ກຸ່ມບໍລິສັດ CCCG ບໍລິສັດ CWE ໄດ້ສໍາເລັດການຈັດພິທີເປີດງານ

ເນື່ອງໃນໂອກາດການສ້າງຕັ້ງສາຍພົວພັນການທູດ ລະຫວ່າງ ລາວ-ຈີນ ຄົບຮອບ 62 ປີ ແລະ ການປະກາດຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຄົບຮອບ 10 ປີ, ເພື່ອເພີ່ມທະວີຄວາມເຂັ້ມແຂງໃນການເຊື່ອມໂຍງເຊື່ອມຈອດ ແລະ ສົ່ງເສີມການພັດທະນາຮ່ວມກັນ, ບໍລິສັດ China  InternationalWater and Electric Corp. ໃນເຄືອຂອງກຸ່ມບໍລິສັດ CCCG (ຫຍໍ້: ບໍລິສັດCWE) ໄດ້ຈັດກິດຈະກໍາ ພາຍໃຕ້ຫົວຂໍ້ " ຮ່ວມກັນສ້າງອະນາຄົດການພັດທະນາແບບສີຂຽວ " ປະຈໍາ ສປປ ລາວ, ຂຶ້ນໃນວັນທີ 26 ທັນວາ ທີ່ນະຄອນຫຼວງວຽງຈັນ, ໃຫ້ກຽດເຂົ້າຮ່ວມ ແລະຂຶ້ນກ່າວຄໍາປາໄສໂດຍທ່ານ ສີນາວາ ສຸພານຸວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ຊືຢິນທ້າວ ຮອງປະທານສະພາບໍລິຫານ ບໍລິສັດ CWE,  ພ້ອມທັງໄດ້ຮັບກຽດກ່າວຄໍາປາໄສ ຜ່ານທາງອອນລາຍ ໂດຍ ທ່ານນາງ ເຊີນຊື ຮອງຫົວໜ້າສຳນັກພິມພາສາຕ່າງປະເທດແຫ່ງປະເທດຈີນແຫ່ງ ສປ ຈີນ, ທັງເປັນປະທານກິດຕິມະສັກ ຂອງມູນລະນິທິເພື່ອການກຸສົນຈົ່ງຕ້າວປັກກິ່ງ. ນອກນັ້ນ, ຍັງມີທ່ານ ບົວເທບ ມາໄລຄໍາ ຫົວໜ້າກົມຄຸ້ມຄອງຄວາມປອດໄພອຸດສາຫະກໍາພະລັງງານ ແລະທ່ານ ເສີມສິດທິ ສຸມຸນທາ ຮອງຫົວໜ້າກົມທຸຖະກິດ ແລະ ພະລັງງານ ຈາກ ກະຊວງພະລັງງານ ແລະ ບໍ່ແຮ່, ທ່ານ ຫານເຢ່ ແລະ ທ່ານ ນາງ ຫວັງໄຮເພີຍ ເລຂາ ທູດເສດຖະກິດ-ການຄ້າ ຈາກສະຖານທູດ ສປ ຈີນ ປະຈໍາ ສປປ ລາວ; ທ່ານ ນາງຈ້າງເຈ ຫົວໜ້າສະຖາບັນຄົ້ນຄວ້າຍຸດທະສາດອາຊີ-ປາຊີຟິກ ແລະສາກົນ ສະຖາບັນວິທະຍາສາດ-ສັງຄົມ ແຫ່ງຊາດຈີນ; ພ້ອມດ້ວຍ ຜູ້ຕາງໜ້າຈາກພາກສ່ວນທີ່ກ່ຽວຂ້ອງ ເຊັ່ນ: ບໍລິສັດສາຍສົ່ງໄຟຟ້າແຫ່ງຊາດລາວ ຈໍາກັດ, ສະມາຊິກຂອງສະພາການຄ້າຈີນ ປະຈໍາລາວ, ສະມາຊິກຂອງສະມາຄົມວິສາຫະກິດຜະລິດໄຟຟ້າຈີນ, ວິທະຍາໄລເຕັກນິກສັບພະວິຊາ, ໂຮງຮຽນ ມສ ປາກງວ້າ ແລະພາກສ່ວນອື່ນໆໃນຮູບແບບເຊິ່ງໜ້າ ແລະຜ່ານຮູບແບບອອນລາຍ, ລວມທັງໝົດ 170 ກວ່າຄົນ.

ພາຍໃຕ້ການເປັນສັກຂີພິຍານຂອງບັນດາແຂກຜູ້ມີກຽດທັງຫຼາຍ, ໄດ້ຖະແຫລງບົດວິໄຈຄັງສະຕິປັນຍາໃນຫົວຂໍ້ “ເສີມສ້າງນະວັດຕະກຳໃໝ່, ເພື່ອຊັກຈູງການພັດທະນາ, ເອົາຄວາມຄວາມປອດໄພມາກ່ອນແລະ ຢູ່ຮ່ວມກັນດ້ວຍຄວາມສັນຕິປອງດອງ” ແລະ “ບົດລາຍງານການພັດທະນາແບບຍືນຍົງ ຢູ່ປະເທດລາວ ຂອງ ກູ່ມບໍລິສັດ CCCG (ປີ 2013-2023)”, ໂດຍໄດ້ນໍາໃຊ້ຂໍ້ມູນທີ່ມີລັກສະນະພາວະວິໄສ ແລະ ປະສົບການຕົວຈິງ ຈາກການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”, ພ້ອມທັງຂຽນບົດໃໝ່ແຫ່ງການພັດທະນາດ້ວຍຄຸນນະພາບສູງ ເພື່ອເປັນທິດທາງໃນຕໍ່ໜ້າ. ເພື່ອເປັນການສົ່ງເສີມກໍ່ສ້າງບຸກຄະລະກອນ ແລະ ຊຸກຍູ້ຊ່ວຍເຫລືອສະຖາບັນການສຶກສາດ້ານເຕັກນິກພະລັງງານໄຟຟ້າຢູ່ ສປປ ລາວ, ບໍລິສັດ ໄຟຟ້ານໍ້າລີກ1-2 ຈຳກັດ ແລະ ວິທະຍາໄລເຕັກນິກຊັບພະວິຊາ ໄດ້ມີການປຶກສາຫາລື ແລະ ຕົກລົງຮ່ວມກັນລົງນາມສັນຍາ ກຳນົດເອົາເຂື່ອນໄຟຟ້ານໍ້າລີກ1-2 ເປັນຖານຝຶກງານໃຫ້ນັກສຶກສາຂະແໜງເຕັກນິກໄຟຟ້າພະລັງງານນໍ້າ. ພ້ອມທັງດໍາເນີນການເປີດປ້າຍຢ່າງເປັນທາງການ. ໃນພິທີ ຍັງໄດ້ມີກິດຈະກໍາການກຸສົນ “ຫໍສະໝຸດ ແມ່ນໍ້າຂອງ-ແມ່ນໍ້າລ້ານຊ້າງ” ໄລຍະ 3, ເຊິ່ງກິດຈະກໍາດັ່ງກ່າວ ແມ່ນສຳນັກພິມພາສາຕ່າງປະເທດແຫ່ງປະເທດຈີນແຫ່ງ ສປ ຈີນ, ມູນລະນິທິເພື່ອການກຸສົນຈົ່ງຕ້າວປັກກິ່ງ ແລະ ບໍລິສັດCWE ຮ່ວມກັນດໍາເນີນການ, ໂດຍອີງຕາມຄວາມຮຽກຮ້ອງຕ້ອງການຂອງຝ່າຍໂຮງຮຽນ ມສ ປາກງວ້າ, ເຊິ່ງພາຍໃຕ້ການຈັດຕັ້ງນໍາພາຂອງສໍານັກງານໃຫຍ່ ບໍລິສັດCWE, ພະນັກງານຂອງບໍລິສັດ ໄດ້ບໍລິຈາກ ປຶ້ມແບບຮຽນລວມທັງໝົດ 2.380 ຫົວ, ນອກນັ້ນ ຍັງໄດ້ສະໜອງເຄື່ອງກັ່ນຕອງນໍ້າສະອາດ, ຕັ່ງອີ້, ກະດານດໍາ ແລະອື່ນໆອີກຈໍານວນໜຶ່ງໃຫ້ແກ່ອາຈານ ແລະ ນັກຮຽນ.

ທ່ານ ສີນາວາ ສຸພານຸວົງ ໄດ້ກ່າວວ່າ: “ສອງປະເທດລາວ ແລະຈີນ ແມ່ນຄູ່ຮ່ວມຊາຕາກໍາດຽວກັນທີ່ມີການປະຕິບັດຕໍ່ກັນຢ່າງເທົ່າທຽມ, ມີການຊ່ວຍເຫຼືອເຊິ່ງກັນແລະກັນຢ່າງຈິງໃຈ ແລະມີຄວາມໃກ້ຊິດສະໜິດສະໜົມເໝືອນຄົນໃນຄອບຄົວດຽວກັນ”, ຕະຫຼອດໄລຍະເວລາ 20 ກວ່າປີ ທີ່ ບໍລິສັດ CWE ໄດ້ດໍາເນີນການພັດທະນາ ຢູ່ ປະເທດລາວ, ແມ່ນໄດ້ສ້າງເຂື່ອນດ້ວຍຄວາມຊໍານານງານ, ມີການກໍ່ສ້າງທີ່ປານີດ ແລະ ມີການຄຸ້ມຄອງທີ່ມີປະສິດທິພາບສູງ; ເຊິ່ງໄດ້ປະກອບສ່ວນອັນສໍາຄັນເຂົ້າໃນການພັດທະນາໃນຂະແໜງການເຂື່ອນໄຟຟ້າຂອງລາວ. ການຈັດພິທີເປີດງານ "ຮ່ວມກັນສ້າງອະນາຄົດການພັດທະນາແບບສີຂຽວ" ປະຈໍາ ສປປ ລາວ ຂອງ ບໍລິສັດCWE ຖືເປັນການສະຫຼຸບຕີລາຄາບົດຮຽນ ແລະ ປະສົບການໃນການພັດທະນາຂອງບໍລິສັດ, ທັງເປັນການຊຶມຊັບເຂົ້າສູ່ທ້ອງຖິ່ນ, ເພື່ອເປີດສາກການສ້າງອະນາຄົດ ແລະເປັນການເຕົ້າໂຮມກໍາລັງແຮງເພື່ອກະກຽມອອກເດີນທາງອີກຄັ້ງ. ໃນອະນາຄົດອັນໃກ້ນີ້, ຫວັງວ່າບໍລິສັດ CWE ຈະສາມາດປະກອບສ່ວນຊ່ວຍເຫຼືອເຂົ້າໃນການພັດທະນາເສດຖະກິດ-ສັງຄົມ ຂອງລາວໄດ້ຫຼາຍຂຶ້ນ.

ໃນການປາໄສ ຂອງ ທ່ານ ຊືຢິນທ້າວ ໄດ້ກ່າວວ່າ: ກຸ່ມບໍລິສັດ CCCG ໃນນາມເປັນວິສາຫະກິດຜູ້ໃຫ້ບໍລິການທີ່ນໍາໜ້າໃນທົ່ວໂລກ ສໍາລັບພື້ນຖານໂຄງລ່າງຂະໜາດໃຫຍ່ເປັນພິເສດ, ທັງແມ່ນຜູ້ເຂົ້າຮ່ວມ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ທີ່ຈົ່ງຮັກພັກດີ. ບໍລິສັດ CWE ແມ່ນ ບໍລິສັດລູກ ຂອງ ກຸ່ມບໍລິສັດ CCCG, ແມ່ນລັດວິສາຫະກິດໃນຂະແໜງຊົນລະປະທານ ແລະເຂື່ອນໄຟຟ້ານໍ້າຕົກຂອງຈີນ ທີ່ເຂົ້າຮ່ວມໃນການຮ່ວມມືເສດຖະກິດສາກົນກ່ອນໝູ່, ໃນໄລະຍະເວລາ 20 ກວ່າປີຜ່ານມາ ທີ່ໄດ້ເຂົ້າມາສູ່ຕະຫຼາດຂອງປະເທດລາວ, ໄດ້ສືບຕໍ່ເດີນໜ້າຂະຫຍາຍທຸລະກິດ ແລະປະກອບສ່ວນພະລັງງານໄຟຟ້າທີ່ສະອາດ, ເພີ່ມທະວີການກໍ່ສ້າງໂດຍການຫັນໄປສູ່ມາດຕະຖານຄວາມປອດໄພທີ່ມີຄຸນນະພາບສູງ ແລະ ໄດ້ປະຕິບັດໜ້າທີ່ທາງດ້ານສັງຄົມຢ່າງຕັ້ງໜ້າ. ໃນອະນາຄົດ, ບໍລິສັດ CWE ຈະສຸມໃສ່ການພັດທະນາເສດຖະກິດ-ສັງຄົມ ແລະຄວາມຕ້ອງການຊີວິດການເປັນຢູ່ຂອງປະຊາຊົນລາວຢ່າງແໜ້ນແຟ້ນ, ລົງເລິກການຮ່ວມມືກັບພາກສ່ວນທີ່ກ່ຽວຂ້ອງໃຫ້ຫຼາຍຂຶ້ນ, ເພື່ອປະກອບສ່ວນທາງດ້ານສະຕິປັນຍາ ແລະເຫື່ອແຮງ ເຂົ້າໃນການສ້າງຄູ່ຮ່ວມຊາຕາກໍາລາວ-ຈີນ ຢ່າງເລິກເຊິ່ງ.

ທ່ານ ນາງ ເຊີນຊື ໄດ້ກ່າວວ່າ: ກຸ່ມບໍລິສັດ CCCG ໄດ້ຮ່ວມສ້າງ ໂຄງການຮ່ວມມື “ໜຶ່ງແລວ ໜຶ່ງເສັ້ນທາງ” ທີ່ມີຄຸນນະພາບສູງ, ໄດ້ສ້າງຂົວຕໍ່ເພື່ອເຊື່ອມໂຍງເອົາຄວາມເຂົ້າໃຈກັນຂອງປະຊາຊົນ, ນໍາເອົາຄວາມຜາສຸກຕົວຈິງ ມາສູ່ປະຊາຊົນໃນທ້ອງຖິ່ນ. ຂອບໃຈ ກຸ່ມບໍລິສັດ CCCG ບໍລິສັດ CWE ແລະແຕ່ລະແວດວົງໃນສັງຄົມ ທີ່ໃຫ້ການນະໜັບສະໜູນ, ຮັບປະກັນໃຫ້ກິດຈະກໍາ “ຫໍສະໝຸດ ແມ່ນໍ້າຂອງ-ແມ່ນໍ້າລ້ານຊ້າງ” ໄລຍະ 3 ສໍາເລັດໄປດ້ວຍດີ, ໂດຍໄດ້ຊ່ວຍເຫຼືອເຮັດໃຫ້ຊາວໜຸ່ມ-ເຍົາວະຊົນ ໄດ້ຮັບການຮຽນຮູ້ ແລະເຕີບໃຫຍ່ໂດຍຜ່ານການບໍລິຈາກປຶ້ມແບບຮຽນ, ອຸປະກອນການຮຽນການສອນ ແລະອື່ນໆ.

ແຂກທີ່ຮ່ວມງານທຸກຄົນຍັງໄດ້ຮັບຊົມພາບ ເຂື່ອນໄຟຟ້ານໍ້າລີກ 1-2 ທາງອອນລາຍ, ເຊິ່ງໄດ້ຮັບຮູ້ ແລະເຂົ້າໃຈຕໍ່ການພັດທະນາສີຂຽວ,ການປ້ອງກັນ ແລະຄວບຄຸມນໍ້າຖ້ວມ, ການຮ່ວມກັນສ້າງເຂດຊຸມຊົນ ແລະອື່ນໆຂອງເຂື່ອນ. ນັກສຶກສາວິທະຍາໄລເຕັກນິກສັບພະວິຊາກໍ່ໄດ້ໄປທັດສະນະສຶກສາຕົວຈິງຢູ່ເຂື່ອນໄຟຟ້ານໍ້າລີກ 1-2, ຜ່ານການຝຶກງານເພື່ອຍົກລະດັບຄວາມຮູ້ຄວາມສາມາດຂອງຕົນເອງ.

ກິດຈະກໍາໃນຄັ້ງນີ້ໄດ້ສະແດງໃຫ້ເຫັນເຖິງພາບພົດຂອງບໍລິສັດຢ່າງຮອບດ້ານ, ເສີມສ້າງຄວາມເຂົ້າໃຈຂອງໝູ່ເພື່ອນຄົນລາວ ຕໍ່ກັບ ກຸ່ມບໍລິສັດCCCG ບໍລິສັດ CWE, ຮັດແໜ້ນສາຍພົວພັນ ລະຫວ່າງ ບໍລິສັດ ກັບ ສັງຄົມຂອງລາວ. ໃນອະນາຄົດ, ບໍລິສັດ CWE ຍັງຈະສືບຕໍ່ແນວຄວາມຄິດໃນການພັດທະນາແບບສີຂຽວ, ຕັ້ງໜ້າປະຕິບັດໜ້າທີ່ທາງດ້ານສັງຄົມ, ຈັບມືກັນກັບແຕ່ລະຝ່າຍ ແລະຮ່ວມກັນສ້າງອະນາຄົດທີ່ສວຍງາມ.

แชร์