ມຊ ຄອງແຊ໋ມ 2 ລາຍການເຕະບານ ຊີງຂັນເລຂາຊາວໜຸ່ມ ສສກ

ðທີມຊາວໜຸ່ມຮາກຖານມະຫາວິທະຍາໄລແຫ່ງຊາດສ້າງຜົນງານໄດ້ຢ່າງໂດດເດັ່ນສາມາດຄວ້າ ແຊ໋ມທັງຮຸ່ນຊາວໜຸ່ມທົ່ວໄປ ແລະ ຮຸ່ນອາວຸໂສໃນການແຂ່ງຂັນເຕະ ບານຊາຍ 4 ພາກສ່ວນ ຊີງຂັນສະ ຫາຍເລຂາຊາວໜຸ່ມປະຊາຊົນປະຕິ ວັດລາວກະຊວງສຶກສາທິການ ແລະກີລາເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງຊາວໜຸ່ມປະຊາຊົນປະຕິວັດລາວຄົບ ຮອບ64 ປີ (14 ເມສາ 1955- 14 ເມສາ 2019) ທີ່ກຳລັງຈະໝູນວຽນມາບັນຈົບຄົບຮອບອີກວາ ລະໜຶ່ງໃນມໍ່ໆນີ້ໃຫ້ມີບັນຍາກາດ ຟົດຟື້ນ, ເບີກບານມ່ວນຊື່ນ ແລະມີ ຄວາມໝາຍສຳຄັນຍິ່ງຂຶ້ນ.

ການແຂ່ງຂັນກີລາເຕະບານ ຄັ້ງນີ້ໄດ້ຈັດຂຶ້ນໃນຕອນບ່າຍວັນທີ 9 ເມສາ ຜ່ານມາ ທີ່ເດີ່ນເຕະບານຫຍ້າທຽມສັບພະວິຊານະຄອນຫຼວງວຽງຈັນ, ໂດຍໃຫ້ກຽດເຂົ້າ ຮ່ວມ ແລະມອບລາງວັນຂອງທ່ານສຳລານ ພັນຄະວົງ ຄະນະບໍລິຫານ ງານສູນກາງຊາວໜຸ່ມປະຊາຊົນປະ ຕິວັດລາວ, ເລຂາຊາວໜຸ່ມປະຊາ ຊົນປະຕິວັດລາວກະຊວງສຶກສາ ທິການ ແລະກີລາ, ມີຄະນະບໍລິ ຫານງານຊາວໜຸ່ມ, ຄະນະຮາກ ຖານ, ຄະນະໜ່ວຍແຕ່ລະຮາກຖານ, ນັກກີລາ ແລະພາກສ່ວນທີ່ກ່ຽວ ຂ້ອງ.

ທ່ານ  ສຳລານ ພັນຄະວົງ  ກ່າວວ່າ: ການສ້າງຂະບວນການແຂ່ງ ຂັນກີລາເຕະບານໃນຄັ້ງນີ້ແມ່ນເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງຊາວໜຸ່ມປະຊາ ຊົນປະຕິວັດລາວຄົບຮອບ 64 ປີ (14 ເມສາ 1955-14 ເມສາ 2019) ທີ່ກຳລັງຈະໝູນວຽນມາ ບັນຈົບຄົບຮອບອີກວາລະໜຶ່ງໃນ ມໍ່ໆນີ້ໃຫ້ມີບັນຍາກາດຟົດຟື້ນ, ເບີກບານມ່ວນຊື່ນ ແລະມີຄວາມໝາຍ ສຳຄັນຍິ່ງຂຶ້ນ. ຄຽງຄູ່ກັນນັ້ນ, ກໍ ເພື່ອເປັນການຄັດເລືອກເອົານັກກີລາທີ່ມີຄວາມສາມາດ ແລະພອນສະຫວັນດີເດັ່ນກຽມຕາງໜ້າໃຫ້ທີມຊາວໜຸ່ມກະຊວງສຶກສາທິການ ແລະກີລາເຂົ້າຮ່ວມແຂ່ງຂັນລາຍ ການຕ່າງໆທີ່ທາງຂັ້ນເທິງຈັດຂຶ້ນ. ພ້ອມນັ້ນ, ກໍເພື່ອເປັນການຮັດແໜ້ນຄວາມສາມັກຄີຮັກແພງລະຫວ່າງຄະນະຊາວໜຸ່ມແຕ່ລະຮາກຖານໃຫ້ມີຄວາມແໜ້ນແຟ້ນຍິ່ງຂຶ້ນ, ມີຄວາມໃກ້ຊິດຕິດແທດກັນແນໃສ່ ເຮັດໃຫ້ການປະສານວຽກງານມີ ຄວາມສະດວກວ່ອງໄວ ແລະມີຜົນສຳເລັດເປັນກ້າວໆ.

ການແຂ່ງຂັນເຕະບານດັ່ງກ່າວ ມີທັງໝົດ 8 ທີມເຂົ້າຮ່ວມໃນນັ້ນຮຸ່ນຊາວໜຸ່ມທົ່ວໄປ 4 ທີມແລະຮຸ່ນຊາວໜຸ່ມອາວຸໂສ 4 ທີທີ່ມາຈາກ 4 ຮາກຖານອ້ອມຂ້າງກະຊວງ ສສກ  ຄື: ຮາກຖານສຳນັກກະຊວງ, ຮາກຖານໂຮງຮຽນອ້ອມຂ້າງ, ຮາກຖານໂຮງຮຽນເອກະຊົນ ແລະ ຮາກຖານມະຫາວິທະຍາໄລແຫ່ງ ຊາດ ຊຶ່ງການແຂ່ງຂັນແມ່ນຈັບ ສະຫຼາກປະສົບຄູ່ເສຍໄດ້ອັນດັບ 3 ທີມ ແລະທີມຊະນະເຂົ້າໄປຊີງ ຊະນະເລີດ.

ຜ່ານການແຂ່ງຂັນຮຸ່ນຊາວໜຸ່ມ ທົ່ວໄປຜົນປາກົດວ່າອັນດັບ 1ຮາຖານມະຫາວິທະຍາໄລແຫ່ງຊາດ ໄດ້ຮັບຂັນ 1 ໜ່ວຍ ພ້ອມເງິນສົດ 3 ແສນກີບ, ອັນດັບ 2 ຮາກຖານ ໂຮງຮຽນອ້ອມຂ້າງໄດ້ຮັບຂັນ 1 ໜ່ວຍ ພ້ອມເງິນສົດ 2 ແສນກີບ ແລະອັນດັບ 3 ຮ່ວມຮາກຖານສຳນັກກະຊວງແລະຮາກຖານໂຮຮຽນເອກະຊົນໄດ້ຮັບເງິນສົດພາກສ່ວນລະ 1 ແສນກີບ. ສ່ວນຮຸ່ນ ອາວຸໂສຜົນປາກົດວ່າອັນດັບ 1 ຮາກຖານມະຫາວິທະຍາໄລແຫ່ງ ຊາດໄດ້ຮັບຂັນ 1 ໜ່ວຍ ພ້ອມເງິນສົດ 3 ແສນກີບ, ອັນດັບ 2 ຮາກຖານໂຮງຮຽນອ້ອມຂ້າງໄດ້ຮັບ ຂັນ 1 ໜ່ວຍ ພ້ອມເງິນສົດ 2 ແສນກີບ ແລະອັນດັບ 3 ຮ່ວມ ຮາກຖານສຳນັກກະຊວງ ແລະ ຮາກຖານໂຮງຮຽນເອກະຊົນໄດ້ ຮັບເງິນສົດພາກສ່ວນລະ 1 ແສນ ກີບ.

ໂດຍ: ເຂີຍບ້ານຫ້ອມ

แชร์