ມສ ຈັນທາ ຮັບມະຫາຊົນກ້າວໜ້າ ເຂົ້າເປັນສະມາຊິກຊາວໜຸ່ມ

ໃນວັນທີ 4 ເມສາ ຜ່ານ ມາຄະນະຊາວໜຸ່ມຮາກຖານໂຮງ ຮຽນ ມສ ຈັນທາແຂວງອັດຕະປືໄດ້ຈັດພິທີຮັບເອົາມະຫາຊົນທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມປະຊາຊົນປະຕິວັດລາວ. ຂຶ້ນທີ່ສະໂມສອນໂຮງຮຽນດັ່ງ ກ່າວ.ໃຫ້ກຽດເຂົ້າຮ່ວມຂອງສະ ຫາຍອ໋ອງຄຳ ຄູນສະໄໝຮອງເລຂາຄະນະບໍລິຫານງານຊາວໜຸ່ມແຂວງ, ມີສະຫາຍ ນາງ ມວນມາ ລີກີຖາວອນຄະນະພັກຮາກຖານ ທັງເປັນຫົວໜ້າໜ່ວຍງານເຕັກໂນ ໂລຊີໂຮງຮຽນ ມສ ຈັນທາ, ມີສະ ຫາຍ ນາງ ບົວຜັນ ການຄຳຫົງ ສາ ວ່າການເລຂາຄະນະຊາວໜຸ່ມຮາກຖານໂຮງຮຽນ ມສ ຈັນທາ, ມີຄູ-ອາຈານ ພ້ອມດ້ວຍມະຫາຊົນກ້າວໜ້າເຂົ້າຮ່ວມ.

ໃນພິທີດັ່ງກ່າວສະຫາຍນາງ ບົວຜັນການຄຳຫົງສາໄດ້ຕາງໜ້າຄະນະຈັດຕັ້ງພິທີຂື້ນຜ່ານຂໍ້ຕົກ ລົງຂອງຄະນະບໍລິຫານງານຊາວໜຸ່ມແຂວງເພື່ອຮັບຮອງເອົາມະຫາຊົນທີ່ມີຄວາມກ້າວໜ້າຈຳນວນ 225 ສະຫາຍ; ຍິງ 110 ສະ ຫາຍເຂົ້າເປັນສະມາຊິກຊາວໜຸ່ມ ປະຊາຊົນປະຕິວັດລາວ, ຊຶ່ງມະຫາຊົນທີ່ມີຄວາມກ້າວໜ້າດັ່ງກ່າວລ້ວນແລ້ວແຕ່ໄດ້ຜ່ານການຝຶກຝົນ ຫຼໍ່ຫຼອມຮ່ຳຮຽນກົດລະບຽບ, ບົດບາດ, ພັນທະ, ສິດແລະໜ້າທີ່ຂອງຊາວໜຸ່ມປະຊາຊົນປະຕິວັດລາວ ແລະມີຄວາມຕື່ນຕົວສະໝັກໃຈຢາກເຂົ້າເປັນສະມາຊິກຊາວໜຸ່ມດ້ວຍຕົນເອງ. ດັ່ງນັ້ນຄະນະຊາວໜຸ່ມຮາກຖານໂຮງຮຽນ ມສ ຈັນທາແຂວງອັດຕະປື  ໂດຍສົມທົບກັບຄະນະບໍລິຫານງານຊາວໜຸ່ມແຂວງຈັດພິທີຮັບເອົາມະຫາຊົນທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມປະຊາຊົນປະຕິວັດລາວ ຢ່າງສົມກຽດ.

ນສພ ເສດຖະກິດ-ສັງຄົມ

 

แชร์