ສີສົມບັດເຊົ່າສິນເຊື່ອ ຈັດໂປຣຕ້ອນຮັບປີໃໝ່ສາກົນ

ທ່ານ ຈັກະວານ ພະໄຊຈະເລີນ ຫົວໜ້າໜ່ວຍບໍລິການຈຳປາສັກ ບໍລິສັດສີສົມບັດ ເຊົ່າສິນເຊື່ອ ຈຳກັດ ໄດ້ລາຍງານໃຫ້ຮູ້ເມື່ອບໍ່ດົນມານີ້ວ່າ: ຜ່ານການດຳເນີນງານຕົວຈິງໃນໄລຍະ 10ເດືອນ ປີ 2023 ຜ່ານມາເຫັນວ່າມີລູກຄ້າທັງຜູ້ເກົ່າ ແລະຜູ້ໃຫມ່ເຂົ້າມາໃຊ້ບໍລິການເພີ່ມຫຼາຍຂຶ້ນໃນທຸກໆຜະລິດຕະພັນ ເຊັ່ນລູກຄ້າຜ່ອນດາວລົດມືໜຶ່ງ - ຜ່ອນດາວລົດມືສອງ ແລະກູ້ຢືມເງິນເຫັນວ່າເພີ່ມຂຶ້ນທັງຈຳນວນຄົນ ແລະຈຳນວນວົງເງິນປ່ອຍກູ້ຊຶ່ງສົມທຽບກັບໄລຍະດຽວກັນໃນປີຜ່ານມາເຫັນວ່າ ຈຳນວນເງິນປ່ອຍກູ້ເພີ່ມຂຶ້ນ 27%, ສ່ວນຈຳນວນລູກຄ້າເພີ່ມຂຶ້ນປະມານ 15%.

ດັ່ງນັ້ນເພື່ອຕອບແທນຄວາມໄວ້ວາງໃຈຂອງລູກຄ້າທີ່ມາໃຊ້ບໍລິການທີ່ດີຕະຫຼອດມາທາງບໍລິສັດສີສົມັບດເຊົ່າສິນເຊື່ອຂອງພວກເຮົາຈື່ງໄດ້ຈັດໂປຣໂມຊັນສົ່ງທ້າຍປີເກົ່າຕ້ອນຮັບປີໃຫມ່ດ້ວຍການຫຼູດອັດຕາດອກກເບ້ຍການຜ່ອນລົດມືສອງ ແລະການກູ້ຢືມເງິນລົງ ຈາກ 1,50% ລົງເຫຼືອພຽງ 0,99% ເດືອນ. ບໍ່ວ່າທ່ານຈະຊື້ລົດຢູ່ຮ້ານ ຫຼືຊື້ລົດຕໍ່ບຸກຄົນດອກເບ້ຍລົດມືສອງກໍພຽງແຕ່ 0,99% ຕໍ່ຕໍ່ເດືອນ.

ນອກນັ້ນທາງບໍລິສັດຍັງສ້າງເງື່ອນໄຂຕ່າງໆທີ່ອຳນວຍຄວາມສະດວກໃຫ້ແກ່ລູກຄ້າໃນການໃຊ້ບໍລິການຄື: ບໍ່ວ່າລູກຄ້າຈະຢູ່ແຂວງໃດໂດຍສະເພາະໃນສີ່ແຂວງພາກໃຕ້ນີ້ ຕ້ອງການກູ້ຢືມເງິນ ຫຼືຜ່ອນດາວລົດມືໜຶ່ງ ຫລືມືສອງ ທາງບໍລິສັດແມ່ນໃຫ້ບໍລິການເຖິງທີ່ໂດຍບໍມີຄ່າທຳນຽມໃນການບໍລິການແຕ່ຢ່າງໃດ, ລູກຄ້າທີ່ຢູ່ຄົບສັນຍາ 03 ປີຂຶ້ນໄປທາງບໍລິສັດກໍມີນະໂຍບາຍຈ່າຍຄ່າໂອນທະບຽນກັບຄືນໃຫ້ຟຮີ, ຖ້າລູກຄ້າທີ່ຕ້ອງການປິດຍອດກ່ອນກຳນົດທາງບໍລິສັດກໍມີນະໂຍບາຍຫລຸດດອກເບ້ຍທີ່ຍັງເຫຼືອໃຫ້  50%.

ພ້ອມດຽວກັນນັ້ນທາງບໍລິສັດສີສົມບັດເຊົ່າສິນເຊື່ອ ກໍຝາກເຖິງພໍ່ແມ່ປະຊາຊົນຊາວຄ້າຂາຍໂດຍສະເພາະຊາວກະສິກອນທີ່ກຳລັງເກັບກ່ຽວຜົນລະປູກເຊັ່ນ: ມັນຕັ້ນ ແລະກາເຟ ຫາກມີຄວາມຕ້ອງການທີ່ຈະຊື້ລົດບໍ່ວ່າຈະເປັນລົດມືໜຶ່ງ ຫຼືມືສອງ ແຕ່ເງິນບໍ່ພຽງພໍຕ້ອງການທີ່ຈະຜ່ອນດາວທາງບໍລິສັດສີສົມບັດກໍພ້ອມໃຫ້ບໍລິການເຕັມທີ່ ແລະພ້ອມມີນະໂຍບາຍພິເສດໃຫ້ນໍາອີກ. 

ໂດຍ: ໂພທິລາດ

แชร์