ເສັ້ນທາງລົດໄຟ ຈີນ-ລາວ ໄດ້ຮັບຄວາມນິຍົມນັບມື້ນັບເພີ່ມຂຶ້ນ ໃນການທ່ອງທ່ຽວອາຊີຕາເວັນອອກສຽງໃຕ້

ວິທະຍຸສາກົນແຫ່ງປະເທດຈີນ (CRI) ໄດ້ລາຍງານວ່າ: ນັບແຕ່ປີ 2023 ເປັນຕົ້ນມາ, ບໍລິເວນລຽບຕາມເສັ້ນທາງລົດໄຟ ຈີນ-ລາວ ໄດ້ມີຜູ້ ໂດຍສານນັບມື້ນັບຫລາຍ, ການທ່ອງທ່ຽວໂດຍຂີ່ລົດໄຟໂດຍສານສາກົນຕາມເສັ້ນທາງລົດໄຟ ຈີນ-ລາວ ໄດ້ເປັນທີ່ຄວາມນິຍົມອັນໃໝ່.

ແຕ່ວັນທີ 23–26 ພຶດສະພາ 2023, ນັກຮຽນປະຖົມ 100 ຄົນຂອງລາວ ໄດ້ຂີ່ລົດໄຟເດີນທາງຈາກນະຄອນຫລວງວຽງຈັນ ໄປຮອດນະຄອນຄຸນໝິງ ແຂວງຢຸນນານຈີນ, ແລ້ວຂີ່ລົດໄຟຄວາມໄວສູງໄປຮອດນະຄອນຫລວງປັກກິ່ງ. ຄວາມໃຝ່ຝັນຂອງນັກຮຽນປະຖົມລາວທີ່ຂີ່ລົດໄຟໄປປັກກິ່ງນັ້ນໄດ້ບັນລຸຜົນເປັນຈິງແລ້ວ.ວັນທີ 13 ພະຈິກ 2023, ຂະບວນລົດໄຟສະເພາະການທ່ອງທ່ຽວຖ້ຽວທຳ ອິດທີ່ຈາກນະຄອນຫລວງປັກກິ່ງ ຫາ ປະເທດລາວ ໄດ້ອອກເດີນທາງຈາກ ສະຖານີຝັ່ງເຟີ່ງໄທ ຂອງນະຄອນຫລວງປັກກິ່ງ, ເມື່ອໄປຮອດນະຄອນ ຄຸນໝິງແລ້ວ, ກໍແລ່ນຕາມເສັ້ນທາງລົດໄຟ ຈີນ-ລາວ ຕໍ່ໄປຮອດນະຄອນ ຫລວງວຽງຈັນອີກ. ຂະບວນລົດໄຟຖ້ຽວນີ້ໃຊ້ເວລາ 15 ວັນ, ຢູ່ລະຫວ່າງທາງ ຈະຜ່ານແຫລ່ງທ່ອງທ່ຽວຕ່າງໆ ເຊັ່ນ: ສິບສອງພັ່ນນາ ແຂວງຢຸນນານ, ນະຄອນຊື້ປີ້ ແຂວງຫູເປີຍ, ຫລວງພະບາງຂອງລາວ ແລະ ອື່ນໆອີກ. ພວກນັກທ່ອງທ່ຽວໄດ້ສຳຜັດກັບມົນສະເໜ່ຂອງເສັ້ນທາງລົດໄຟ ຈີນ-ລາວ ທີ່ເປັນໂຄງການສຳຄັນເປັນຂີດໝາຍໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ດ້ວຍຄຸນນະພາບສູງ.

ນັບແຕ່ການເປີດນຳໃຊ້ເປັນຕົ້ນມາ, ເສັ້ນທາງລົດໄຟ ຈີນ-ລາວ ໄດ້ອອກ ແຮງສົ່ງເສີມຮູບແບບການພັດທະນາໃໝ່ “ທາງລົດໄຟ + ການທ່ອງທ່ຽວ”. ຫລາຍບໍລິສັດທ່ອງທ່ຽວ ໄດ້ນຳສະເໜີເສັ້ນທາງທ່ອງທ່ຽວຕາມເສັ້ນ ທາງລົດໄຟ ຈີນ-ລາວ, ຈາກພູຫິມະ ຮອດ ປ່າໄມ້ເຂດຮ້ອນ ຈາກທົ່ງພຽງ ແຂວງເສສວນ ຮອດປ່າໄມ້ເຂດຮ້ອນ ແລະການບໍລິການທ່ອງທ່ຽວອື່ນໆ ໄດ້ຮັບຄວາມນິຍົມຫລາຍ ແລະມີນັກທ່ອງທ່ຽວນັບມື້ນັບເພີ່ມຂຶ້ນ, ນັກທ່ອງທ່ຽວເກືອບ 1 ແສນຄົນ ໄດ້ສຳຜັດກັບການທ່ອງທ່ຽວຂ້າມຊາດ ທີ່ຂີ່ລົດໄຟທ່ຽວປະເທດລາວ ຂີ່ລົດໄຟທ່ຽວປະເທດຈີນ. ມີຂໍ້ມູນສະແດງໃຫ້ ເຫັນວ່າ ນັບມາຮອດວັນທີ 5 ທັນວາ 2023, ດ່ານບໍ່ຫານ ໄດ້ກວດກາ ຂະບວນລົດໄຟໂດຍສານສາກົນ 474 ຖ້ຽວເທື່ອ, ກວດນັກທ່ອງທ່ຽວເຂົ້າ ອອກເມືອງທີ່ມາຈາກ 75 ປະເທດຂອງ 6 ທະວີບ ລື່ນ100.186 ເທື່ອຄົນນັກທ່ອງທ່ຽວຕ່າງປະເທດທີ່ເຂົ້າອອກເມືອງ ມີປະມານ 14.900 ເທື່ອຄົນ, ກວມ 14,9%, ຜູ້ໂດຍສານສັນຊາດລາວ, ໄທ ແລະສິງກະໂປ ມີຈຳນວນຢູ່ ແຖວໜ້າ.

ບໍ່ພຽງແຕ່ເທົ່ານັ້ນ, ເສັ້ນທາງລົດໄຟ ຈີນ-ລາວ ຍັງໄດ້ປັບປຸງແຜນການ ຈັດສັນຂະບວນລົດໄຟເລື້ອຍໆ, ເພື່ອຕອບສະໜອງຕາມຄວາມຕ້ອງການ ຂອງປະຊາຊົນສອງຊາດຈີນ ແລະລາວ. ນັບແຕ່ເປີດລົດໄຟໂດຍສານສາກົນຕາມເສັ້ນທາງລົດໄຟ ຈີນ-ລາວ ເປັນຕົ້ນມາ, ຢູ່ລະຫວ່າງນະຄອນຄຸນໝິງ ແລະ ນະຄອນຫລວງວຽງຈັນ ສາມາດເດີນທາງໄປຮອດພາຍໃນມື້ດຽວ, ເວລາການແລ່ນລົດຫລຸດລົງເປັນ 9 ຊົ່ວໂມງ 26 ນາທີ, ເວລາເຂົ້າເມືອງ ແລະອອກເມືອງຂອງຜູ້ໂດຍສານຕ່າງໄດ້ຫລຸດລົງເປັນປະມານ 1 ຊົ່ວໂມງ, ເປົ້າໝາຍການພັດທະນາຂອງລົດໄຟໂດຍສານສາກົນຕາມເສັ້ນ ທາງລົດໄຟ ຈີນ-ລາວ ພວມບັນລຸຜົນເປັນຈິງເທື່ອລະກ້າວ. ຢູ່ຕອນປະເທດ ຈີນ ມີລົດໄຟ 51 ຖ້ຽວ ສະເລ່ຕໍ່ມື້, ມື້ສູງສຸດໄດ້ເປີດ 74 ຖ້ຽວ, ມື້ທີ່ໄດ້ຂົນສົ່ງ ຜູ້ໂດຍສານຫລາຍທີ່ສຸດເຖິງ 83.000 ເທື່ອຄົນ. ສາມາດເຫັນໄດ້ວ່າເສັ້ນທາງລົດໄຟ ຈີນ-ລາວ ພວມໄດ້ຮັບຄວາມນິຍົມຊົມຊອບນັບມື້ນັບເພີ່ມ ຂຶ້ນໃນການທ່ອງທ່ຽວອາຊີຕາເວັນອອກສຽງໃຕ້. ກ່ອນໜ້ານີ້ ເມື່ອເວົ້າເຖິງ ການທ່ອງທ່ຽວອາຊີຕາເວັນອອກສຽງໃຕ້, ຄົນສ່ວນຫລາຍມັກຈະຄິດເຖິງ ສິງກະໂປ, ມະເລເຊຍ ແລະໄທ, ສຳລັບເສັ້ນທາງລົດໄຟ ຈີນ-ລາວ ຈະຊຸກຍູ້ໃຫ້ການທ່ອງທ່ຽວຂອງລາວພັດທະນາແບບຍືນຍົງ ແລະສ້າງຜົນງານທີ່ພົ້ນເດັ່ນຢ່າງບໍ່ຢຸດຢັ້ງ.

แชร์