ໄຟຟ້າຫົງສາ ໃຫ້ຄວາມຮູ້ດ້ານປອດໄພ ແລະຮັກສາ ສິ່ງແວດລ້ອມແກ່ນັກຮຽນ

ພະແນກປະຊາສໍາພັນຝ່າຍ ສື່ສານອົງກອນບໍລິສັດໄຟຟ້າຫົງ ສາຈຳກັດຮ່ວມກັບຝ່າຍຄວາມ ປອດໄພສຸຂະພາບອະນາໄມ ແລະ ສິ່ງແວດລ້ອມ (Corporate SHE) ຈັດກິດຈະກຳໃຫ້ຄວາມ ຄວາມຮູ້ດ້ານຄວາມປອດໄພ ແລະການຮັກສາສິ່ງແວດລ້ອມໃຫ້ກັບນ້ອງໆນັກຮຽນໂຮງຮຽນພາຍໃນ ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ໃນລະຫວ່າງວັນ ທີ 8-10 ເມສາ 2019 ທີ່ເມືອງ ຫົງສາ ແຂວງໄຊຍະບູລີ. 

ກິດຈະກຳດັ່ງກ່າວປະກອບ ດ້ວຍການເຜີຍແຜ່ໃຫ້ຄວາມຮູ້ດ້ານຄວາມປອດໄພຂອງການນຳໃຊ້ ລົດ-ໃຊ້ຖະໜົນພ້ອມທັງແນວທາງໃນການປ້ອງກັນອຸບັດເຫດໃນການຂັບຂີ່ເພື່ອຊ່ວຍປ້ອງກັນແລະຊ່ວຍຫຼຸດຜ່ອນອຸປະຕິເຫດທີ່ຈະເກີດຂຶ້ນ ກັບໄວໜຸ່ມ, ການປ້ອງກັນຢາເສບ ຕິດ, ການຮັກສາສິ່ງແວດລ້ອມຕະ ຫຼອດຮອດການຮັກສາຂະນົບທຳນຽມຮີດຄອງປະເພນີອັນດີງາມ ໃນຊ່ວງບຸນປີໃໝ່ລາວປີ 2019, ໂດຍມີຄູອາຈານ ແລະນ້ອງນັກ ຮຽນຈາກໂຮງຮຽນມັດຖະຍົມສຶກສາສົມບູນນາປຸ່ງ, ໂຮງຮຽນມັດຖະ ຍົມສຶກສາສົມບູນບ້ານຫານ ເມືອງ ຫົງສາ, ໂຮງຮຽນມັດຖະຍົມສຶກສາສົມບູນເມືອງເງິນ, ໂຮງຮຽນມັດຖະ ຍົມສຶກສາສົມບູນນ້ຳເງິນເມືອງ ເງິນແລະໂຮງຮຽນມັດຖະຍົມສຶກ ສາສົມບູນຊຽງຮ່ອນເມືອງຊຽງຮ່ອນເຂົ້າຮ່ວມ.

ທັງນີ້ກໍ່ເພື່ອໃຫ້ນ້ອງໆນັກຮຽນໄດ້ໃຫ້ຄວາມສຳຄັນຂອງຄວາມ ປອດໄພ ແລະການຮັກສາສິ່ງແວດ ລ້ອມຫຼາຍຂຶ້ນ, ມີຄວາມລະມັດລະ ວັງ,ມີສະຕິ ແລະຄວາມບໍ່ປະໝາດໃນການໃຊ້ຊີວິດປະຈຳວັນຕະຫຼອດຮອດການນຳເອົາຄວາມຮູ້ທີ່ໄດ້ຮັບ ໄປເຜີຍແຜ່ໃຫ້ກັບຄົນໃນຄອບຄົວ ແລະຊຸມຊົນຕໍ່ໄປ.

ໂດຍ: ນໍ້າເໝີຍ

แชร์