ນາຍົກລັດຖະມົນຕີ ແຫ່ງ ສປປ ລາວ ເນັ້ນໜັກເຖິງນະວັດຕະກໍາດ້ານດິຈິຕອນ ທີ່ບູ໊ດຫົວເຫວີຍ ໃນງານສັບປະດາດິຈິຕອນລາວ 2024

ວັນທີ 10 ມັງກອນນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະນຳໄດ້ເຂົ້າຮ່ວມງານສັບປະດາດິຈິຕອນລາວປີ 2024 ຄັ້ງທີ 2 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ, ແລະໄດ້ໄປຢ້ຽມຢາມ ບູ໊ດວາງສະແດງ ຫົວເຫວີຍ ເພື່ອຊົມຜົນສຳເລັດ ດ້ານເຕັກໂນໂລຊີອັນໃໝ່ຂອງຫົວເຫວີຍ, ແລະໄດ້ພົບປະກັບທ່ານ ຮົວ ຈື່ເໝິງ (Edward Hua) ຜູ້ບໍລິຫານ ບໍລິສັດ ຫົວເຫວີຍ ເທັກໂນໂລຢີ (ລາວ) ຈຳກັດຜູ້ດຽວ.

ໃນລະຫວ່າງການຢ້ຽມຢາມບູ໊ດວາງສະແດງຫົວເຫວີຍທ່ານນາຍົກລັດຖະມົນຕີ ພ້ອມດ້ວຍຄະນະໄດ້ຮັບຟັງການບັນຍາຍກ່ຽວກັບການຄົ້ນຄວ້າພັດທະນາຂອງບໍລິສັດ ຫົວເຫວີຍ, ແນວຄວາມຄິດອຸດສາຫະກຳກ່ຽວກັບການຫັນເປັນດິຈິຕອນຂອງລັດ ເຊັ່ນ: 5G, ລະບົບອິນເຕີເນັດຜ່ານສາຍໄຍແກ້ວນຳແສງສູ່ອາຄານ (FTTR), ເໝືອງອັດສະລິຍະ, ຄວາມປອດໄພໄຊເບີ້, ລະບົບຄລາວ (Cloud), ພະລັງງານດິຈິຕອນ ແລະອຸປະກອນສື່ສານອັດສະລິຍະ. ທ່ານນາຍົກລັດຖະມົນຕີ ຊົມເຊີຍການປະກອບສ່ວນຂອງຫົວເຫວີຍ ໃນການຫັນເປັນດິຈິຕອນໃນລາວ, ເນັ້ນຫນັກເຖິງບົດບາດສໍາຄັນຂອງບໍລິສັດໃນຄວາມກ້າວຫນ້າທາງດ້ານພື້ນຖານໂຄງລ່າງເຕັກໂນໂລຊີ ແລະການເຊື່ອມຕໍ່ໃນທົ່ວປະເທດ.

ຫົວເຫວີຍ ຍາມໃດກໍເອົາໃຈໃສ່ໃນການມີສ່ວນຮ່ວມ ໃນການຫັນເປັນດິຈິຕອນ, ພາຍໃຕ້ຄໍາຂັວນ  “ຢູ່ລາວ ເພື່ອລາວ” ໃນງານຄັ້ງນີ້ ບູ໊ດວາງສະແດງຫົວເຫວີຍ ກໍຖືເປັນເວທີແລກປ່ຽນຄວາມຮູ້ ແລະເປີດໂອກາດໃຫ້ສັງຄົມລາວໂດຍສະເພາະແມ່ນຜູ້ປະກອບການນັກຮຽນ, ນັກສຶກສາ, ນັກວິຊາການດ້ານໂທລະຄົມ, ໄອຊີທີ, ຄວາມປອດໄພໄຊເບີໄດ້ມາສະແດງທັດສະນະຄຳຄິດຄຳເຫັນ ແລະຢ້ຽມຊົມການວາງສະແດງຈຳໜ່າຍຜະລິດຕະພັນ. ພ້ອມດຽວກັນນັ້ນກໍ່ເປີດໂອກາດ,

ແລກປ່ຽນບົດຮຽນ, ປະສົບການໃນການພັດທະນາເຕັກໂນໂລຊີດິຈິຕອນຂອງຜູ້ເຂົ້າຮ່ວມໃນງານ.

แชร์