ສະຖາບັນທຸລະກິດແສງສະຫວັນຈັບມືສະຖາບັນເຕັກໂນໂລຊີ Vellore ຈາກປະເທດອິນເດຍ ພັດທະນາການສຶກສາ

ຖືເປັນຂ່າວດີ ປະຈຸບັນສະຖາບັນທຸລະກິດແສງສະຫວັນ ຈະເປີດຫຼັກສູດຮ່ວມກັບສະຖາບັນເຕັກໂນໂລຊີ Vellore ຈາກປະເທດອິນເດຍເພື່ອມອບໂອກາດໃນການສຶກສາດ້ານວິສະວະກໍາ ແລະເຕັກໂນໂລຊີທີ່ທັນສະໄຫມ ແລະມີຄຸນນະພາບໃຫ້ກັບນັກຮຽນ ຢູ່ ສປປ ລາວ !

ສະຖາບັນເຕັກໂນໂລຊີ Vellore ແມ່ນສະຖາບັນທີ່ໄດ້ຮັບການຈັດອັນດັບໃຫ້ເປັນໜຶ່ງໃນສະຖາບັນວິສະວະກຳຊັ້ນນຳໃນປະເທດອິນເດຍຢ່າງຕໍ່ເນື່ອງ ແລະຍັງໄດ້ສ້າງຊື່ສຽງໃນເວທີລະດັບນານາຊາດໂດຍໄດ້ຮັບການຈັດອັນດັບໃຫ້ຢູ່ໃນມະຫາວິທະຍາໄລຊັ້ນນຳໃນ 400 ແຫ່ງຂອງໂລກ, ມີຄະນະຄູອາຈານທີ່ມີຄຸນນະພາບ ແລະ ປະສົບການຕົວຈິງມາສິດສອນ.
ປະກອບມີ 4 ຫຼັກສູດປະລິນຍາຕີ:
1. ປະລິຍາຕິເຕັກໂນໂລຊີ ສາຂາ ວິທະຍາສາດຄອມພິວເຕີ ແລະວິສະວະກຳ;
2. ປະລິຍາຕິເຕັກໂນໂລຊີ ສາຂາ ວິທະຍາສາດຄອມພິວເຕີ ແລະວິສະວະກຳ ສາຍ AI ແລະ ML;
3. ປະລິຍາຕິເຕັກໂນໂລຊີ ສາຂາ ວິທະຍາສາດຄອມພິວເຕີ ແລະວິສະວະກຳ ສາຍວິທະຍາສາດຂໍ້ມູນ;
4. ປະລິຍາຕິເຕັກໂນໂລຊີ ສາຂາ ວິທະຍາສາດຄອມພິວເຕີ ແລະວິສະວະກຳ ສາຍ ຄວາມປອດໄພທາງໄຊເບີ.

#ພິເສດ ເພິ່ນມີການໃຫ້ທຶນການສຶກສາ ແກ່ນັກສຶກສາ 100 ຄົນ ທຳອິດ. ນອກຈາກຮຽນຢູ່ລາວແລ້ວປີທີ່ສີ່ຍັງສາມາດໄປຮຽນຕໍ່ຢູ່ວິທະຍາເຂດ ຢູ່ປະເທດອິນເດຍ ແລະ ຈະມີການສະໜັບສະໜຸນຈາກ 2 ສະຖາບັນ ເພື່ອທີ່ຈະໄດ້ນຳໃຊ້ ເຂົ້າໃນການເຮັດວຽກທັນທີ ເມື່ອຮຽນຈົບມາ.

แชร์