ພິທີເຊັນສັນຍາ ການເປັນຄູ່ຮ່ວມຍຸດທະສາດຮອບດ້ານ

ວັນທີ 26 ມັງກອນ 2024 ທີ່ຜ່ານມາຢູ່ທີ່ຮ້ານອາຫານ ລາວເດີມ ນະຄອນຫຼວງວຽງຈັນ ທະນາຄານ ພັດທະນາລາວ ຈຳກັດ (LDB BANK) ແລະ ກຸ່ມບໍລິສັດ ຄໍາພູວົງ (KPV GROUP) ໄດ້ຈັດພິທີເຊັນສັນຍາ ການເປັນຄູ່ຮ່ວມຍຸດທະສາດຮອບດ້ານ ເພື່ອສະໜັບສະໜູນ ແລະ ຍົກລະດັບການຮັບໃຊ້ໃຫ້ບໍລິການ ແກ່ຄູ່ຮ່ວມຍຸດທະສາດ ຢ່າງຮອບດ້ານ ແລະ ດີທີ່ສຸດ ຕາມນະໂຍບາຍ ຂອງຄະນະຜູ້ບໍລິຫານ, ເຊິ່ງໃນໄລຍະທີ່ຜ່ານມາ LDB BANK ແລະ KPV GROUP ກໍ່ໄດ້ຮ່ວມມືກັນໃນຫຼາຍດ້ານ ເປັນຕົ້ນແມ່ນ ການໃຫ້ບໍລິການ ຜະລິດຕະພັນທາງດ້ານການເງິນ, ເຊື່ອມຕໍ່ລະບົບຊໍາລະສະສາງ ແອັບ LDB TRUST ແລະ EASY GOLD ເພື່ອອໍານວຍຄວາມສະດວກໃຫ້ແກ່ລູກຄ້າ ຂອງທັງສອງຝ່າຍ ໃນການສະສົມ ແລະ ຊື້-ຂາຍຄຳ ແລະໃນຕໍ່ໜ້າກໍ່ຍັງຈະມີການຈັດກິດຈະກໍາເພື່ອເປັນການສະໜັບສະໜູນດ້ານຜະລິດຕະພັນຕ່າງໆຮ່ວມກັນອີກດ້ວຍ.

ໃນໂອກາດດັ່ງກ່າວ, ກໍ່ຍັງໄດ້ມີພິທີເຊັນສັນຍາ ການຮ່ວມທຶນ ໃນບໍລິສັດ ອີຊີ ໂກລ໌ (Easy Gold) ລະຫວ່າງ KPV GOLD ແລະ LDB BANK ເຊິ່ງແອັບ Easy Gold ເປັນແອັບທີ່ຍົກລະດັບສ້າງຄວາມສະດວກສະບາຍໃຫ້ແກ່ບັນດາລູກຄ້າ, ປອດໄພ, ວ່ອງໄວ ແລະ ທັນສະໄໝໃນການຊື້-ຂາຍ ຫຼື ສະສົມຄໍາແບບດີຈີຕອນ, ຕອບໂຈດທຸກກຸ່ມລູກຄ້າເປົ້າໝາຍ ທີ່ຕ້ອງການສະສົມ ຫຼືຊື້-ຂາຍຄໍາໄດ້ຕະຫຼອດເວລາສ້າງຄວາມໝັ້ນໃຈໃຫ້ແກ່ລູກຄ້າຂອງຂອງຮ້ານຄຳພູວົງ ແລະ EasyGold ແລະ ຮັບປະກັນຄວາມປອດໄພ, ວ່ອງໄວ ແລະທັນໄຫມກວ່າເກົ່າ.

ພິທີເຊັນສັນຍາຕ່າງຫນ້າທະນາຄານ ພັດທະນາລາວ ຈຳກັດ (LDB BANK) ທ່ານ ຟອງສະໝຸດ ດວງໃຈ ອຳນວຍການທະນາຄານ ພັດທະນາລາວ ຈຳກັດ
ແລະກຸ່ມບໍລິສັດ ຄໍາພູວົງ ທ່ານ ຈັນທະວົງ ພະມີສິດ ຜູ້ອຳນວຍການຄຳພູວົງກຮຸບ ພ້ອມດ້ວຍພາກສວນກ່ຽວຂ້ອງພະນະງານເຂົ້າຮ່ວມ.

แชร์