ພີເອດສແອວ ເຊີວິດ ມອບ 500 ລ້ານກີບ ອຸປະຖໍາ ປະກອບສ່ວນວັນສ້າງຕັ້ງກອງທັບ

ບໍລິສັດ ພີເອສແອວ ເຊີວິດ ຈໍາກັດຜູ້ດຽວ ໄດ້ເຫັນຄວາມໝາຍຄວາມສຳຄັນຂອງຊາດ ມອບເງິນຈຳນວນ 500 ລ້ານກີບ ເນື່ອງໃນໂອກາດສະເຫລີມສະຫລອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ.

ວັນທີ 12 ມັງກອນ 2024 ນີ້,ທ່ານ ນາງ ພວງທອງ ສຸຍະວົງ ປະທານບໍລິສັດ ພີເອດສ໌ເຊີວິດຊ໌ ຈຳກັດຜູ້ດຽວ ພ້ອມຄະນະໄດ້ນໍາເອົາກະຕ່າຂອງຂວັນ, ກະຕ່າດອກໄມ້ ເຂົ້າອວຍພອນ ແລະຄໍາອວຍພອນໄຊອັນປະເສີດມາອວຍພອນໃຫ້ຄະນະນໍາກະຊວງປ້ອງກັນປະເທດ, ພ້ອມທັງມອບເງິນຊຸກຍູ້ຈໍານວນ 300 ລ້ານກີບ ໃຫ້ຄະນະນຳກະຊວງປ້ອງກັນປະເທດ ໃຫ້ກຽດຮັບສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ພ້ອມຄະນະນໍາກະຊວງປ້ອງກັນປະເທດຕ້ອນຮັບການເຂົ້າອວຍພອນຈາກທ່ານ ນາງ ພວງທອງ ສຸຍະວົງ ປະທານບໍລິສັດ ພີເອດສ໌ເຊີວິດຊ໌ ຈຳກັດຜູ້ດຽວ ພ້ອມຄະນະ.

ວັນທີ 11 ມັງກອນ 2024ນີ້, ບໍລິສັດ ພີເອສແອວ ເຊີວິດ ຈໍາກັດຜູ້ດຽວ ໄດ້ມອບເງິນອຸປະຖໍາຊຸກຍູ້ ກົມໃຫຍ່ເສນາທິການກອງທັບ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ກ່າວມອບ ໂດຍ ທ່ານ ນາງ ພວງທອງ ສຸຍະວົງ ປະທານ ບໍລິສັດ ພີເອສແອວ ເຊີວິດ ຈໍາກັດຜູ້ດຽວ ພ້ອມດ້ວຍຄະນະທີ່ໄດ້ມາມອບເງິນອຸປະຖໍາຊຸກຍູ້ໃຫ້ຫ້ອງການກົມໃຫຍ່ເສນາທິການ ຈໍານວນເງິນ 100.000.000 ກີບ, ຕາງໜ້າກ່າວຮັບໂດຍ ສະຫາຍ ພັນເອກ ສຸລິໄຊ ພິຈິດ ຫົວໜ້າຫ້ອງການກົມໃຫຍ່ເສນາທິການ ແລະໄດ້ມອບເງິນອຸປະຖໍາຊຸກຍູ້ໃຫ້ກົມໃຫຍ່ເສນາທິການ ຈໍານວນເງິນ 100.000.000 ກີບ, ກ່າວຮັບໂດຍ ພົນໂທ ຄໍາລຽງ ອຸທະໄກສອນ ຫົວໜ້າກົມໃຫຍ່ເສນາທິການກອງທັບ ພ້ອມດ້ວຍພາກສ່ວນທັງສອງຝ່າຍເຂົ້າຮ່ວມ. ໂດຍການມາມອບເງິນອຸປະຖໍາຊຸກຍູ້ໃນຄັ້ງນີ້, ກໍເພື່ອເປັນການຊຸກຍູ້ປະກອບສ່ວນເຂົ້າໃນວຽກງານດ້ານຕ່າງໆ ຂອງກົມໃຫຍ່ເສນາທິການ, ເຮັດໃຫ້ມີບັນຍາກາດຟົດຟື້ນມ່ວນຊື່ນເນື່ອງໃນໂອກາດສະເຫຼີມສະຫຼອງ ຕ້ອນຮັບວັນປະຫວັດສາດສໍາຄັນຕ່າງໆຂອງຊາດ, ຂອງພັກ, ຂອງກອງທັບເວົ້າລວມ ເວົ້າສະເພາະ, ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ກໍໄດ້ກ່າວສະແດງຄວາມຂອບອົກຂອບໃຈເປັນຢ່າງສູງມາຍັງ ທ່ານ ນາງ ພວງທອງ ສຸຍະວົງ ປະທານ ບໍລິສັດ ພີເອສແອວ ເຊີວິດ ຈໍາກັດຜູ້ດຽວ ທີ່ໃຫ້ການຊຸກຍູ້ອຸປະຖໍາຊ່ວຍເຫຼືອ ແລະ ອວຍພອນໃຫ້ສະຫາຍມີສຸຂະພາບແຂງແຮງ ການງານ, ການເງິນການດໍາເນີນທຸລະກິດໃຫ້ຈະເລີນຮຸ່ງເຮືອງ ແລະປະສົບຜົນສົບຜົນສໍາເລັດຍິ່ງໆຂຶ້ນ.

แชร์