ໄອແຄ ຜູ້ສ້າງໄວຫນຸ່ມກ້າວສູ່ສີມືອາຊີບ

ອີກຫນຶ່ງບໍລິສັດທີ່ມາແຮງທີ່ສຸດໃນປີ 2024, ບໍລິສັດໄອແຄບໍລິການຈຳກັດ ດ້ວຍບໍລິການທີ່ພົ້ນເດັ່ນບົນພື້ນຖານການແກ້ໄຂປັນຫາການຂາດແຮງງານພາຍໃນປະເທດ ຢ່າງຈິງຈັງ ຊຶ່ງໃນໄລຍະປີ2023 ທີ່ຜ່ານມາໄດ້ສ້າງອັດຕາການຈ້າງງານຫລາຍກວ່າ 700 ແຮງງານ ເນັ້ນໃສ່ການສ້າງງານໃຫ້ກັບແມ່ຍິງ ແລະໄວຫນຸ່ມທີ່ຂາດທັກສະ, ນຳໃຊ້ວິຊາຊີບທີ່ຈຳເປັນແລະເປັນທີ່ຕ້ອງການຈ້າງງານໃນສັງຄົມ.

ໃຫ້ເກີດປະໂຫຍດຕໍ່ນາຍຈ້າງ ແລະລູກຈ້າງໃນລະບຽບກົດຫມາຍທີ່ກະຊວງແຮງງານວາງອອກໃນການຄຸ້ມຄອງຜູ້ອອກແຮງງານຕາມຄົວເຮືອນ, ດ້ວຍວິທີຄວາມຄິດໃນການແກ້ໄຂປັນຫາແບບຈິງຈັງ ແລະ ເປັນທີ່ພໍໃຈຂອງສັງຄົມລາວ ຈຶ່ງເຮັດໃຫ້ໄອແຄໄດ້ຍົກລະດັບການບໍລິການສູ່ຄວາມທັນສະໃຫມ, ສະດວກສະບາຍ, ສະຖຽນດ້ານຂໍ້ມູນ ແລະໃຫ້ບໍລິການທີ່ວ່ອງໄວແບບທົ່ວເຖິງດ້ວຍການຍົກບໍລິການສູ່ ລະບົບ Mobile application, ຕໍ່ກັບການຍົກລະດັບດັ່ງກ່າວທີ່ມີຄວາມກ້າວຫນ້າດ້ານການພັດທະນາວຽກງານສະຫນອງແຮງງານ ແລະຄວາມທັນສະໃຫມຈຶ່ງເຮັດໃຫ້ບໍລິສັດໄອແຄບໍລິການໃດ້ຮັບລາງວັນຊະນະເລີດໃນເວທີການແຂ່ງຂັນ IBS LANCOM 2023 , ເຊິ່ງເປັນເວທີແຂ່ງຂັນສຳຫລັບທຸລະກິດສະຕຮາດອັບໃນລາວ ເຊິ່ງເປັນອີກຫນຶ່ງສະຕຮາດອັບທີ່ກຳລັງເປັນທີ່ນິຍົມ ແລະກ້າວກະໂດດໃນການຂະຫຍາຍຕົວ ດ້ວຍກິດຈະກຳທີ່ເນັ້ນໃສ່ການແກ້ໄຂປັນຫາສັງຄົມໃນຍຸກປັດຈຸບັນ.

ເມື່ອບໍ່ດົນຜ່ານມາໄດ້ມີການແຂ່ງຂັນຜູ້ປະກອບການທຸລະກິດສະຕາດອັບ IBS Startup Lao Entrepreneurship Competition 2023 (IBS LENCOM 2023) ບັນດາທີມຜູ້ຊະນະຈາກການແຂ່ງຂັນເຊິ່ງໄດ້ແກ່ລາງວັນຊະນະເລີດແມ່ນທີມ Icare: ຜະລິດຕະພັນແມ່ນແອັບ Icare ລະບົບບໍລິຫານຈັດການແມ່ບ້ານທີ່ໃຫ້ຄວາມສະດວກສະບາຍ ແລະທັນສະໄໝແກ່ຜູ້ບໍລິໂພກ.

- ຮາງວັນຮອງຊະນະເລີດອັນດັບ 1 ແມ່ນທີມ Gotech: ຜະລິດຕະພັນແມ່ນ Sangsai ບໍລິການຈັດຫາຊ່າງພາຍໃນຄົວເຮືອນ.
- ຮາງວັນຮອງຊະນະເລີດອັນດັບ 2 ແມ່ນທີມ Mekong Digital: ຜະລິດຕະພັນແມ່ນຂາຍມ່ວນ ລະບົບຈັດການອໍເດີ້ສຳລັບການຂາຍອອນລາຍ.

ບໍລິສັດ Icare ເຮັດກ່ຽວກັບການບໍລິການແມ່ບ້ານທຳຄວາມສະອາດເປັນອີກວຽກງານໜຶ່ງທີ່ສ້າງຂຶ້ນມາເພື່ອຕອບສະໜອງຄວາມຕ້ອງການໃຫ້ແກ່ສັງຄົມມີທັງແມ່ບ້ານ, ຜູ້ດູແລຄົນສູງອາຍຸ, ພໍ່ຄົວ ແລະບໍລິການລ້ຽງເດັກອີກດ້ວຍ. ນອກຈາກນີ້ຍັງເຮັດແບຣນນໍ້າຢາທຳຄວາມສະອາດ ເປັນຕົ້ນແມ່ນນຳຢາລ້າງຖ້ວຍ-ຈານ ທີ່ມີຊື່ວ່າ “ໄອແຄ”.

ການແຂ່ງຂັນ LENCOM ແມ່ນເພື່ອເປັນເວທີໃຫ້ກັບບັນດາທຸລະກິດລິເລີ່ມ ຫຼືເອີ້ນວ່າທຸລະກິດສະຕາດອັບໄດ້ນຳສະເໜີແນວຄິດໄອເດຍແຜນການທຸລະກິດທີ່ເປັນການບໍລິການ ແລະຜະລິດຕະພັນຂອງຄົນລາວເຮົາເອງໂດຍພາຍໃນງານໄດ້ມີການການແຂ່ງຂັນໄອເດຍທີ່ຫຼາກຫຼາຍຂອງບັນດາຜູ້ເຂົ້າແຂ່ງຂັນທັງໝົດ 10 ທີມ ເພື່ອແຂ່ງຂັນສຸດຍອດໄອເດຍຂອງຜູ້ປະກອບການທີ່ໂດດເດັ່ນທີ່ສຸດດ້ວຍເງິນຮາງວັນມູນຄ່າລວມ 5000 ໂດລາ.

ຂ່າວ: ນິກ

แชร์