ຮອງປະທານປະເທດ ຢ້ຽມຢາມ ແລະມອບເຄື່ອງ ໃຫ້ປະຊາຊົນ

ໃນໂອກາດເດີນທາງຢ້ຽມຢາມ ແຂວງອຸດົມໄຊ ໃນລະຫວ່າງວັນທີ 31 ມັງກອນ ຫາວັນທີ 2 ກຸມພາ 2024, ທ່ານ ນາງ ປານີ ຢ່າທໍ່ຕູ້ ກໍາມະການກົມການເມືອງ ສູນກາງພັກ ຮອງປະທານປະເທດ ພ້ອມດ້ວຍ ທ່ານນາງ ເຂັມມະນີ ພົນເສນາ ຫົວໜ້າຫອ້ງວ່າການສໍານັກງານປະທານປະເທດ, ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ພອ້ມດວ້ຍອໍານາດການປົກຄອງ ແຂວງ-ເມືອງ ໄດ້ລົງຢ້ຽມຢາມພົບປະພໍ່ແມ່ປະຊາຊົນ ແລະມອບເຄືອງຕ້ານໄພໜາວ ໃຫ້ແກ່ພໍ່ແມ່ປະຊາຊົນ ແລະ ບັນດາລຸກຫານຢູ່ເຂດຫ່າງໄກສອກຫລິກເຂດພູດອຍພາຍໃນເມືອງ ຫຼາ ແຂວງ ອຸດົມໄຊ ເຊີ່ງໃນນີ້ທ່ານຮອງປະທານປະເທດໄດ້ລົງໄປຢ້ຽມຢາມ ແລະມອບມອບເຄື່ອງໃຫ້ແກ່ລຸກຫານປະຊາຊົນກຸ່ມ ອາໂນ ເມືອງຫຼາ ໂດຍໄດ້ຮັບການຕອ້ນຮັບຈາກອໍານາດການປົກຄອງ ເມືອງຫຼາ ແລະພໍ່ແມ່ປະຊາຊົນກຸ່ມບ້ານອາໂນ.

ຄະນະຮັບຜິດຊອບກຸ່ມບ້ານອາໂນໄດ້ລາຍງານສະພາບການຈັດຕັ້ງປະຕິບັດປະຕິບັດວຽກງານໃນໄລຍະທີ່ຜ່ານມາໃຫ້ຮູ້ວ່າ: ກຸ່ມບ້ານອາໂນ ກວມເອົາ 7 ບ້ານ, ມີ 2 ຊົນເຜົ່າ, ຄື: ກຶມມຸ 3 ບ້ານ ແລະ ອາຄາ 4 ບ້ານ, ມີພົນລະເມືອງທັງໝົດ 5.014 ຄົນ, ຍິງ 2.481 ຄົນ,ເປັນກຸ່ມໜຶ່ງທີ່ເປັນເຂດພູດອຍກວມ 99% ເຊິ່ງມີ 7 ໜ່ວຍພັກບ້ານທີ່ຂຶ້ນກັບກຸ່ມ, ໃນນີ້ບ້ານອາໂນ ແລະບ້ານແສນຫຼວງ ເປັນບ້ານທີ່ຂຶ້ນກັບກຸ່ມບ້ານອາໂນເປັນບ້ານຊົນເຜົ່າອາຄາມີ, ພົນລະເມືອງທັງສອງບ້ານລວມ 2.339 ຄົນ, ຍິງ 1.138 ຄົນ, ມີ 354 ຫຼັງຄາເຮືອນ, ມີ 531 ຄອບຄົວ.ໃນກຸ່ມດັ່ງກ່າວມີທ່າແຮງບົ່ມຊ້ອນ: ເໝາະແກ່ການປູກພືດທັນຍາຫານ, ລ້ຽງສັດໃຫຍ່, ເພາະກຸ່ມດັ່ງກ່າວຕັ້ງຢຼ່ເຂດພູສູງ ແລະພູສສັນຖານຂອງບ້ານຢູ່ສູງຈີ່ງເປັນສະຖານທີ່ແຫຼ່ງທ່ອງທຽວຕິດພັນກັບທຳມະຊາດຊົມສາຍທະເລໝອກຍາມເຊົ້າຕາມລະດູການ.

ຕະຫລອດໄລຍະທີ່ຜ່ານມາຍ້ອນມີພັກນໍາພາແນວທາງນະໂຍບາຍຂອງພັກ-ລັດເຊິ່ງຍາມໃດກໍ່ເອົາໃຈໃສ່ລົງທຶນ, ສ້າງພື້ນຖານໂຄງລ່າງເຊັ່ນ: ເສັ້ນທາງ, ໂຮງຮຽນ, ໂຮງໝໍນ້ອຍ, ຕາຂ່າຍໄຟຟ້າ ແລະ ເຄືອຂ່າຍໂທລະສັບ (ລະບົບອິນເຕີເນັດ), ມີຄະນະພັກຂັ້ນເທິງໃຫ້ການຊີ້ນຳໃນການຈັກຕັ້ງປະຕິບັດໃນແຕ່ລະໄລຍະ, ມີເລຂາຄະນະພັກຮາກຖານກຸ່ມບ້ານ ແລະ ປະຊາຊົນທີ່ມີຄວາຕື່ນຕົວຕໍ່ແນວທາງນະໂຍບາຍຂອງພັກ-ລັດວາງອອກມີພູຜາປ່າໄມ້ ແລະ ທຳມະຊາດທີ່ເອື້ອອໍານວຍຄວາມສະດວກໃນການທຳມາຫາກີນ, ເໝາະແກ່ການ ຜະລິດເປັນສິນຄ້າ ແລະອື່ນໆ. ປະຊາຊົນມີທ່າແຮງມູນເຊື້ອຄວາມດຸໝັ່ນຂະຫຍັນພຽນໃນການອອກແຮງງານເພື່ອລ້ຽງຊີບຂອງພໍ່ແມ່ປະຊາຊົນຈີ່ງເຮັດໃຫ້ພື້ນຖານໂຄງລ່າງພາຍໃນກຸ່ມມີການພັດທະນາໂດຍເຫັນໄດ້ຈາກເມືອກອ່ນປະຊາຊົນກຸ່ມດັ່ງກ່າວມີຄວາມຫູ້ຍງຍາກຫຼາຍດ້ານ ແຕ່ມາຮອດປະຈຸບັນຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນຈາກສະພາບພື້ນຖານໂຄງລ່າງຂອງບ້ານແບບປະຖົມປະຖານມາຮອດປະຈຸບັນບ້ານເຮືອນຂອງປະຊາຊົນມີເຮືອນຢູ່ແບບຖາອນລະບົບພື້ນຖານໂຄງລ່າງໄດ້ຮັບການພັດທະນາ.

ໄປຄຽງຄູ່ກັບການພັດທະນາຂອງປະຊາຊົນໃນແຕ່ລະໄລຍະນັ້ນກໍ່ຍັງມີຄວາມຫຸຍ້ງຍາກຫຼາຍດ້ານໂດຍສະເພາະແມ່ນເປັນບ້ານທີ່ມີພື້ນທີ່ຄ້ອຍຊັນພູດອຍ ກວມ 99% ພື້ນທີ່ການຜະລິດກະແຈກກະຈາຍ, ຄວາມຮູ້, ຄວາມສາມາດໃນການຊີ້ນໍາ-ນໍາພາຂອງຄະນະພັກອົງການປົກຄອງບ້ານຍັງບໍ່ທັນເຂັ້ມແຂງເທົ່າທີ່ຄວນ, ການຜະລິດສ່ວນຫຼາຍຍັງແມ່ນອີງໃສ່ທຳມະຊາດແບບດັ່ງເດີມ, ການຜະລິດເປັນສິນຄ້າຍັງບໍ່ທັນເປັນຂະບວນຟົດຟື້ນ. ປະຊາຊົນບ້ານກະແຈກກະຈາຍເຮັດໃຫ້ໃນການຄຸ້ມຄອງພົນລະເມືອງມີຄວາມຊັບສົນ.ມີຄວາມຫຍຸ້ງຍາກນໍ້າລິນສະອາດບໍ່ພຽງພໍ ສະນັ້ນສະເໜີຂໍໃຫ້ຂັ້ນເທິງທີ່ກ່ຽວຂ້ອງສະໜອງເສົາໄຟຟ້າ,ຊອກແຫຼ່ງທຶນເພື່ອພັດທະນາພື້ນຖານໂຄງລ່າງເພື່ອຫັນປ່ຽນຈາກອາຊີບການເຮັດໄຮ່-ເຮັດສວນແບບເລື່ອນລອຍເປັນອາຊີບຄົງທີ່, ປັບແຜນຜັງຂອງບ້ານ ແລະນໍ້າລີນສະອາດໃຫ້ພຽງພໍ ແລະອື່ນໆ.
ໃນການລົງຢ້ຽມຢາມໃນຄັ້ງນີ້ທ່ານຮອງປະທານປະເທດ ຍັງໄດ້ມອບເຄື່ອງນຸ່ງຫົ່ມໃຫ້ແກ່ລຸກຫານ ແລະ ພໍ່ແມ່ປະຊາຊົນ ແລະ ອຸປະກອນ ການສຶກສາ ແລະ ທຶນຈໍານວນໜຶ່ງໃຫ້ແກ່ກຸ່ມຕື່ມອີກເພື່ອນໍາໃຊ້ເຂົ້າໃນການພັດທະນາວຽກງານທີ່ຈໍາເປັນຂອງກຸ່ມ ແລະບ້ານຕື່ມອິກ.

ພາຍຫລັງສໍາເລັດການຢ້ຽມຢາມປະຊາຊົນ ແລະມອບເຄື່ອງໃຫ້ປະຊາຊົນ ກຸ່ມບ້ານອາໂນ ແລ້ວທ່ານ ນາງ ປານີ ຢາທໍ່ຕູ້ ຮອງປະທານປະເທດພອ້ມດ້ວຍທ່ານເຈົ້າແຂວງໆ ອຸດົມໄຊ ໄດ້ສືບຕໍ່ລົງຢ້ຽມຢາມ ແລະມອບເຄື່ອງຕ້ານໄພໜາວໃຫ້ແກ່ພໍ່ແມ່ປະຊາຊົນ ບ້ານ ປາງປໍ ເຊີ່ງເປັນບ້ານຂອງຊົນເຜົ່າມົ້ງ ທີ່ຕັ້ງຖີນຖານບ້ານເກີດຢູ່ນີ້ມາແຕ່ດົນນານ ແລະເປັນບ້ານທີ່ຕັ້ງຢູ່ເຂດພູດອ້ຍທີ່ສູງຊັນປະຊາຊົນອາໃສການປຸກຝັງລ້ຽງສັດເປັນຕົ້ນຕໍເພາະເນື້ອທີ່ການຜະລິດມີຄວາມຫຍຸ້ງຍາກສະນັ້ນປະຊາຊົນຈີ່ງອາໃສການລ້ຽງ ແລະຊອກຫາເຄື່ອງຂອງດົງຄ້າຂາຍໃນການລົງຢ້ຽມຢາມຄັ້ງນີ້ທ່ານຮອງປະທານປະເທດຍັງໄດ້ມອບທຶນ ແລະເຄື່ອງນຸ່ງຫົ່ມເພື່ອຕ້ານໄພຫນາວໃຫ້ແກ່ປະຊາຊົນ ແລະລູກຫານພາຍໃນບ້ານຕື່ມອີກ.

ໃນການລົງຢ້ຽມຢາມແຕ່ລະບ່ອນທ່ານຮອງປະທານປະເທດກໍ່ໄດ້ສະແດງຄວາມຊົມເຊີຍຕໍ່ອໍານາດການປົກຄອງເມືອງກໍ່ຄືກຸ່ມບ້ານທີ່ໄດ້ເອົາໃຈໃສ່ເຂົ້າໃນການຊີ້ນໍາໆພາພໍ່ແມ່ປະຊາຊົນຂອງຕົນພາຍໃນບ້ານຂອງຕົນເຊີ່ງສະແດງອອກເຫັນໄດ້ຢ່າງເດັ່ນຊັດໃນເມື່ອກ່ອນຊີວິດການເປັນຢູ່ຂອງປະຊາຊົນພົບຄວາມຫຍຸ້ງຍາກບັນດາເຮືອນຢູ່ຂອງປະຊາຊົນແບບປະຖົມປະຖານແຕ່ມາຮອດປະຈຸບັນພື້ນຖານໂຄງລ່າງຂອງບ້ານໄດ້ຮັບການພັດທະນາເຮືອນຢູ່ຂອງເຂົາເຈົ້າມາຮອດປະຈຸບັນມີເຮືອນຢູ່ແບບຖາວອນ ພື້ນຖານໂຄງລ່າງພາຍໃນບ້ານໄດ້ຮັບການພັດທະນາຄອບຄົວທຸກຍາກໄດ້ຫລຸດລົງຊີວິດການເປັນຢູ່ນັບມື້ດີຂຶ້ນພ້ອມນີ້ທ່ານຮອງປະທານປະເທດກໍ່ໄດ້ຊີ້ນໍາບາງດ້ານໃຫ້ແກ່ອໍານາດການປົກຄອງໂດຍສະເພາະແມ່ນໃຫ້ອໍານາດການປົກຄອງຈົ່ງເອົາໃຈໃສ່ເຂົ້າໃນການຊີ້ນໍາໆພາເປັນຕົ້ນການສຶກສາອົບຮົມດ້ານວຽກງານການເມືອງແນວຄິດ ນໍາພາປະຊາຊົນເອົາໃຈໃສ່ເຂົ້າໃນການປຸກຝັງ-ລ້ຽງສັດໃຫ້ຫຼາຍກາຍເປັນສິນຄ້າເພື່ອສ້າງລາຍຮັບໃຫ້ແກ່ຄອບຄົວເພາະພູມສັນຖານຂອງບ້ານແມ່ນເປັນເຂດພູດອຍສະນັ້ນຈຶ່ງເໜາະແກ່ການລ້ຽງສັດ ພ້ອມທັງໃຫ້ອໍານາດການປົກຄອງທຸກຂັ້ນຊີ້ນໍາໆພາປະຊາຊົນປະຊາຊົນເປັນຕົ້ນໃຫ້ຄວາມຮູ້ດ້ານວິຊາການໃນການປຸກ-ການລ້ຽງແກ່ປະຊາຊົນເພື່ອເຮັດໃຫ້ການລ້ຽງ-ປຸກໄດ້ຮັບຜົນສູງ ແລະ ດ້ານອື່ນໆ ແລະ ເຊື່ອແນ່ວ່າພາຍໃຕ້ການຊີ້ນໍາໆພາຂອງອົງຄະນະພັກແຕ່ລະຂັ້ນຈະເຮັດໃຫ້ພື້ນຖານໂຄງລ່າງເສດຖະກິດພາຍໃນກຸ່ມ ກໍ່ຄືບ້ານຈະໄດ້ຮັບການພັດທະນາ ຊີວິດການເປັນຢູ່ຂອງປະຊາຊົນພາຍໃນບ້ານດີຂຶ້ນໂດຍສະເພາະແມ່ຄວາມທຸກຍາກຂອງປະຊາຊົນຈະຫລຸດລົງເທື່ອລະກ້າວ ເພາະປະຊາຊົນມີມູນເຊື້ອຄວາມດຸໜັ່ນຢູ່ແລ້ວ.

ຈາກນັ້ນທ່ານຮອງປະທານປະເທດພ້ອມຄະນະໄດ້ສືບຕໍ່ລົງຢ້ຽມຢາມເບີ່ງການປູກໜາກຖົ່ວເປັນສິນຄ້າຂອງປະຊາຊົນຢູ່ພາຍໃນເຂດເທສະບານເມືອງ ຫຼາ ເພາະປະຈຸບັນການປູກໜາກຖົ່ວແມ່ນພວມໃຫ້ຄວາມສົນໃຈຂອງປະຊາຊົນເພາະຕະຫລາດຮອງຮັບດ້ານຜົນຜະລິດມີຄວາມຕອ້ງການສູງທັງຕະຫລາດພາຍໃນແຂວງ ແລະ ຕ່າງປະເທດ.

ຈາກນັ້ນໄດ້ສືບຕໍ່ລົງຢ້ຽມເຮືອນຊົນເຜົ່າຕ່າງໆຢູ່ເຂດສະໜາມກິລາຂອງແຂວງເຊີ່ງໃນຕໍ່ຫນ້າທາງແຂວງ ແລະບໍລິສັດຂອງເອກະຊົນລາວຈະຮ່ວມມືກັນພັດທະນາເຂດສະໜາມກິລາໃຫ້ມີຫຼາຍກິດຈະກໍານອກຈາກສະໜາມກິລາແລ້ວຈະສ້າງເຮືອນຈໍາລອງຂອງຊົນເຜົ່າຕ່າງໆພາຍໃນແຂວງເພື່ອໃຫ້ປະຊາຊົນກໍ່ຄືນັກທ່ອງທ່ຽວເຂົ້າມາທ່ຽວຊົມເບີ່ງວິຖີຂອງການດໍາລົງຊີວິດຂອງແຕ່ລະເຜົ່າ.
ຂ່າວ: ແຂວງອຸດົມໄຊ

แชร์