ທ່ານ ສະເຫຼີມໄຊ ກົມມະສິດ ໄດ້ສະແດງຄວາມຊົມເຊີຍຕໍ່ການປະກອບສ່ວນອັນໃຫຍ່ຫຼວງຂອງຫົວເຫວີຍໃນຂອບເຂດດ້ານເຕັກໂນໂລຊີຂອງລາວ, ໂດຍສະເພາະແມ່ນການຍ້ອງຍໍກ່ຽວກັບການນຳເອົາຄວາມກ້າວໜ້າຂອງ 5G ແລະ ICT. ທ່ານໄດ້ຍົກໃຫ້ເຫັນເຖິງຄວາມສໍາຄັນຂອງນະວັດຕະກໍາເຫຼົ່ານີ້ ໃນການຊີ້ນໍາປະເທດລາວໄປສູ່ການພັດທະນາເສດຖະກິດ-ສັງຄົມທີ່ສູງຂຶ້ນ ແລະ ການເຊື່ອມຕໍ່ທີ່ສູງຂຶ້ນ, ສະທ້ອນໃຫ້ເຫັນເຖິງການຮັບຮູ້ຂອງລັດຖະບານກ່ຽວກັບທ່າແຮງການຫັນປ່ຽນຂອງເຕັກໂນໂລຊີດິຈິຕອນ.

ຕໍ່ກັບການມາຢ້ຽມຊົມບູ໊ດຫົວເຫວີຍ ຂອງ ທ່ານ ສະເຫຼີມໄຊ ກົມມະສິດ ແລະ ໃຫ້ການສະໜັບສະໜູນຕໍ່ການພັດທະນາດ້ານດິຈິຕອນຢ່າງຕໍ່ເນື່ອງ, ຫົວເຫວີຍໄດ້ສະແດງການສະໜັບສະໜູນຢ່າງບໍ່ຢຸດຢັ້ງຕໍ່ວາລະການຫັນເປັນດີຈິຕອນຂອງລາວ, ໂດຍເນັ້ນໜັກເຖິງຄວາມເຕັມໃຈ ແລະ ມຸ່ງໝັ້ນຮ່ວມມືກັບລັດຖະບານ ເພື່ອນຳເອົາວິໄສທັດດ້ານດິຈິຕອນຂອງປະເທດຊາດໃຫ້ປະກົດຜົນເປັນຈິງ. ທ່ານ ຮົວ ຈື່ເໝຶງ (Edward Hua), ຜູ້ບໍລິຫານບໍລິສັດຫົວເຫວີຍລາວ ໄດ້ກ່າວວ່າ, “ພວກເຮົາຮູ້ສຶກເປັນກຽດຢ່າງຍິ່ງທີ່ຮອງນາຍົກລັດຖະມົນຕີມາຢ້ຽມຢາມບູ໊ດຂອງພວກເຮົາໃນງານສັບປະດາດິຈິຕອນລາວ 2024 ແລະ ຊົມເຊີຍຄວາມມຸ່ງໝັ້ນອັນເຂັ້ມແຂງຂອງລັດຖະບານໃນການຫັນເປັນດິຈິຕອນ. ຫົວເຫວີຍພ້ອມທີ່ຈະນຳໃຊ້ຄວາມຊ່ຽວຊານ ແລະ ຊັບພະຍາກອນຂອງພວກເຮົາທີ່ສອດຄ້ອງກັບການຫັນເປັນດິຈິຕອນຂອງລາວ ແລະ ປະກອບສ່ວນເຂົ້າໃນລະບົບນິເວດດິຈິຕອນທີ່ເຕີບໃຫຍ່ຂະຫຍາຍຕົວຂອງປະເທດຊາດ ເພື່ອຄວາມກ້າວໜ້າທາງດ້ານເສດຖະກິດ-ສັງຄົມ ແລະ ເພີ່ມທະວີການເຊື່ອມຈອດ”.