ບໍລິສັດ ວິສະວະກໍາຈີນ CCMC ດຳເນີນການໄດ້ດີໃນໂຄງການ Serbian ເຊິ່ງຢູ່ລະຫວ່າງກາງສິ່ງທ້າທາຍໃນຊ່ວງປີ 2023

ບໍລິສັດວິສະວະກໍາຈີນກໍ່ສ້າງບໍ່ຖ່ານຫີນ ກຣຸບ China Coal Mine Construction Group Co., Ltd. (CCMC) ດຳເນີນການໄດ້ດີຍ້ອນວ່າສາມາດທໍາລາຍສະຖິຕິໃຫມ່ຂອງທຸກເດືອນໃນການຂຸດເຈາະອຸໂມງຢູ່ໃນໂຄງການSerbianຂອງຕົນໃນຊ່ວງປີ 2023, ຊີ້ໃຫ້ເຫັນເຖິງຄຸນນະພາບທີ່ສູງ ແລະປະສິດທິພາບສູງໃນການບໍລິການ ແລະ ຄວາມຊຳນານຂອງບໍລິສັດດ້ານເຕັກໂນໂລຊີໃນຂະແຫນງວິສະວະກໍາໂລກ.

ບໍ່ແຮ່ Cukaru Peki ເຊິ່ງເປັນບໍ່ແຮ່ທອງແດງແລະຄຳທີ່ສຳຄັນແຫ່ງໃໝ່ຕັ້ງຢູ່ໃກ້ເມືອງ Bor ຂອງເຊີເບຍ, ໄດ້ຮັບການພັດທະນາແລະດຳເນີນທຸລະກິດໂດຍບໍລິສັດຂຸດຄົ້ນບໍ່ແຮ່ Zijin ຂອງຈີນນັບແຕ່ປີ 2021.  ໃນປີ 2022, CCMC ໄດ້ປະມູນໂຄງການສຳເລັດໂດຍເປັນໂຄງການຂຸດເຈາະອຸໂມງບໍ່ແຮ່ Cukaru Peki.

ໃນບັນດາ3ອຸໂມງ, ອຸໂມງຊ່ອງການຜະລິດທັງສອງຈະສາມາດບັນລຸຄວາມເລິກໄດ້ທີ່ 1343 ແມັດ, ທັງສອງອຸໂມງມີເສັ້ນຜ່າສູນກາງ 7 ແມັດ. ອຸໂມງຊ່ອງບໍລິການຄວາມເລິກຢູ່ທີ່ 1.245 ແມັດ, ເສັ້ນຜ່າສູນກາງ 10 ແມັດ. ການເຂົ້າໄປໃນຄວາມເລິກຫຼາຍກວ່າພັນແມັດສໍາລັບການຂຸດເຈາະອຸໂມງເປັນສິ່ງທ້າທາຍດ້ານວິສະວະກໍາອັນໃຫຍ່ຫຼວງມາແຕ່ດົນນານ.  ສິ່ງທີ່ເຮັດໃຫ້ຍາກໄປກວ່ານັ້ນແມ່ນຂຶ້ນກັບຂໍ້ຈໍາກັດທາງພູມສາດຂອງໂຄງການທີ່ສໍາຄັນເຊັ່ນ: ຊັ້ນຫີນທີ່ແຕກຫັກ ແລະລະດັບນໍ້າໃຕ້ດິນສູງຢ່າງບໍ່ຄາດຄິດ.

ການຂຸດເຈາະຊັ້ນດິນເລິກດັ່ງກ່າວທີ່ຢູ່ລະຫວ່າງກາງສິ່ງທ້າທາຍເຫຼົ່ານີ້ຮຽກຮ້ອງໃຫ້ມີການປະດິດສ້າງ, ຄວາມຊໍານານແລະຄວາມລະມັດລະວັງ. CCMC ມຸ່ງຫມັ້ນທີ່ຈະຊອກຫາວິທີການທີ່ມີຄວາມຮັບຜິດຊອບ, ສຶກສາ ແລະປະຕິບັດການແກ້ໄຂທີ່ດີທີ່ສຸດທີ່ເປັນໄປໄດ້. ທີມງານຍັງໄດ້ນໍາໃຊ້ອຸປະກອນກົນຈັກທີ່ທັນສະໄໝ, ລວມທັງເຄື່ອງກວ້ານເຈາະຂະຫນາດໃຫຍ່, ເຄື່ອງຈັບຫີນແບບສູນກາງແລະumbrella drillsໄຮໂດຼລິກ, ເພື່ອຫຼຸດຜ່ອນການໃຊ້ແຮງງານແລະຄວາມສ່ຽງດ້ານຄວາມປອດໄພແລະເພື່ອຮັບປະກັນຄຸນນະພາບ ແລະປະສິດທິພາບ, ຊຶ່ງເປັນເຫດຜົນທີ່ບໍລິສັດສາມາດເຮັດຄວາມເລິກໄດ້ເກີນ 100 ແມັດ ໃນທຸກເດືອນເປັນຈໍານວນ 7 ຄັ້ງ.

CCMC ໄດ້ອຸທິດຕົນເພື່ອຂຸດຄົ້ນຕະຫຼາດຕ່າງປະເທດໃນຊຸມປີທີ່ຜ່ານມາ. ດ້ວຍຄວາມເຂັ້ມແຂງຂອງເຕັກໂນໂລຊີຫຼັກ,ສາມາດດຳເນີນໂຄງການຕ່າງໆຢູ່ປະເທດຕ່າງໆເຊັ່ນ: ຕວກກີ, ອິນເດຍ, ປາກີສະຖານ, ອຸສເບກີສະຖານ, ແຊມເບຍ, ຫວຽດນາມແລະລາວ.

ເມື່ອເວົ້າເຖິງຍຸດທະສາດຢູ່ຕ່າງປະເທດ, ທ່ານ Sun Xuejun ປະທານບໍລິສັດກ່າວວ່າ, ບໍລິສັດຈະເຂົ້າຮ່ວມຢ່າງຕັ້ງໜ້າໃນການກໍ່ສ້າງພື້ນຖານໂຄງລ່າງພະລັງງານຢູ່ບັນດາປະເທດຄູ່ຮ່ວມມືໜຶ່ງແລວທາງໜຶ່ງເສັ້ນທາງ.

แชร์