາກຄຸນນະພາບຂອງສິນຄ້າ ແລະການບໍລິການທີ່ດີແລ້ວ, ຄວາມສຳຄັນອີກຢ່າງໜຶ່ງແມ່ນຄວາມຫຼາກຫຼາຍຂອງສິນຄ້າທີ່ມີຈໍາໜ່າຍເຊິ່ງຫວຽດຕ່ຽນມີຫຼາກຫຼາຍສິນຄ້າເຊັ່ນ: ເສື້ອຜ້າໝວດໝູ່ກິລາ, ເສື້ອຜ້າໝວດໝູ່ທົ່ວໄປ, ເສື້ອຜ້າໝວດໝູ່ສຸພາບ ແລະທີ່ສໍາຄັນຫວຽດຕ່ຽນ ຍັງມີສຸດສຳຫລັບທ່ານຊາຍສຳເລັດຮູບ ແລະຮັບຕັດສຸດ ດ້ວຍຊ່າງມີສີມືຈາກປະເທດລາວ ແລະຫວຽດນາມ. ຜູ້ອໍານວຍການຫວຽດຕໍຽນລາວ ຍັງໄດ້ກ່າວຕື່ມວ່າ: "ພວກເຮົາຈະພະຍາຍາມເລືອກເຟັ້ນເອົາເສື້ອຜ້າທີ່ດີ, ມີຄຸນນະພາບ ແລະທັນສະໄໝ ໃຫ້ເໝາະກັບເທຣນ ເພື່ອໃຫ້ຄົນລາວໄດ້ເຂົ້າເຖິງຄວາມຫລາກຫຼາກການແຕ່ງໂຕ ແລະຫັນຫວຽດຕ່ຽນ ເປັນແບຣນເສື້ອຜ້າທີ່ມີຄວາມຮັບຜິດຊອບຕໍ່ສັງຄົມລາວ ແລະສິ່ງແວດລ້ອມຜ່ານກິດຈະກຳການກຸສົນໃນລາວ".

ແຄມເປນ 15 ປີ ແຫ່ງຄຸນນະພາບເລື່ອງເສື້ອຜ້າແມ່ນຈະໄດ້ເລີ່ມຕັ້ງແຕ່ເດືອນກຸມພາ 2024 ຈົນຮອດທ້າຍປີ, ເຊິ່ງແຄມເປນດັ່ງກ່າວແມ່ນຈະມີກິດຈະກຳທາງການຕະຫລາດທີ່ແຕກຕ່າງ ແລະຫຼາກຫລາຍໃນແຕ່ລະເດືອນ. ລາຍລະອຽດສາມາດຕິດຕາມ
ຊ່ອງທາງການສື່ສານຂອງຫວຽດຕ່ຽນລາວ.

แชร์