ປະທຸມມາຈັດງານລ້ຽງຄົບຮອບ 13 ປີ ພ້ອມສະຫລອງປີໃຫມ່ສາກົນ

ບໍລິສັດ ປະທຸມມາຈຳກັດ ຈັດກິດຈະກຳງານລ້ຽງສ້າງສັນ ຄົບຮອບ 13 ປີ ພ້ອມສະຫລອງປີໃຫມ່ສາກົນຈຸດປະສົ່ງເພື່ອພົບປະສ້າງສັນກັບພະນັກງານບໍລິສັດເພື່ອສ້າງຄວາມຮັກແພງສາມັກຄີໃຫ້ພະນັກງານທຸກຄົນໂດຍມີທ່ານ ນາງ ພັດສະລາ ບຸນມານາວົງ ເຈົ້າຂອງບໍລິສັດປະທຸມມາ ຈຳກັດ ພ້ອມພາກສ່ວນກ່ຽວຂ້ອງເຂົ້າຮ່ວມສ້າງສີສັນມ່ວນຊື່ນງານດັາງກ່າວໄດ້ຈັດຂຶ້ນໃນວັນທີ 2 ມັງກອນ 2024 ໂດຍ ມີກິດຈະກຳ ແຈກຂອງຂວັນຈຳນວນ 55 ລາງວັນໃຫ້ພະນັກງານເພື່ອເປັນການສ້າງກຳລັງໃຈ.

ທ່ານ ນາງ ພັດສະລາ ບຸນມານາວົງ ປະທານບໍລິສັດປະທຸມມາ ຂາອອກ-ຂາເຂົ້າ ຈຳກັດຜູ້ດຽວ ແລະປະທານໂຮງງານນໍ້າດື່ມປະທຸມມາໃຫ້ຮູ້ວ່າ: ຕົນເອງເອີ້ນໄດ້ວ່າເປັນນັກທຸລະກິດເລີ່ມຈາກຕິດລົບກ່ອນຈະມາເປີດເປັນ ບໍລິສັດ ປະທຸມມາ ແຕ່ກ່ອນຈະມາເຮັດທຸລະກິດແມ່ນເປັນຄູສອນຢູ່ໂຮງຮຽນປະຖົມຕໍ່ມາຈື່ງໄດ້ອອກຈາກການເປັນຄູສອນມາເປີດຮ້ານຂາຍເຄື່ອງຍ່ອຍ ແລະຮັບຈ້າງເລາະສົ່ງນໍ້າດື່ມຕາມບ້ານໃຫ້ກັບໂຮງງານ ແລະອີກອາຊີບໜື່ງທີ່ເຮັດຄຽງຄູ່ກັນແມ່ນໄປເລາະຂາຍຕຳໝາກຮຸ່ງ ແລະ ທອດລູກຊີ້ນຍາມງານບຸນປະເພນີຕ່າງໆ ຕໍ່ມາໃນປີ 2013 ຈື່ງໄດ້ໄປກູ້ຢືມເງີນຢູ່ທະນາຄານມາເປີດ ບໍລິສັດ ປະທຸມມາ ເພື່ອສ້າງຄວາມຝັນທີ່ຢາກມີຖານະຄອບຄົວດີຂຶ້ນຮອດປະຈຸບັນແມ່ນຄົບຮອບ 10 ປີພໍດີ ນັບໄດ້ວ່າເປັນອີກບໍລິສັດ 1 ທີ່ມີຊື່ສຽງ ແລະໜ້າເຊື່ອຖືໃນດ້ານຕ່າງໆ ບໍລິສັດ ປະທຸມມາ ແມ່ນນຳເຂົ້າແລະຈຳໜ່າຍອາຫານເສີມເພື່ອສຸຂະພາບພ້ອມທັງຮັບຜະລິດແບຣນອາຫານເສີມແລະເຄື່ອງສຳອາງໃຫ້ກັບລູກຄ້າເປັນຈຳນວນຫລາຍ.

ວິໄສທັດຂອງ ບໍລິສັດ ປະທຸມມາຈະພັດທະນາການຕະຫຼາດອອນໄລນ໌ໃຫ້ຄຽງຄູ່ກັບການຕະຫຼາດອອັບໄລນ໌ທີ່ມີໃນປັດຈຸບັນຈະພັດທະນາອົງກອນທີ່ເກັ່ງໃນດ້ານການຂາຍອັອບໄລນ໌ໃຫ້ເກັ່ງດ້ານການຕະຫຼາດອອນໄລນ໌ໄປພ້ອມສີ່ງທີ່ສຳຄັນທີ່ສຸດຄືທາງບໍລິສັດເຮົາແມ່ນນຳເຂົ້າສີນຄ້າທີ່ມີຄຸນນະພາບ ແລະປອດໃພໃນການບໍລິໂພກສິນຄ້າບໍລິສັດ.

ສິ່ງທີ່ພິເສດສຸດໆອີກ1ເດືອນໃນວັນທີ 12-2-2024 ທາງບໍລິສັດປະທຸມມາ ຈະໄດ້ເປີດໂຮງງານຜະລິດຢາພື້ນເມືອງປະທຸມມາຢ່າງເປັນທາງການໂດຍທາງໂຮງງານຈະມີຄວາມມາດຕະຖາດສໍ່າໃດຕິດຕາມເບີ່ງນຳກັນໃນເດືອນກຸມພາ.

แชร์