.

ຫົວເຫວີຍໄດ້ນຳສະເໜີໂຊລູຊັ່ນ ລະບົບຕ້ານການໂຈນລະກຳຂໍ້ມູນຂອງ ແລນຊໍ່າແວຣ໌ (Ransomware) ກຳນົດມາດຕະຖານໃໝ່ໃນການປ້ອງກັນຄວາມປອດໄພຂອງຂໍ້ມູນສຳລັບອຸດສາຫະກຳການເງິນໃນງານ ສັບປະດາດິຈິຕອນລາວ 2024.

.

ໃນມື້ວັນທີ 11 ມັງກອນ 2004 ທີ່ຜ່ານມາ, ຢູ່ທີ່ສັບປະດາດິຈິຕອນລາວ 2024 (Lao Digital Week 2024) ທີ່ຈັດຂື້ນໂດຍ ກະຊວງເຕັກໂນໂລຊີ ແລະ ການສື່ສານ. ຜູ້ຊ່ຽວຊານຈາກຫົວເຫວີຍໄດ້ມີໂອກາດຂຶ້ນບັນຍາຍໃນຫົວຂໍ້ “ຄວາມສໍາຄັນຂອງການປົກປ້ອງຂໍ້ມູນພາຍໃຕ້ໄພຄຸກຄາມຂອງແລນຊໍາແວຣ໌ (Ransomware)” ໂດຍທ່ານ ອາເລັກ ຫວູ (Alex Wu), ຜູ້ອໍານວຍການຝ່າຍ ໂຊລູຊັ່ນເທັກໂນໂລຊີ ທາງດ້ານອຸດສາຫະກໍາການເງິນ ຂອງຫົວເຫວີຍປະຈຳອາຊີຕາເວັນອອກສຽງໃຕ້. ເຊິ່ງທ່ານໄດ້ຂຶ້ນບັນຍາຍເຖິງເນັ້ນຫນັກເຖິງຄວາມສໍາຄັນຂອງຄວາມປອດໄພຂອງຂໍ້ມູນ ແລະຄວາມເສຍຫາຍທີ່ເກີດຈາກການໂຈນລະກຳຂໍ້ມູນດ້ວຍແລນຊໍ່າແວຣ໌ (Ransomware) ໃນຍຸກການເງິນດິຈິຕອນ.

ທ່ານອາເລັກຫວູໄດ້ຮຽກຮ້ອງຢ່າງຈິງຈັງຕໍ່ສະຖາບັນການເງິນໃຫ້ຍົກລະດັບພື້ນຖານໂຄງລ່າງທາງດ້ານ ITຂອງຕົນຢ່າງຕໍ່ເນື່ອງ ລວມທັງການສໍາຮອງຂໍ້ມູນໄວ້ໃນຫລາຍຮູບແບບຂອງການຈັດເກັບຂໍ້ມູນ ແລະ ຮັບປະກັນໃຫ້ກັບການເກັບຮັກສາຂໍ້ມູນມີຄວາມພ້ອມໃຊ້ງານຕະຫຼອດເວລາ ແລະ ມີຄວາມປອດໄພໄຊເບີ້ ເນື່ອງຈາກໃນຊຸມປີທີ່ຜ່ານການໂຈມຕີແລນຊ່ຳແວຣ໌(Ransomware)ແມ່ນໄດ້ສ້າງຄວາມເສຍຫາຍຕໍ່ລະບົບ ແລະ ມູນຄ່າຄວາມເສຍຫາຍຢ່າງມະຫາສານ. ສໍາລັບຜົນກະທົບຕໍ່ສະຖາບັນການເງິນທີ່ເປັນ ທະນາຄານທຸລະກິດ ແລະ ຜູ້ໃຫ້ບໍລິການດ້ານການເງິນອື່ນໆ, ທ່ານ ອາເລັກ ຫວູ ເນັ້ນໜັກວ່າ, ຍ້ອນວ່າຂໍ້ມູນຖືເປັນຊັບສິນທີ່ສຳຄັນໃນຂະແໜງການເງິນ, ຜົນກະທົບຂອງການໂຈມຕີດັ່ງກ່າວໄດ້ສະແດງໃຫ້ເຫັນຊັດເຈນບໍ່ວ່າຈະເປັນການຢຸດຊະງັກດ້ານການບໍລິການ, ການສູນເສຍດ້ານການເງິນຢ່າງຫຼວງຫຼາຍ, ແລະ ຄວາມເສຍຫາຍທາງດ້ານຊື່ສຽງຢ່າງຮ້າຍແຮງ.

ສະພາບແວດລ້ອມຂອງໄພຄຸກຄາມຕໍ່ຂໍ້ມູນທີ່ມີການພັດທະນາຢ່າງຕໍ່ເນື່ອງເຮັດໃຫ້ຕ້ອງມີການໃຫ້ຄວາມສົນໃຈຕໍ່ຄວາມສ່ຽງທີ່ເກີດຈາກອຸປະກອນພາຍໃນລະບົບໄປສູ່ໄພຄຸກຄາມ ແລະ ຄວາມສ່ຽງທີ່ເກີດຈາກມະນຸດ. ເຊິ່ງການຫັນປ່ຽນດັ່ງກ່າວເປັນການກະຕຸ້ນໃຫ້ຜູ້ບໍລິຫານທາງເຕັກໂນໂລຢີ (CTOs) ເເລະຜູ້ຮັບຜິດຊອບດ້ານຄວາມປອດໄພຂໍ້ມູນຂ່າວສານ(CISOs) ສັງເກດເຫັນວ່າລະບົບການຈັດເກັບຂໍ້ມູນແບບດັ້ງເດີມເຊັ່ນ:ການສໍາຮອງຂໍ້ມູນໂດຍທົ່ວໄປແມ່ນບໍ່ສາມາດຕອບສະໜອງຕໍ່ຄວາມທ້າທາຍໃໝ່ຂອງໂລກດິຈິຕອນນີ້ໄດ້ ແລະ ໃນປັດຈຸບັນການເກັບຮັກສາຂໍ້ມູນໄດ້ກາຍເປັນສິ່ງປ້ອງກັນສຸດທ້າຍເພື່ອຮັບປະກັນຄວາມສະຖຽນລະພາບຂອງຂໍ້ມູນ.

ໃນການຮັບມືກັບຄວາມຊັບຊ້ອນເຫຼົ່ານີ້, ບັນດາອຸດສາຫະກໍາທາງດ້ານການເງິນຈໍາເປັນຕ້ອງມີລະບົບການເກັບຮັກສາຂໍ້ມູນທີ່ສາມາດຕໍ່ກອນກັບການປ້ອງກັນແບບຫລາຍລະດັບຊັ້ນ ແລະ ຕ້ອງມີເຕັກໂນໂລຢີແບບປະສົມປະສານ, ມີລະບົບສາມາດກວດສອບໄຟຣທີ່ແປກປອມເຊິ່ງມີຄວາມສ່ຽງຕໍ່ກັບແລນຊໍາແວຣ໌ (Ransomware), ການສໍາຮອງຂໍ້ມູນ. ເພື່ອຕອບສະຫນອງຄວາມຕ້ອງການທີ່ສໍາຄັນນີ້, ຫົວເຫວີຍໄດ້ສືບຕໍ່ເດີນຫນ້າເພື່ອພັດທະນາໂຊລູຊັ່ນການປ້ອງກັນແລນຊໍ່າແວຣ໌(Ransomware)ສຳຫຼັບການຈັດເກັບຂໍ້ມູນ ແລະ ອອກແບບມາເພື່ອສະຫນອງການປົກປ້ອງຂໍ້ມູນດ້ວຍໂຊລູຊັນທີ່ເປັນແຖວຫນ້າໃນອຸດສາຫະກໍາສໍາລັບຄວາມປອດໄພຂອງຂໍ້ມູນຂອງສະຖາບັນການເງິນ. ດ້ວຍໂຊລູຊັ່ນນີ້, ຫົວເຫວີຍພະຍາຍາມກ້າວໄປສູ່ຍຸກໃໝ່ຂອງການປົກປ້ອງຂໍ້ມູນທີ່ມີຄວາມເຂັ້ມແຂງ, ຮັບປະກັນວ່າຫົວໜ່ວຍການເງິນມີຄວາມພ້ອມໃນການປະເຊີນໜ້າ ແລະ ເອົາຊະນະສິ່ງທ້າທາຍທີ່ກຳລັງເກີດຂຶ້ນໂດຍແລນຊ່ຳແວຣ໌(Ransomware) ແລະ ໄພຂົ່ມຂູ່ໃນຍຸກຂອງດິຈິຕອນ.

ບັນດາສະຖາບັນການເງິນຕ່າງໆໃນທົ່ວໂລກໄດ້ເຫັນເຖິງຄວາມຈໍາເປັນຂອງລະບົບສໍາລັບການຈັດເກັບຮັກສາຂໍ້ມູນທີ່ຮອງຮັບຕໍ່ກັບການປ້ອງກັນຫຼາຍລະດັບຊັ້ນ ລວມທັງການກວດຫາແລນຊໍ່າແວຣ (Ransomware), ຖ່າຍໜ້າຈໍທີ່ປອດໄພ, ການເກັບຮັກສາສຳຮອງຂໍ້ມູນ. ເພື່ອຕອບສະໜອງຕໍ່ຄວາມຕ້ອງການອັນສຳຄັນນີ້, ຫົວເຫວີຍໄດ້ເປີດເຜີຍໂຊລູຊັນປ້ອງກັນແລນຊໍ່າແວຣ໌(Ransomware) ພື້ນທີ່ຈັດເກັບຂໍ້ມູນແບບເລັ່ງລັດທີ່ອອກແບບມາໂດຍສະເພາະເພື່ອປ້ອງກັນຄວາມປອດໄພຂອງຂໍ້ມູນຂອງສະຖາບັນການເງິນ.

ລະບົບຕ້ານການໂຈນລະກຳຂໍ້ມູນສາມາດລະບຸການໂຈມຕີການໂຈນລະກຳຂໍ້ມູນໄດ້ເຖິງ 99.9% ເຊິ່ງລວມເຖິງເຫດການກ່ອນການໂຈມຕີ,ໃນລະຫວ່າງການໂຈມຕີ,  ຫຼັງການໂຈມຕີຜ່ານເຄືອຂ່າຍ ແລະ ລະບົບຈັດເກັບຂໍ້ມູນ, ເພື່ອຊ່ວຍຮັກສາຄວາມປອດໄພທາງດ້ານຂໍ້ມູນ. ສະນັ້ນ, ຫົວເຫວີຍຈຶ່ງໄດ້ພັດທະນາໂຊລູຊັນລະບົບຕ້ານການໂຈນລະກຳຂໍ້ມູນເຊິ່ງສະແດງໃຫ້ເຫັນເຖິງການປ່ຽນແປງຮູບແບບການຮັກສາຂໍ້ມູນດ້ວຍການຍົກລະດັບລະບົບຄວາມປອດໄພຂຶ້ນອີກຫຼາຍຊັ້ນໂດຍເລີ່ມຈາກຊັ້ນເຄືອຂ່າຍເພື່ອກວດຈັບລະຫັດຂໍ້ມູນທີ່ເປັນອັນຕະລາຍ, ຮຽງລຳດັບລົງມາຈົນເຖິງຊັ້ນຂໍ້ມູນເພື່ອລະບຸຄວາມຜິດປົກກະຕິຂອງລະຫັດຂໍ້ມູນ ແລະ ເສີມສ້າງສະພາບແວດລ້ອມຂອງຂໍ້ມູນໃຫ້ມີຄວາມປອດໄພ. ໂຊລູຊັ່ນນີ້ ເປັນນະວັດຕະກຳທີ່ຈະຊ່ວຍກວດຈັບ  ແລະ ສະກັດກັ້ນການໂຈມຕີການໂຈນລະກຳຂໍ້ມູນໄດ້ຢ່າງວ່ອງໄວ,ໃນຂະນະດຽວກັນຂໍ້ມູນທີ່ໄດ້ມີການສໍາຮອງໂດຍການເຮັດ Snapshots ໄດ້ຖືກນຳໃຊ້ເພື່ອກູ້ຄືນການບໍລິການໄດ້ຢ່າງວ່ອງໄວ. ນອກຈາກນີ້, ການສໍາຮອງຂໍ້ມູນໃນເຄື່ອງຍັງອໍານວຍຄວາມສະດວກໃນການກູ້ຄືນການບໍລິການໄດ້ຢ່າງວ່ອງໄວພາຍໃນໄລຍະເວລາທີ່ບໍ່ເຖິງຊົ່ວໂມງ ແລະ AirGap ຈະແຍກຂໍ້ມູນໃນເຂດທີ່ປອດໄພໄວ້ ເພື່ອສ້າງເສັ້ນທາງທີ່ເລັ່ງລັດໃນການກູ້ຄືນການບໍລິການ.

ຫົວເຫວີຍ ໄດ້ປະສົບຜົນສໍາເລັດໃນການປັບໃຊ້ ໂຊລູຊັ່ນການປ້ອງກັນການໂຈນລະກຳຂໍ້ມູນທີ່ມີຄວາມປອດໄພ ແລະເຊື່ອຖືໄດ້. ປັດຈຸບັນນີ້,ຫົວເຫວີຍ ໄດ້ມີການເຮັດວຽກຮ່ວມກັນກັບທະນາຄານຊັ້ນນໍາໃນສິງກະໂປ, ຮົງກົງ, ໄທ ແລະ ລາວ. ໂດຍການສ້າງລະບົບປ້ອງກັນຂໍ້ມູນທີ່ແຂງແກ່ງສຳຫຼັບຄວາມປອດໄພຂອງຂໍ້ມູນທະນາຄານ. ເຊິ່ງການຮ່ວມມືທາງດ້ານຍຸດທະສາດນີ້ໄດ້ເຮັດໃຫ້ສະຖາບັນການເງິນມີຄວາມຢືດຍຸນຢ່າງຕໍ່ກັບໄພຂົ່ມຂູ່ທີ່ເກີດຂຶ້ນຂອງການໂຈມຕີການໂຈນລະການຂໍ້ມູນເຊິ່ງເປັນສັນຍາລັກຂອງຄວາມມຸ່ງໝັ້ນຂອງຫົວເຫວີຍໃນການສ້າງຄວາມປອດໄພຂອງຂໍ້ມູນໃຫ້ກັບຄູ່ຮ່ວມມືຂອງຕົນ. ໃນຖານະທີ່ຫົວເຫວີຍເປັນຜູ້ສະໜັບສະໜຸນມາຕະຫຼອດໃນການບຸກເບີກທິດທາງການພັດທະນາພື້ນຖານໂຄງລ່າງດ້ານໄອທີ, ການຈັດເກັບຂໍ້ມູນ. ຫົວເຫວີຍຍັງຄົງຍຶດຫມັ້ນ ແລະ ຮ່ວມມືກັບຄູ່ຮ່ວມງານດ້ານການເງິນ ແລະ ລູກຄ້າເພື່ອກ້າວສູ່ແຖວໜ້າຂອງຜະລິດຕະພັນນະວັດຕະກໍາ ແລະໂຊລູຊັນທີ່ທັນສະໄໝ. ພ້ອມດຽວກັນນີ້, ຫົວເຫວີຍຍັງເປັນຜູ້ນໍາ ຄວາມກ້າວໜ້າທາງດ້ານເຕັກໂນໂລຊີ ແລະໄດ້ກຽມພ້ອມທີ່ຈະປັບຕົວໃຫ້ເຂົ້າກັບຄວາມຕ້ອງການທາງທຸລະກິດໃນອະນາຄົດ ແລະ ນຳໄປສູ່ການຫັນປ່ຽນດ້ານດິຈິຕອນຂອງອຸດສາຫະກຳການເງິນ. ປັດຈຸບັນນີ້, ຫົວເຫວີຍມີຄວາມກະຕືລື້ລົ້ນພ້ອມທັງກະກຽມຄວາມພ້ອມ ແລະໃນອະນາຄົດຈະຂະຫຍາຍການຮ່ວມມືກັບທຸກທະນາຄານໃນລາວ, ໂດຍມີເປົ້າໝາຍຮ່ວມກັນເພື່ອປ້ອງກັນການໂຈມຕີການໂຈນລະກຳຂໍ້ມູນ ແລະ ເພີ່ມຄວາມປອດໄພໃນການຮັກສາຂໍ້ມູນທາງດ້ານການເງິນ.ສຳລັບຂໍ້ມູນເພີ່ມເຕີມກ່ຽວກັບໂຊລູຊັນສຳລັບການປ້ອງການການໂຈມຕີການໂຈນລະກຳຂໍ້ມູນທີ່ທັນສະໄໝຂອງຫົວເຫວີຍ ແລະຜົນກະທົບທີ່ມີການປ່ຽນແປງໃນການເພີ່ມຄວາມປອດໄພຂອງຂໍ້ມູນສໍາລັບສະຖາບັນການເງິນ.

ສາມາດເຂົ້າເບິ່ງຂໍ້ມູນເພີ່ມເຕີມໄດ້ທີ່ https://e.huawei.com/en/solutions/data-center/multi-level-data-center/mrp

 

 

แชร์