ກົນໄກການພິຈາລະນາຈັດສັນທຶນຂອງລັດເຂົ້າໃສ່ໂຄງການ ແລະການນໍາສະເໜີ

ຂັ້ນຕອນການຄົ້ນຄວ້າຈັດສັນງົບປະມານການລົງທຶນຂອງລັດໃສ່ໂຄງການລະອຽດ ແລະການນໍາສະເໝີໃຫ້ສະພາແຫ່ງຊາດ ຫຼືສະພາປະຊາຊົນແຂວງ/ນະຄອນຫຼວງ ເພື່ອພິຈາລະນາຮັບຮອງແມ່ນໄດ້ກໍານົດໄວ້ຢ່າງຈະແຈ້ງແລ້ວ ຢູ່ໃນມາດຕາ 35, 36, 37, 38 ແລະ 39 ຂອງກົດຫມາຍວ່າດ້ວຍການລົງທຶນຂອງລັດ; ລັງລວມໂດຍຫຍໍ້ ແມ່ນ; 

ຂັ້ນສູນກາງ ພາຍຫຼັງໄດ້ຮັບການແຈ້ງເພດານງົບປະມານການລົງທຶນຂອງແຕ່ລະພາກສ່ວນແລ້ວ, ເຈົ້າຂອງໂຄງການເປັນຜູ້ຄົ້ນຄວ້າຈັດສັນງົບປະມານທີ່ຕົນເອງໄດ້ຮັບນັ້ນເຂົ້າໃສ່ໂຄງການລະອຽດຂອງຕົນ (ທຸກປະເພດໂຄງການ IV) ແລ້ວນໍາສະເຫນີເຖິງກະຊວງແຜນການ ແລະການລົງທຶນເພື່ອລາຍງານລັດຖະບານ ແລະນໍາສະເໜີເຖິງສະພາແຫ່ງຊາດພິຈາລະນາຮັບຮອງ.

ຂັ້ນທ້ອງຖິ່ນ ພາຍຫຼັງໄດ້ຮັບການແຈ້ງເພດານງົບປະມານການລົງທຶນຂອງແຕ່ລະພາກສ່ວນແລ້ວ, ເຈົ້າຂອງໂຄງການເປັນຜູ້ຄົ້ນຄວ້າຈັດສັນງົບປະມານທີ່ຕົນເອງໄດ້ຮັບນັ້ນ ເຂົ້າໃສ່ໂຄງການ ລະອຽດຂອງຕົນ (ທຸກປະເພດໂຄງການ I–V). ແຕ່ການນໍາສະເໜີເພື່ອພິຈາລະນາຮັບຮອງ ໄດ້ ແບ່ງອອກເປັນ 2 ພາກສ່ວນ ຄື: ພາກສ່ວນທີ 1 ໂຄງການປະເພດ I - IV ແມ່ນນໍາສະເໜີເຖິງກະຊວງແຜນການ ແລະການລົງທຶນເພື່ອລາຍງານລັດຖະບານ ແລະນໍາສະເໜີເຖິງສະພາແຫ່ງຊາດພິຈາລະນາຮັບຮອງ. ພາກສ່ວນທີ 2 ແມ່ນສະເພາະໂຄງການປະເພດ V ແມ່ນນໍາສະເໜີເຖິງກະຊວງແຜນການ ແລະ ການລົງທຶນເພື່ອຄົ້ນຄວ້າມີຄໍາເຫັນກ່ຽວກັບຄວາມສອດຄ່ອງທາງດ້ານນະໂຍ ບາຍການພັດທະນາ ແລະກົດໝາຍວ່າດ້ວຍການລົງທຶນຂອງລັດແລ້ວນໍາສົ່ງຄືນໃຫ້ແຕ່ລະແຂວງນໍາສະເໜີເຖິງສະພາທ້ອງຖິ່ນພິຈາລະນາຮັບຮອງ. 

ກົມແຜນການ, ກຜທ

แชร์